ఉగ్రమ్, సలార్ కి మధ్య ఉన్న పోలికలు ఇవే.. ఆసక్తి పెంచేస్తున్న వివరాలు

యంగ్ రెబల్ స్టార్ ప్రభాస్,ప్రశాంత్ నీల్ కాంబినేషన్ లో తెరకెక్కుతున్న తొలి చిత్రం సలార్. దేశం మొత్తం సినీ అభిమానులని సలార్ ఫీవర్ చుట్టేసింది. మరికొన్ని గంటల్లోనే సలార్ ఫస్ట్ షో ప్రారంభం కాబోతోంది. దీనితో సలార్ చిత్రం విశేషాలని ఫ్యాన్స్ చర్చించుకుంటున్నారు. ప్రశాంత్ నీల్ 2014లో ఉగ్రం చిత్రంతో దర్శకుడిగా మారారు. 

సలార్ మొదలైనప్పటి నుంచి ఈ చిత్రాన్ని ప్రశాంత్ నీల్ ఉగ్రమ్ రీమేక్ గా తెరకెక్కిస్తున్నారు అంటూ ప్రచారం జరిగింది. కానీ ఈ రూమర్స్ పై సలార్ చిత్ర యూనిట్ స్పందించలేదు. అయితే రీసెంట్ గా ప్రశాంత్ నీల్ ఇచ్చిన ఇంటర్వ్యూలలో సలార్, ఉగ్రమ్ చిత్రాల గురించి స్పందించారు. 

సలార్ చిత్రాన్ని ఉగ్రమ్ స్ఫూర్తితోనే రూపొందించినట్లు ప్రశాంత్ నీల్ అంగీకరించారు. ఉగ్రమ్ చిత్రం హిట్ అయింది కానీ కెజిఎఫ్ స్థాయికి వెళ్లాల్సిన కథ అది అని ప్రశాంత్ నీల్ అన్నారు. ఉగ్రమ్ కథలో కొన్ని మార్పులు చేసి డ్రామా మొత్తం మార్చేశారు. అయితే ఉగ్రమ్ , సలార్ మధ్య కనిపిస్తున్న పోలికలు ఏంటి ఎవరెవరు ఏ పాత్రలు చేశారు అనే విశేషాలు చూద్దాం. 

ఉగ్రమ్ చిత్రంలో కథానాయకుడిగా శ్రీమురళి నటించారు. సలార్ లో పాన్ ఇండియా స్టార్ ప్రభాస్ హీరో కావడంతో ఇది క్రేజీ ప్రాజెక్టు గా మారిపోయింది. సలార్ చిత్రంలో ప్రశాంత్ నీల్ ఖాన్సార్ అనే భారీ సిటీకి క్రియేట్ చేశారు. ఉగ్రం మూవీలో మూగోర్ అనే నగరాన్ని చూపించారు. 

సలార్ చిత్రంలో అత్యంత కీలకమైన ప్రభాస్ స్నేహితుడి పాత్రలో పృథ్వీరాజ్ సుకుమారన్ నటించగా.. ఉగ్రంలో శ్రీమురళి స్నేహితుడిగా తిలక్ శేఖర్ నటించారు.  ఇక్కడ ఆసక్తికర విషయం ఏంటంటే ఉగ్రమ్ చిత్రంలో హీరో బైక్ మెకానిక్ గా పనిచేస్తుంటాడు. సలార్ లో ప్రభాస్ కూడా మెకానిక్ గా నటిస్తున్నట్లు ట్రైలర్ లో డైలాగ్స్ ని బట్టి అర్థం చేసుకోవచ్చు. 

ఉగ్రమ్ లో హరిప్రియ హీరోయిన్ గా నటించగా.. సలార్ లో శృతి హాసన్ ప్రభాస్ కి జోడిగా నటించింది. ఉగ్రం చిత్రాన్ని ప్రశాంత్ నీల్ 1994, 2014 పీరియడ్స్ లో సాగుతుంది. ఇక సలార్ చిత్రం 1990, 2024 పీరియడ్స్ లో ఉండనుంది. ఉగ్రం చిత్రం తక్కువ బడ్జెట్ లో తెరకెక్కి 30 కోట్ల వరకు సాధించింది. ఇక సలార్ చిత్రానికి ప్రశాంత్ నీల్ 270 కోట్ల వరకు ఖర్చు చేశారు. ఇక కలెక్షన్స్ అంటారా  మరికొన్ని గంటల్లో సునామి మొదలు కాబోతోంది.