'సలార్' సక్సెస్ క్రెడిట్ ఆయనదే, యాంకర్ రవి వాదనని ఖండించిన శృతి హాసన్.. షాకింగ్ కామెంట్స్ వైరల్

యంగ్ రెబల్ స్టార్ ప్రభాస్ నటించిన తాజా చిత్రం సలార్. ప్రశాంత్ నీల్ దర్శకత్వంలో తెరకెక్కిన ఈ మూవీ దేశవ్యాప్తంగా సినిమా అభిమానుల్లో ఫీవర్ లా మారిపోయింది. బాలీవుడ్, కోలీవుడ్, టాలీవుడ్ అనే తేడా లేకుండా అన్ని ప్రాంతాల్లో ఫ్యాన్స్ సలార్ జపం చేస్తున్నారు. తొలిరోజే ఈ చిత్రానికి బ్లాక్ బస్టర్ రెస్పాన్స్ రావడంతో ఫ్యాన్స్ సూపర్ హ్యాపీగా ఉన్నారు. 

ఈ చిత్రంలో ప్రభాస్ కి జోడిగా స్టార్ బ్యూటీ శృతి హాసన్ నటించింది. చిత్ర ప్రమోషన్స్ లో శృతి హాసన్ ఎక్కడా కనిపించలేదు. కానీ ఈ మూవీలో శృతి హాసన్ ఆధ్యగా కథలో కీలకమైన పాత్ర పోషించింది. కనీసం సలార్ చిత్రానికి ప్రీ రిలీజ్ ఈవెంట్ కూడా నిర్వహించకపోవడంతో శృతి హాసన్ కి అంత పబ్లిసిటీ లభించలేదు. 

అయితే సలార్ చిత్రం శుక్రవారం రిలీజ్ అయింది. బ్లాక్ బస్టర్ టాక్ రావడమే కాదు. వందల కోట్ల వసూళ్లు నమోదవుతూ రికార్డులు బద్దలవుతున్నాయి. ఈ తరుణంలో శృతి హాసన్ ప్రమోషన్స్ కోసం రంగంలోకి దిగింది. ఓ ఛానల్ ఓ నిర్వహించే ప్రీ న్యూ ఇయర్ సెలెబ్రేషన్స్ షోలో శృతి హాసన్ పాల్గొంది. మోస్ట్ అవైటెడ్ దావత్ అంటూ సాగే ఈ షోకి సంబంధించిన ప్రోమో విడుదలయింది. 

ఆకాశం అమ్మాయైతే నీలా ఉంటుందే అనే సాంగ్ తో శృతి బ్యూటిఫుల్ ఎంట్రీ ఇచ్చింది. భయ్యా మా దావత్ కి శృతి హాసన్ వచ్చింది అంటూ యాంకర్ రవి హంగామా చేశాడు. ఈ దావత్ ఎందుకంటే సలార్ రిలీజ్ అయింది సూపర్ హిట్ అయింది అని రవి గోల గోల చేశాడు. 

అనంతరం శృతి హాసన్ నుంచి సలార్ విశేషాలు రాబట్టే ప్రయత్నం చేశాడు యాంకర్ రవి. ప్రభాస్ తో వర్కింగ్ ఎక్స్పీరియన్స్ ఎలా ఉంది అని ప్రశ్నించాడు. దావత్ అంటే మనకి గుర్తుకు వచ్చేది ప్రభాస్ అని శృతి హాసన్ తెలిపింది. ఫస్ట్ షెడ్యూల్ లో నలుగురు ఉన్నారని ప్రభాస్ కి చెప్పా.. ఒకే పర్వాలేదు అన్నాడు. చూస్తే 400 మందికి విందు భోజనం పంపించాడు. ప్రభాస్ చాలా కేరింగ్ పర్సన్ ని శృతి పేర్కొంది. 

రవి మాట్లాడుతూ సలార్ ఇంత సక్సెస్ కావడానికి కారణం ఈ మూవీలో ప్రభాస్, శృతి హాసన్ పోషించిన పాత్రలే అని రవి అన్నాడు. వెంటనే రవి అభిప్రాయాన్ని శృతి హాసన్ ఖండించింది. కాదు కాదు.. నేను చెప్పే విషయాన్ని ప్రభాస్ కూడా అంగీకరిస్తాడు. ఏదైనా ఒక విజన్ తోనే ప్రారంభం అవుతుంది. ఆ క్రెడిట్ ప్రశాంత్ నీల్ సర్ కే దక్కుతుంది. 

చిత్ర పరిశ్రమలో ఒక వాదన ఉంది నార్త్ సౌత్ అని. మన సౌత్ సినిమాలు నార్త్ లో అలజడి సృష్టిస్తున్నాయి అని మనం గర్వంగా చెప్పుకుంటున్నాం. సలార్ కూడా మన మట్టిలో పుట్టిన కథ.. గ్లోబల్ గా సంచలనం అవుతుంది అంటూ శృతి హాసన్ సంతోషం వ్యక్తం చేసింది.