పుష్ప 2 ఫస్ట్ రివ్యూ : మూవీ రిజల్ట్ డిసైడ్ చేసేది ఆ నాలుగే..ఫస్టాఫ్, సెకండాఫ్ లో మైండ్ బ్లాక్ చేసే హైలైట్స్

ఐకాన్ స్టార్ అల్లు అర్జున్ నటించిన పుష్ప 2 చిత్రం మరో వారం రోజుల్లో ప్రేక్షకుల ముందుకు రానుంది. రిలీజ్ కి కావలసిన అన్ని కార్యక్రమాలని నిర్మాతలు పూర్తి చేస్తున్నారు. పుష్ప 2 గురించి బయటకి వస్తున్న ప్రతి అంశం ఆడియన్స్ ని ఉక్కిరి బిక్కిరి చేస్తోంది. ఈసారి పుష్ప రాజ్ పాత్రలో అల్లు అర్జున్ చేయబోయే హంగామా కోసం దేశం మొత్తం ఎదురుచూస్తోంది. 

తాజాగా పుష్ప 2 చిత్ర సెన్సార్ కార్యక్రమాలు మొదలయ్యాయి. ఆల్రెడీ తెలుగు వెర్షన్ కి సంబంధించిన సెన్సార్ పూర్తయినట్లు తెలుస్తోంది. మిగిలిన భాషల సెన్సార్ కూడా కంప్లీట్ అయితే అన్ని డీటెయిల్స్ ని నిర్మాతలు అధికారికంగా ప్రకటించనున్నారు. అయితే అందుతున్న సమాచారం మేరకు సెన్సార్ సభ్యులు తెలుగు వెర్షన్ చూశాక యు/ఏ సర్టిఫికెట్ ఇవ్వాలని డిసైడ్ అయ్యారట. 

సినిమా మొత్తం 3 గంటల 22 నిమిషాల నిడివితో సుకుమార్ సెన్సార్ కి పంపారట. ఇందులో ఇక పెద్దగా మార్పులు ఉండవు. మహా అయితే రెండు మూడు నిమిషాలు ట్రిమ్ చేస్తారు అని అంటున్నారు. సో పుష్ప 2 రన్ టైం 3 గంటల 20 నిముషాలు అని ఫిక్స్ కావచ్చు. సెన్సార్ నుంచి సినిమాకి సంబంధించిన కొన్ని మైండ్ బ్లోయింగ్ డీటెయిల్స్ లీక్ అయ్యాయి. ఈ చిత్రం 3 గంటల 20 నిమిషాల లాంగ్ రన్ టైంతో ఉన్నప్పటికీ ఎక్కడా బోర్ కొట్టకుండా సుకుమార్ జాగ్రత్త పడ్డట్లు తెలుస్తోంది. 

అసలు 3 గంటలపైగా ఉన్న సినిమా చూస్తున్న ఫీలింగ్ ఉండదట. ఆడియన్స్ ని ఎంగేజ్ చేసేలా సుక్కు అన్ని జాగ్రత్తలు తీసుకున్నారు అని టాక్. ఫస్ట్ హాఫ్ మొత్తం ఎమోషనల్ గా సాగుతుంది అని అంటున్నారు. ఫస్ట్ హాఫ్ లో పుష్ప రాజ్, ఇతర పాత్రల మధ్య డ్రామా అద్భుతంగా పండినట్లు చెబుతున్నారు. మధ్యలో వచ్చే యాక్షన్ ఎపిసోడ్ ఆడియన్స్ కి గూస్ బంప్స్ తెప్పిస్తుంది అని అంటున్నారు. సుకుమార్ ఇంటర్వెల్ ని ఎండ్ చేసిన విధానం ఫ్యాన్స్ బాగా హై ఇస్తుంది అని అంటున్నారు. 

సెకండ్ హాఫ్ మొత్తం రేసీ స్క్రీన్ ప్లే తో పరుగులు పెడుతుందట. సెకండ్ హాఫ్ లో మొత్తం 3 మైండ్ బ్లోయింగ్ యాక్షన్ సన్నివేశాలు ఉంటాయి. ఆ మూడు యాక్షన్ సీన్స్ పై చిత్ర యూనిట్ ఒక రేంజ్ లో నమ్మకం పెట్టుకుని ఉన్నారు. ఫస్ట్ హాఫ్ లో ఒక యాక్షన్ ఎపిసోడ్, సెకండ్ హాఫ్ లో మూడు వర్కౌట్ అయితే బాహుబలి, కెజిఎఫ్, ఆర్ఆర్ఆర్ లాంటి చిత్రాలని అవలీల గా అధికమిస్తుంది అని నమ్మకంతో ఉన్నారు. యాక్షన్, విజువల్ థ్రిల్ చేసేలా ఉంటాయట. సుకుమార్ పుష్ప 3 ప్లానింగ్ లో కూడా ఉన్నారు. ఒక భారీ ట్విస్ట్ తో పుష్ప 3కి లీడ్ ఇచేలా మూవీ ముగుస్తుంది అని చెబుతున్నారు.