- Home
- Entertainment
- Express Hari Marriage: హీరోయిన్ను పెళ్లాడబోతున్న ఎక్స్ప్రెస్ హరి! వైరల్ అవుతున్న వీడియోలో నిజమెంత?
Express Hari Marriage: హీరోయిన్ను పెళ్లాడబోతున్న ఎక్స్ప్రెస్ హరి! వైరల్ అవుతున్న వీడియోలో నిజమెంత?
Express Hari Marriage: 'పటాస్' షోతో పాపులర్ అయి.. ప్రస్తుతం బుల్లితెర కామెడీ ప్రపంచాన్ని ఏలుతున్న కమెడియన్ ఎక్స్ప్రెస్ హరి. నటుడిగా, రచయితగా ఫుల్ స్వింగ్లో ఉన్న హరి.. త్వరలోనే ఓ హీరోయిన్ను పెళ్లాడబోతున్నాడట. ఇందులో నిజమెంత?
బుల్లితెరపై కామెడీ కింగ్
పటాస్, జబర్దస్త్ కార్యక్రమాల ద్వారా కమెడియన్గా గుర్తింపు పొందిన ఎక్స్ప్రెస్ హరి, ప్రస్తుతం బుల్లితెరపై బిజీ నటుడిగానే కాకుండా ప్రముఖ షోలకు స్క్రిప్ట్, డైలాగ్ రైటర్గా కూడా రాణిస్తున్నారు. ముఖ్యంగా 'స్టార్ మా' ఛానల్లో ప్రసారమయ్యే పలు ఎంటర్టైన్మెంట్ కార్యక్రమాలకు రచయితగా, కమెడియన్గా కొనసాగుతూ.. తనదైన కామిక్ టైమింగ్తో ప్రేక్షకులను అలరిస్తున్నారు. అంతే కాకుండా చేతినిండా సంపాదిస్తున్నారు కూడా. ఆయన రచయితగా, కమెడియన్గా కొనసాగుతున్న ‘ఆదివారం విత్ స్టార్ మా పరివారం’ షో విజయవంతంగా 200 ఎపిసోడ్ల మైలురాయిని చేరుకుంది. ఈ 200వ ఎపిసోడ్ను పురస్కరించుకుని మేకర్స్ విడుదల చేసిన ప్రత్యేక ప్రోమో ప్రస్తుతం సోషల్ మీడియాలో విపరీతంగా వైరల్ అవుతోంది.
హీరోయిన్తో ఎక్స్ప్రెస్ హరి పెళ్లి?
ఈ ప్రోమోలో యాంకర్ శ్రీముఖి ప్రేక్షకులకు ఒక బిగ్ సర్ప్రైజ్ ఇస్తున్నట్లు ప్రకటిస్తూ, ఎక్స్ప్రెస్ హరి త్వరలోనే ఒక ఇండస్ట్రీకి చెందిన అమ్మాయిని పెళ్లి చేసుకోబోతున్నాడని వెల్లడించారు. ఆ తర్వాత పల్లకిలో ముసుగు వేసుకుని ఉన్న పెళ్లికూతురిని వేదికపైకి తీసుకురావడం, హరి సిగ్గుపడడం వంటి సన్నివేశాలు చూపించారు. అయితే, ఆ ముసుగులో ఉన్న అమ్మాయి ముఖాన్ని ప్రోమోలో స్పష్టంగా చూపించకపోవడంతో ఆమె ఎవరనేది ఉత్కంఠగా మారింది.
నిజమెంత? నెటిజన్లు ఏమంటున్నారు?
ఈ ప్రకటన వెనుక ఉన్న అసలు నిజంపై ప్రేక్షకుల్లో రకరకాల అభిప్రాయాలు వ్యక్తమవుతున్నాయి. సాధారణంగా టీవీ షోలలో టీఆర్పీ రేటింగ్స్ కోసం ప్రాంక్ పెళ్లిళ్లు, లవ్ ట్రాక్లు ప్లాన్ చేయడం పరిపాటే. అయితే ఇది 200వ ఎపిసోడ్ కావడంతో నిజంగానే ఇది హరి వివాహ ప్రకటన అయ్యుంటుందని కొందరు భావిస్తున్నారు. మరికొందరైతే ఈ మధ్య కాలంలో ‘పొదరిల్లు’ సీరియల్ నటి కృతికతో నడుస్తున్న లవ్ ట్రాక్ నేపథ్యంలో, ఆమెనే పెళ్లికూతురిగా తీసుకువచ్చి ఉంటారా అని కామెంట్స్ చేస్తున్నారు. ఈ ఉత్కంఠకు తెరపడాలంటే రాబోయే ఆదివారం ప్రసారమయ్యే పూర్తి ఎపిసోడ్ చూడాల్సిందే.
