Jailer 2: షారుఖ్‌కు బదులు మరో స్టార్ హీరో? జైలర్ 2లో మాస్ క్యామియోతో అభిమానులకు పూనకాలే..

నెల్సన్ దిలీప్‌కుమార్ దర్శకత్వంలో రజినీకాంత్ నటిస్తున్న 'జైలర్ 2' సినిమాలోషారుఖ్ బదులుగా మరో మాస్ హీరో నటించబోతున్నాడట.  కీలక అతిథి పాత్రలో నటించబోయే స్టార్ హీరోపై లేటెస్ట్ అప్‌డేట్ వచ్చేసింది. ఇంతకీ ఎవరా హీరో? 

Image Credit : X

జైలర్ 2'లో బాలీవుడ్ స్టార్ హృతిక్ రోషన్

దేశవ్యాప్తంగా అభిమానులు  ఎదురుచూస్తున్న 'జైలర్ 2'లో బాలీవుడ్ స్టార్ హృతిక్ రోషన్ ఓ కీలక అతిథి పాత్రలో నటించడం దాదాపు ఖాయమైంది. మొదట ఈ పాత్ర కోసం మేకర్స్ షారుఖ్ ఖాన్‌ను సంప్రదించారు. కానీ డేట్స్ సర్దుబాటు కాకపోవడంతో ఆయన తప్పుకున్నారట. ఇప్పుడు హృతిక్ కోసం సరికొత్త లుక్‌ను డిజైన్ చేస్తున్నట్టు తెలుస్తోంది.  దాదాపు 40 ఏళ్ల తర్వాత రజినీకాంత్, హృతిక్ రోషన్ కలిసి నటిస్తుండటం అభిమానులకు పెద్ద సర్‌ప్రైజ్.

Image Credit : x

జైలర్ కథ మరో స్థాయిలో..

సినిమా కథలో చాలా కీలకమైన దశలో ఈ పాత్ర వస్తుందని, 'జైలర్' కథను మరో స్థాయికి తీసుకెళ్తుందని సమాచారం. జూన్ మూడో వారంలో ఈ పాత్రకు సంబంధించిన భారీ షెడ్యూల్ ప్లాన్ చేశారు. దీనికి ముందు హృతిక్ లుక్ టెస్ట్‌లో పాల్గొంటారు. సినిమా షూటింగ్ పూర్తికాకముందే, దీని ఓటీటీ హక్కులు సుమారు రూ.160 కోట్లకు అమ్ముడయ్యాయని టాక్. అమెజాన్ ప్రైమ్ వీడియో ఈ మెగా డీల్‌ను సొంతం చేసుకుంది. తమిళ సినీ చరిత్రలోనే ఇది అతిపెద్ద ఓటీటీ డీల్ అని చెప్పుకుంటున్నారు.

Image Credit : instagram

జైలర్ 2 రిలీజ్ డేట్ ఎప్పుడు..?

'జైలర్ 2' మొదటి షెడ్యూల్ షూటింగ్ కేరళలోని పాలక్కాడ్‌లో ఉన్న అట్టప్పాడి, కోజికోడ్ ప్రాంతాల్లో జరిగింది. రజినీకాంత్‌తో పాటు మలయాళ నటుడు సూరజ్ వెంజరమూడు ఓ కీలక పాత్ర పోషిస్తున్నారు. మొదట ఈ సినిమాను ఆగస్టులో రిలీజ్ చేస్తారని వార్తలొచ్చాయి. కానీ తాజా సమాచారం ప్రకారం, 'జైలర్ 2' సెప్టెంబర్‌లో విడుదలయ్యే అవకాశం ఉంది. 2023లో విడుదలైన 'జైలర్' ప్రపంచవ్యాప్తంగా రూ.600 కోట్లకు పైగా వసూలు చేసింది. జనవరి 14న ఓ ప్రోమోతో ఈ సీక్వెల్‌ను అధికారికంగా ప్రకటించగా, మార్చిలో షూటింగ్ మొదలైంది.

Image Credit : instagram

భారీ అంచనాల నడుమ..

తమిళ పరిశ్రమలో భారీ ఓపెనింగ్స్ సాధిస్తుందని అంచనా వేస్తున్న సినిమాల్లో 'జైలర్ 2' ఒకటి. మొదటి భాగానికి సంగీతం అందించిన అనిరుధ్ రవిచందర్, రెండో భాగానికి కూడా మ్యూజిక్ డైరెక్టర్. అయితే, రెండో భాగంలో మోహన్‌లాల్ పోషించిన 'మాథ్యూ' అనే డాన్ పాత్ర ఉంటుందా లేదా అనే ఆసక్తి అందరిలోనూ ఉంది. ప్రస్తుత సమాచారం ప్రకారం, 'జైలర్ 2'లో మోహన్‌లాల్ కూడా నటిస్తున్నారని తెలుస్తోంది. ఇక రజినీకాంత్ చివరిగా 'కూలీ' చిత్రంలో కనిపించారు. లోకేష్ కనగరాజ్ దర్శకత్వంలో కళానిధి మారన్ ఈ చిత్రాన్ని నిర్మించారు. ఇందులో నాగార్జున, అమీర్ ఖాన్ కూడా నటించారు.