Fighter : బికినీలో దీపికా పదుకొణె.. ఫుల్ ఎనర్జిటిక్ గా హృతిక్.. ‘ఫైటర్’ సెకండ్ సాంగ్.. చూశారా!

బాలీవుడ్ స్టార్ హృతిక్ రోషన్ (Hrithik Roshan) - దీపికా పదుకొణె జంటగా రాబోతున్న యాక్షన్ ఫిల్మ్ ‘ఫైటర్’. వచ్చే ఏడాది ప్రేక్షకుల ముందుకు వస్తోంది. ఈ సందర్భంగా వరుస అప్డేట్స్ ను యూనిట్ రిలీజ్ చేస్తోంది.  

బాలీవుడ్ గ్రీక్ గాడ్, స్టార్ హీరో హృతిక్ రోషన్ (Hrithik Roshan)  త్వరలో అద్బుతమైన చిత్రంతో రాబోతున్నారు. మరో యాక్షన్ ఫిల్మ్ తో మ్యాజిక్ చేయబోతున్నారు. ‘వార్’, ‘విక్రమ్ వేదా’ చిత్రాల తర్వాత ప్రస్తుతం ‘ఫైటర్’ (Fighter) మూవీ విడుదలకు సిద్ధంగా ఉంది. యాక్షన్ సినిమాకు కేరాఫ్ గా మారిన బాలీవుడ్ దర్శకుడు సిద్ధార్థ్ ఆనంద్ ఈ చిత్రాన్ని తెరకెక్కిస్తున్నారు. గణతంత్ర దినోత్సవం సందర్భంగా ఈ చిత్రం థియేటర్లలో విడుదల కాబోతోంది. 

రిలీజ్ కు మరో నెల రోజుల సమయం ఉండటంతో ఇప్పటి నుంచే ప్రమోషన్స్ ను ప్రారంభించారు. వరుసగా అప్డేట్స్ అందిస్తూ సినిమాపై అంచనాలను పెంచేస్తున్నారు. ఇప్పటికే అబ్బురపరిచే యాక్షన్ సీన్లతో కూడిన Fighter Teaser ను విడుదల చేశారు. అలాగే ప్రధాన పాత్రలనూ పరిచయం చేసే పోస్టర్లనూ వదిలారు. ఇక సాంగ్స్ తోనూ ఆకట్టుకుంటున్నారు. వారం కింద ఈ చిత్రం నుంచి Sher Khul Gaye అనే సాంగ్ విడుదలైంది. తాజాగా రెండో సింగిల్ కూడా వచ్చింది. 

Fighter second Song అద్భుతంగా ఉంది. Ishq Jaisa Kuch అనే టైటిల్ తో వచ్చిన లిరికల్ వీడియో సంగీత ప్రియులను ఆకట్టుకుంటోంది. ముఖ్యంగా దీపికా పదుకొణె (Deepika Padukone) , హృతిక్ రోషన్ జంటగా అదిరిపోయే స్టెప్పులేయడం ఫ్యాన్స్ కు కిక్కిస్తోంది. బాలీవుడ్ గ్రీక్ గాడ్ గ్రేస్ కు అభిమానులు, ఆడియెన్స్ ఖుషీ అవుతున్నారు. ఈ పాటకు విశాల్ మరియు శేఖర్ క్యాచీ ట్యూన్ అందించారు. కుమార్ అందించిన లిరిక్స్ అందించారు. ప్రస్తుతం యూట్యూబ్ లో ట్రెండింగ్ గా మారింది. 

అయితే, ఆ మధ్యలో షారుఖ్ ఖాన్ సరసన ‘పఠాన్’లో దీపికా చేసిన డాన్స్ ఎంత ట్రెండ్ అయ్యిందో తెలిసిందే. ఇక ‘ఫైటర్’లో మరోసారి బీచ్ వేర్ లో దీపికా పదుకొణె దర్శనమిచ్చింది. హృతిక్ కు ధీటుగా డాన్స్ చేస్తూ ఆడియెన్స్ ను చూపుతిప్పుకోకుండా చేసింది. ఇక హృతిక్ రోషన్ ఎప్పటీ లాగే అదరగొట్టారు. ఐదు పదుల వయస్సు ఉన్న తన ఫిట్ నెస్ తో షాకిస్తూనే ఉన్నారు.  సాంగ్ లో మాత్రం ట్యూన్, కొరియోగ్రఫీ, లోకేషన్లు ఆకట్టుకునేలా ఉన్నాయి. 

ఇప్పటికే హృతిక్ - సిద్ధార్థ్ ఆనంద్ కాంబోలో వార్ చిత్రం వచ్చిన విషయం తెలిసిందే. భారీ సక్సెస్ తర్వాత మళ్లీ ‘ఫైటర్’తో రాబోతున్నారు. స్క్వాడ్రన్ లీడర్ షంషేర్ పఠానియా (పాటీ) పాత్రలో హృతిక్ నటిస్తున్నారు. స్క్వాడ్రన్ లీడర్ మినల్ రాథోర్ గా దీపికా అలరించబోతోంది.  

గతేడాది సెప్టెంబర్ 30నే రావాల్సిన ఈ చిత్రం ప్రొడక్షన్ వర్క్ ఆలస్యంతో వచ్చే ఏడాదికి వాయిదా పడింది. 2024 జనవరి 25న గ్రాండ్ గా విడుదల కాబోతోంది. ఈ సందర్భంగా ప్రమోషన్స్ ను జోరుగా నిర్వహిస్తున్నారు. ఒక్కో అప్డేట్ అందిస్తూ హైప్ పెంచేస్తున్నారు. చిత్రంలో అనిల్ కపూర్ (Anil Kapoor) , కరణ్ సింగ్, అక్షయ్ ఒబేరాయ్ కీలకమైన రోల్స్ లో నటిస్తున్నారు. వయాకామ్ 18 స్టూడియోస్, మార్ఫ్లిక్స్ పిక్చర్స్ సంయుక్తంగా నిర్మిస్తున్నాయి.