Samantha: బోల్డ్నెస్ లో బౌండరీలు బ్రేక్ చేసిన సమంత... ఏకంగా బికినీలో మైండ్ బ్లాకింగ్ పోజ్!

ప్రముఖ ఫ్యాషన్ మ్యాగజైన్ బజార్ సమంతపై ఫోటో షూట్ చేసింది. బ్లాక్ డిజైనర్ అవుట్ ఫిట్ లో సమంతను సూపర్ హాట్ గా ప్రజెంట్ చేశారు. బికినీని పోలిన డ్రెస్ లో హాట్ క్లీవేజ్ షోతో టెంపరేచర్ పెంచేసింది. సమంత హాట్ అవతార్ సోషల్ మీడియాను షేక్ చేస్తుంది. ఫ్యాన్స్ వెర్రెక్కి పోతున్నారు. 
 

ఈ మ్యాగజైన్ ఇంటర్వ్యూలో పాల్గొన్న సమంత ఆసక్తికర విషయాలు పంచుకున్నారు. మీ జీవితంలో ఎదురైన ఒడిదుడుకులపై స్పందన ఏంటని అడగ్గా... విడాకులు, ఆపై అనారోగ్యం నన్ను తీవ్రంగా కృంగదీశాయి. ఈ పరిణామాలు నా వర్క్ మీద ప్రతికూల ప్రభావం చూపాయి. సమస్య తర్వాత మరో సమస్య సతమతం చేశాయి. 

ఈ కఠిన పరిస్థితుల్లో నేను నాలాగే సమస్యలు బారిన పడ్డ నటుల జీవితాల గురించి చదివాను. వారు ఎలా పోరాటం చేసి గెలిచారో తెలుసుకున్నాను. అది నాకు ఎంతగానో ఉపయోగపడింది. అభిమానులు ప్రేమించే నటిగా ఉండటం ఒక బహుమతి. కాబట్టి మనం నిజాయితీగా ఉండాలి. మన నిజ జీవితాలు వారితో పంచుకోవాలి. 

ఎన్ని హిట్స్, బ్లాక్ బస్టర్స్ కొట్టాము. ఎన్ని అవార్డులు అందుకున్నాము. ఎంత అందంగా ఉన్నాము. ఎలాంటి బట్టలు ధరిస్తున్నాము అనేది ముఖ్యం కాదు. మనం ఎలాంటి ఒడిదుడుకులకు, కష్టాల నుండి బయట పడ్డాము అనేది ముఖ్యం. నేను నా సమస్యల మీద పోరాటం చేస్తానని తెలుసు. నాలాగే బాధలు పడేవాళ్ళకు ఎదుర్కునే శక్తి ప్రాప్తించాలి. నిరంతరం పోరాడాలి... అని సుదీర్ఘ సమాధానం సమంత పోస్ట్ చేశారు. 

సమంత హీరో నాగ చైతన్యను ప్రేమ వివాహం చేసుకున్నారు. 2021లో మనస్పర్థలు తలెత్తాయి. అదే ఏడాది అక్టోబర్ నెలలో అధికారికంగా విడాకుల ప్రకటన చేశారు. సమంత ఈ విషయంలో కార్నర్ చేయబడ్డారు. ఆమెపై అనేక నిరాధార ఆరోపణలు చేయబడ్డాయి. సోషల్ మీడియా ట్రోల్స్ కి గురయ్యారు. 

విడాకుల ఒత్తిడి నుండి కోలుకునే లోపు మయోసైటిస్ రూపంలో ఆమెను మరో సమస్య చుట్టుముట్టింది. 2022 అక్టోబర్ నెలలో సమంత తనకు మయోసైటిస్ సోకినట్లు వెల్లడించింది. ఈ కారణంగా దాదాపు ఆరు నెలలు ఇంటి వద్దే ఉంటూ చికిత్స తీసుకుంది. సినిమా షూటింగ్స్ ఆగిపోయాయి. 

కొంత కోలుకున్న తర్వాత ఖుషి చిత్ర పెండింగ్ షూటింగ్ తో పాటు సిటాడెల్ సిరీస్ పూర్తి చేసింది. ఈ ఏడాది సమంత ఖుషి, శాకుంతలం చిత్రాలు విడుదల చేసింది. సిటాడెల్ పోస్ట్ ప్రొడక్షన్ జరుపుకుంటుంది. సమంత కొత్త చిత్రాలకు సైన్ చేయలేదు. ఫ్యాన్స్ ఆసక్తిగా ఎదురుచూస్తున్నారు.