“హాట్ స్పాట్” సీన్ తో పాపులర్ టీవీ యాంకర్ కు ఓ రేంజి ట్రోలింగ్ ,తొలిగించమంటూ నిర్మాతలని...

 ఈ సీన్ తో ఆ యాంకర్ ని ట్యాగ్ చేస్తూ కొందరు సోషల్ మీడియాలో పోస్ట్ లుపెడుతున్నారు. నీలాంటి వాళ్ళు మారాలన్నట్లు గా కామెంట్స్ చేస్తున్నారు. 

Hot Spot

సినిమాలు నిజ జీవితాన్ని అనుసరిస్తాయో లేదో కానీ ఒక్కోసారి ...సినిమాలో సన్నివేశాలు మనకు గుర్చుకుంటాయి. నిలదీస్తాయి. ప్రశ్నిస్తాయి. కంగారుపెడతాయి. అలాంటి సంఘటనే రీసెంట్ గా జరిగింది. తెలుగులో పేరున్న ఓ యాంకర్ ... రీసెంట్ గా ఓటిటిలో రిలీజైన    “హాట్ స్పాట్” సినిమాలో సీన్ తీసేయమంటూ నిర్మాతను అడిగిందని సమాచారం. ఎందుకంటే ఆ సీన్ తో ఆమె గతంలో ఓ షోలో చేసిన ఓ వీడియోను సోషల్ మీడియాలో వైరల్ చేస్తున్నారు. అది ఆమెని నిలదీసినట్లుగా ఉంది. 

 వివరాల్లోకి వెళితే... ఈ మధ్య ఆహా ఓటిటిలో విడుదలైన హాట్ స్పాట్ సినిమా మీద ప్రముఖ యాంకర్ ఒకరు పర్శనల్ గా  ఫైర్ అయ్యారు. ఆ సినిమాలో వచ్చే ఓ ఎపిసోడ్ లో  యాంకర్లు లైవ్ టీవీ షోస్ లో చిన్న పిల్లల చేత తప్పుడు పనులు చేయిస్తున్నట్టు చూపించటం జరిగింది. ఆ ఎపిసోడ్ వల్ల ఓ చిన్న పిల్ల రేప్ కు గురి అవుతుంది. అయితే అలాంటివి నిత్యం మనం టీవీషోలలో చూపిస్తున్నవే. కానీ ఈ సినిమాలో దాన్ని ఇదీ మీరు చేస్తున్న తప్పు. దీన్ని మనం ఖండించాలి అన్నట్లు వేలు ఎత్తి చూపించారు.

CWC Zoya

ఈ సీన్ బాగా పాపులర్ అయ్యింది. జనం ఆ సీన్ కు బాగా కనెక్ట్ అయ్యారు. ఫేమ్ కోసం, డబ్బు కోసం తమ పిల్లలను టీవి షోలకు తీసుకెళ్తే అక్కడ ఎంటర్టైన్మెంట్ పేరుతో అసభ్యంగా వాళ్ల చేత బిహేవ్ చేయిస్తున్నారు. ఓ రకంగా చైల్డ్ ఎబ్యూజ్ కూడా జరుగుతోంది. ఇదే విషయాన్ని హాట్ స్పాట్ సినిమాలో ప్రస్దావించారు. అయితే ఈ సీన్ తో ఆ యాంకర్ ని ట్యాగ్ చేస్తూ కొందరు సోషల్ మీడియాలో పోస్ట్ లుపెడుతున్నారు. నీలాంటి వాళ్ళు మారాలన్నట్లు గా కామెంట్స్ చేస్తున్నారు. 

అయితే అలాంటి వాటికి  భాద్యత తమ యాంకర్స్ ది కాదని ఆ షో నిర్వాహకులైన దర్శక నిర్మాతలదని ఆమె మండిపడ్డారు.  హాట్ స్పాట్ సినిమాలో ఉన్న యాంకర్ సీన్స్ తీసివెయ్యలని ఆమె నిర్మాతని కోరారు. యాంకర్ విజ్ఞప్తికి నిర్మాత స్పందిస్తూ హాట్ స్పాట్ సినిమా తమిళ్ సినిమాకి తెలుగు డబ్బింగ్ అని ఒరిజినల్ తమిళ్ సినిమా సెన్సార్ అయ్యి తమిళనాడులో ధియేటర్స్లో కూడా రిలీజ్ అయ్యి హిట్ అయ్యిందని తాము ఏమీ ఇక్కడ కొత్తగా యాడ్ చేయలేదన్నారు.

అయినా ఆ సినిమాలో సమాజం లో టీవి షోస్ పేరుతొ సమాజంలో జరిగే తప్పులే చూపించారు తప్ప యాంకర్స్ ని ఎక్కడ తప్పుగా చూపించలేదని తెలిపారు. హాట్ స్పాట్ సినిమా తెలుగులో కూడా విజయం సాధించినందుకు ప్రేక్షకులుకు నిర్మాత కృతజ్ఞతలు తెలిపారు.  కళ్లముందు జరిగే అన్యాయాలను పట్టించుకోకపోతే తర్వాత ఎలాంటి పరిణామాలు చోటుచేసుకుంటాయనే ఆసక్తికరమైన కథాంశంతో ఈ సినిమాను తెరకెక్కించారు. కాగా ఇప్పటికే ఆహాలో తమిళ్‌ వెర్షన్‌ అందుబాటులో ఉండగా, ఇప్పుడు తెలుగులోనూ తీసుకొచ్చారు. అయితే ఆ యాంకర్ ఎవరనేది చెప్పటానికి నిర్మాతలు ఇష్టపడలేదు.  

హాట్ స్పాట్ కథేమిటంటే..

డైరక్షన్ ట్రైల్స్ లో ఉన్న  మహమ్మద్ షఫీ(విగ్నేష్ కార్తీక్) ఓ నిర్మాత(బాల మణిమర్బన్) ని కలిసి కథ చెప్పి ఒప్పించి సినిమా చేద్దామనుకుంటాడు. అయితే ఆ నిర్మాత పది నిముషాల్లో చెప్పేయ్..అలాగే రొటీన్ కథ అయితే అసలే చెప్పకు అని అల్టిమేటం ఇస్తాడు. ఆ క్రమంలో ఈ కొత్త డైరక్టర్ తన దగ్గరున్న నాలుగు కథలు తీసి చెప్పటం మొదలెడతాడు. అందులో  హ్యాహీ మ్యారీడ్ లైఫ్ ,గోల్డెన్ రూల్స్,టమోటా చట్నీ, ఫేస్ గేమ్ అనే నాలుగు వైవిధ్యమైన కథలు. సమాజంలోని మనం పట్టించుకోవటానికి కూడా భయపడే సమస్యలను సూటిగా ప్రశ్నస్తూ సాగుతాయి. అలాగే ఈ కథలకు ముగింపు కూడా ఓ చిన్న ట్విస్ట్ తో ఇచ్చారు. ఆ ట్విస్ట్ ఏమిటి...ఈ కథలు విన్న నిర్మాత వీటిలో దేనితో సినిమా చేద్దామంటాడు. ఆ కథలు ఏమిటి వంటి విషయాలు తెలియాలంటే సినిమా చూడాలి. 

ఈ సినిమాని ఎక్కడ చూడచ్చు 

OTT: ఆహా లో తెలుగులో ఉంది