యువ రక్తం ఉరకలెత్తించేలా.. స్పూర్తి నింపిన సినీ దేశభక్తి గీతాలు
గుండెనింగా దేశభక్తి .. గొంతునిండ దేశగీతి, మనసు ఉప్పొంగేలా.. చెవులు చల్లబడేలా.. సమరయోధులుసంతోషపడేలా.. దేశ భక్తి గీతాలు ఆలపిస్తూ.. . తెల్లవాడి దురాక్రమణకు.. దుర్మార్గపు పాలనకు చరమగీతం పాడిన రోజు స్వతంత్ర దినోత్సవం. ఈరోజును పురస్కరించుకుని ఎన్నో సినీ గీతాలు ప్రేక్షకులను సమ్మోహన పరిచాయి.
ప్రతి భారతీయుడూ రెపరెపలాడే మువ్వన్నెల జెండాకు సెల్యూట్ చేస్తూ.. భరతమాతను కీర్తించే రోజు. ఈ సందర్భాన్ని పురస్కరించుకుని ఎన్నో గీతాలు యువరక్తాన్ని ఉర్రూతలూగించాయి. ఎంతో మంది త్యాగాలను మనకు అర్ధం అయ్యేలా వివరించాయి.
భరతమాతకు శిరస్సువంచి నమస్కరించే రోజ. దేశ వ్యాప్తంగా ఎంతో మంది త్యాగధనులను,యోధులను గుర్తు తెచ్చుకునేలా ఎత్తర జెండా. .అంటు ఆర్ఆర్ఆర్ లోని పాట.. ఉరకలెత్తిస్తుంది. ఈ సందర్భంగా దేశ వ్యాప్తంగా ఎంతో మంది సమరయోధులను స్మరించుకుంది ఈ పాట. వారి ఖ్యాతిని కీర్తించింది.
తెలుగు సినిమా ఇండస్ట్రీలో దేశభక్తి చిత్రాలకు ప్రత్యేక స్థానం ఉంది. స్వాంతత్య్రానికి పూర్వంమేకాదు స్వాతంత్ర్యం వచ్చిన తర్వాత కూడా ఆ ప్రవాహం ఆగలేదు. బ్రిటీష్ దాస్వశృంఖలాలు తెంచుకుని స్వేచ్ఛా వాయువులు పీల్చుకుంటున్న తరువాతకూడా పోరాటం ఆగలేదు. స్వతంత్రం రాగానే సంబరపడిపోతే సరిపోదని. ఆ స్వతంత్రాన్ని సద్వినియోగం చేసుకోవాలని మన కవులు ఎలుగెత్తి చెప్పారు.. పాడవోయి భారతీయుడా అంటూగళమెత్తారు.
ఆరోజుల్లో దేశశ భక్తి సినిమాలు చాల ఎక్కువగా వచ్చేవి.. సినిమా అంటే వినోదం మాత్రమే కాదు... దేశభక్తిని పురిగొల్పే గొప్ప కళారంగం అని ఎన్నోసార్లు నిరూపించుకుంది వెండితెర. ముఖ్యంగా అన్న నందమూరి తారక రామారావు తన చివరి సినిమాలో కూడా తన దేశ భక్తిని చాటి చెప్పారు. మేజర్ చంద్ర కాంత్ సినిమాతో భరతమాతకు నమస్కరించారు. పుణ్యభూమి నాదేశం అంటూ వెలుగెత్తి చెప్పారు.
బ్లాక్ అండ్ వైట్ సినిమాల కాలంలోనే ప్రజల నరనరాల్లో దేశ భక్తిని నింపే సినిమాలు ఎన్నో వచ్చాయి. అవి అననువణఉవున మన నరాళ్లో దేశ భక్తిని నింాయి. మన దేశంలో అసలైన దేశభక్తులు సైనికులే ప్రాణాలకు తెగించి భరత జాతి రక్షణ కోసం అహోరాత్రులు సరిహద్దులో పహారా కాస్తారు. అలాంటి సైనికులు తన దేశంగురించి పాడుతున్న పాటే సిపాయి చిన్నయ్యలోని నా జన్మ భూమి పాట.
ఈ దేశం మనది. ఆ జెండా మనది. త్యగం మనది. భరతమాదను కాపాడుకునే భాత్యత మనది. అలాంటి బాధ్యతను గుర్తు చేసేవి ఇప్పటి కాలంలో సినిమాలే. పెద్దలేకాదు యువతరం కూడా అలాంటి సినిమాలను, పాటలను గుండెలకు హత్తుకుంటూ ఉన్నారుజై సినిమాలో పాట మనసుని హత్తుకుందింది. దేశంపై ప్రేమను పెంచుతుంది. అందరికి పంచుతుంది.
దేశాన్ని ప్రేమించాలని నేర్పించన మన రచయితలు మనలోని తప్పులను కూడా అదే స్థాయిలో బయట పెట్టారు. కులాల పేరుతో కుమ్ములాటలు, మతాల పేరుతో మారణ హోమాలు చేసినా మన మంతా భారతీయులమే అని చాటిచెప్పారు. భిన్నత్యంలో ఏకత్వం మన భారతదేశ ప్రత్యేకత. ఎన్ని మతాలున్నా సమభావతో సాగిపోవటం మన నైజం. ఆ విషయాన్ని నిరూపించిన పాట ఖడ్గం సినిమా నుంచి మనకు ఎప్పుడూ వినిపిస్తూనే ఉంటుంది.
దేశంకోసం పోరాడన వారిలో మన తెలుగవారు కూడా ఉన్నారు. వారికి సముచిత స్థానం కల్పిస్తూ.. వారి గౌరవాన్నినిరూపించుకోవల్సి ఉంటుంది. తెలుగు వీర లేవరా అంటూ మన తెలుగు జాతి ముద్దు బిడ్డ అల్లూరి.. నిద్ర పోతునన జాతిని మేల్కొలిపారు.
ఈ పుడమితో మనుషులకున్న అనుబంధం పేగుబంధం కన్నా గొప్పది. దేశంకోసం దేనికైనా తెగించే ధీరత్వం భారతీయుల సొంతం. దేశంకోసం ఓ చిన్న పనిచేసినా అది వెలకట్టలేని ఆనందాన్నిస్తుంది. అలాంటిది ఈ దేశం కోసం తమ ప్రాణాలను కూడ తృణప్రాయంగా త్యజించారు మన నాయకులు ఈ రోజున అలాంటి నాయకులను స్మరించుకోవటం మన అదృష్టం. వారి పేరును తలుచుకోవడంమే కాదు.. వారి బాటలో నడవాలి, వారి మంచిని అలవరుచుకోవాలి.. అప్పుడు దేవం బాగుపడుతుంది.