ఫస్ట్ టైం ఆదికి దారుణ అవమానం... జడ్జిమెంట్ బాలేదన్నందుకు సిగ్గుందా అని అడిగిన పూర్ణ!

బుల్లితెర స్టార్ హైపర్ ఆదికి దారుణమైన అవమానం జరిగింది. హీరోయిన్ పూర్ణ జడ్జిమెంట్ తప్పుబట్టినందుకు ఆదిపై పూర్ణ ఫైర్ అయ్యారు. నీకు సిగ్గుందా అని విరుచుకుపడ్డారు.  

Dhee 14

ఢీ సీజన్ 14 జడ్జిగా హీరోయిన్ పూర్ణ వ్యవహరిస్తున్న విషయం తెలిసిందే. ప్రియమణి షూటింగ్స్ బిజీ కారణంగా ఆమె రావడం లేదు. దీంతో పూర్ణ రీ ఎంట్రీ ఇచ్చారు. యాని మాస్టర్, గణేష్ మాస్టర్స్ తో కలిసి ఢీ షో జడ్జెస్ గా వ్యవహరిస్తున్నారు. 

ఢీ 14 చివరి దశకు చేరుకుంది. ఎలిమినేషన్ రౌండ్స్ పూర్తయ్యాయి. ప్రస్తుతం సెమీఫైనల్స్ జరుగుతున్నాయి. కంటెస్టెంట్స్ అద్భుతమైన పెర్ఫార్మన్స్ లు ఇస్తున్నారు. అదిరిపోయే డాన్సులతో స్టేజి దద్దరిల్లుతుంది. ఒకరికి మించిన పెర్ఫార్మన్స్ మరొకరు ఇస్తుండగా జడ్జెస్ ఎవరిని ఫైనల్ కి పంపాలో తెలియక అల్లాడుతున్నారు. 

ఇక లేటెస్ట్ సీజన్లో ఆసక్తికర పరిణామం చోటు చేసుకుంది. డాన్సర్ శ్వేతాతో హైపర్ ఆది ఫేస్ ఆఫ్ కి దిగాడు. రామ్ చరణ్ ''నీతోనే డాన్స్ టు నైట్'' సాంగ్ కి శ్వేతా, హైపర్ ఆది డాన్స్ చేశారు. అనంతరం స్టేజ్ పైకి వచ్చిన యాంకర్ ప్రదీప్ ఇద్దరిలో విన్నర్ ఎవరో జడ్జెస్ చెప్పాలి అన్నారు. 

ముగ్గురు జడ్జెస్ లో మొదటిగా పూర్ణ... సందేహం ఏముంది, శ్వేతా బాగా చేసింది అన్నారు. దానికి ఆది ఆగ్రహానికి, అసహనానికి గురయ్యాడు. చేతిలో ఉన్న వాటర్ బాటిల్ విసిరేసి... ఫస్ట్ టైం మీ జడ్జిమెంట్ నాకు నచ్చలేదంటూ స్టేట్మెంట్ ఇచ్చాడు. వేదికపై నుండి కోపంగా వెళ్ళిపోయాడు.

నువ్వు ఇలా ప్రవర్తించ కూడదు అంటూ పూర్ణ హైపర్ ఆదిపై ఫైర్ అయ్యారు. దానికి ఆది.. నాకు డాన్స్ రాదు, యాక్టింగ్ రాదని కౌంటర్ ఇచ్చాడు. అయితే నీకు సిగ్గుంటే వెళ్ళు. సిగ్గు లేదనుకుంటే ఇక్కడే ఉండు అని తీవ్ర వ్యాఖ్యలు చేసింది. 

పూర్ణ మాటలకు మళ్ళీ ఆది.. నాకు సిగ్గు లేదు, సిగ్గు రాదు, ఫ్యూచర్ లో నా సిగ్గేంటో భవిష్యత్ లో మీరే చూస్తారంటూ సీరియస్ గా రియాక్ట్ అయ్యాడు. పూర్ణ మళ్ళీ నోరు మూసుకో అన్నారు. దానికి నాకు నోరు లేదంటూ ఆది మళ్ళీ కౌంటర్ ఇచ్చాడు. 

ఢీ వేదికగా పూర్ణ-ఆది మధ్య జరిగిన ఈ వాగ్వాదం ఆసక్తికరంగా మారింది. ఐతే ఇదంతా హైప్ కోసమే అని చెప్పొచ్చు. నెక్స్ట్ ఎపిసోడ్ కి హైప్ తేవడం కోసం పూర్ణ, ఆది ఇలా ప్రవర్తించారు. ఢీ 14 లేటెస్ట్ ప్రోమో ఈ ఇంట్రెస్టింగ్ విషయాలతో సిద్ధం చేశారు.