త్రివిక్రమ్ పై హరీష్ శంకర్ పంచ్.! ఆ పచ్చిబూతు కూడా? ట్రోలింగ్

పెళ్లంటేనే పేకాట.. పేకాట లేకుండా పెళ్లి జరగదు అని కమెడియన్ గ్యాంగులోని సత్య అంటే.. పెళ్లిలో పేకాట.. ..

సినిమాకు హిట్ వడితే చాలా విషయాలు కొట్టుకుపోతాయి. మైనస్ లు ఉన్నా జనం పెద్దగా పట్టించుకోరు. కానీ అదే ఫ్లాఫ్ వస్తే ఇంక ఆ సినిమాని ట్రోల్ చేయటాన్ని ఆపలేం. సినిమాలో ఎక్కడెక్కడి లొసుగులు ఏరి సోషల్ మీడియా జనం కుప్పలుగా పోసి ట్రోల్ చేస్తూంటారు. అవి పెట్రోలులా మండుతూంటాయి. ఎవరూ ఏం చేయలేరు. ఆపలేరు. అలాగే ఇప్పుడు మిస్టర్ బచ్చన్ పై ట్రోల్స్ ఓ రేంజిలో మొదలయ్యాయి. అందులో రెండు డైలాగులపై అయితే దారుణంగా ఉన్నాయి. అవేంటో చూద్దాం. 

ఈ సినిమాలో విలన్‌కు వార్నింగ్ ఇచ్చే టైంలో హీరో రవితేజ  చెబుతాడు. నేను మాయలోడ్నే.. కానీ.. మాయల మాంత్రికుడ్ని కాదు.. మాటల మాంత్రికుడ్ని కాదు.. మ్యాటర్ ఉన్న మాంత్రికుడ్ని.. అని అంటాడు. ఇక మాటల మాంత్రికుడు అని అనగానే మన తెలుగు వాళ్లకు  త్రివిక్రమ్ ఖచ్చితంగా గుర్తుకు వస్తాడు. అక్కడ హరీష్ శంకర్ ఉద్దేశం ఏంటో ఎవ్వరికీ తెలియదు. కానీ మాటల మాంత్రికుడు, మ్యాటర్ ఉన్న మాంత్రికుడు అని కౌంటర్లు వేయడంతో.. అందరూ త్రివిక్రమ్ గురించే ? అని అనుకుంటున్నారు. త్రివిక్రమ్ అభిమానులు అందరూ ట్రోల్స్ మొదలెట్టారు. త్రివిక్రమ్ ని అనేంత మొగాడివా అంటూ ఆ గొడవ సాగుతోంది. 

ఇక మిస్టర్ బచ్చన్ మరో  డైలాగ్ విషయానికి వస్తే అది పచ్చి బూతు, దారుణంగా ఉంటుంది. పెళ్లంటేనే పేకాట.. పేకాట లేకుండా పెళ్లి జరగదు అని కమెడియన్ గ్యాంగులోని సత్య అంటే.. పెళ్లిలో పేకాట.. మరి పెళ్లి తరువాత అని ఇంకో  కమెడియన్ అడుగుతాడు. దాని తరువాత వచ్చే సమాధానంను ఆడియెన్స్ ఊహకు వదిలేశాడు మన దర్శకుడు.  ఇది వినగానే రవితేజ లాంటి హీరో సినిమాలో ఈ దరిద్రపు బూతు డైలాగులు ఏంటి హరీష్ అంటూ నిలదీస్తున్నారు. 

ఈ సినిమాలో మరో సీన్ లో అయితే ...  హీరో గుర్తొచ్చినప్పుడు.. హీరోయిన్ తన ఫ్రెండ్‌కు సిగరెట్ ఇచ్చి స్మోక్ చేయమని అడుగుతుంది. ఇక అందులో నుంచి వచ్చే పొగను..ఆస్వాదిస్తూ హీరోను తలచుకొని సంతృప్తి పడుతుంది. ఈ సీన్ ని చూసిన జనం ఏకిపారేస్తున్నారు. అసలు ఇలాంటి  క్రియేటివ్ థాట్ ఎలా వచ్చింది అంటున్నారు  ఏమన్నా హరీష్ శంకర్ చాలా గ్రేట్ అంటూ సెటైర్లు వేస్తున్నారు.

ఏదైమైనా రవితేజ ఖాతాలో మరో డిజాస్టర్ పడింది.  హరీశ్ శంకర్ దర్శకత్వంలో మాస్ మహారాజ రవితేజ హీరోగా నటించిన ‘మిస్టర్ బచ్చన్’ సినిమా విడుదలకు ముందు మంచి బజ్ తెచ్చుకుంది. ప్రమోషన్లతో పాటు హరీశ్ శంకర్ కామెంట్లతో బాగా హైప్ వచ్చేసింది. దానికి తోడు పాటలు ఆకట్టుకోవడం, ట్రైలర్ బాగుండటంతో ఎక్సపెక్టేషన్స్ పెరిగాయి. అయితే, మిస్టర్ బచ్చన్ సినిమా అనుకున్న స్థాయిలో ప్రేక్షకులను ఆకట్టుకోలేకపోయింది. ఈ బుధవారం (ఆగస్టు 14) సాయంత్రమే ప్రీమియర్ల షోలతో ఈ చిత్రం రాగా.. గురువారం పూర్తిస్థాయిలో రిలీజ్ అయింది. ఈ మూవీకి ప్రీమియర్ల నుంచే నెగెటివ్ టాక్ వచ్చింది. చివరకి వీకెండ్స్ కూడా వర్కవుట్ అయ్యేట్లు కనపడటం లేదు.