మళ్ళీ తెలుగింటి కోడలు కానున్న సమంత... ఆమెకు కాబోయే భర్త ఎవరో తెలుసా?

నాగ చైతన్య ఇటీవల భారీ షాక్ ఇచ్చాడు. హీరోయిన్ శోభిత ధూళిపాళ్లతో పెళ్ళికి సిద్ధమయ్యాడు. కొన్నాళ్లుగా శోభితతో నాగ చైతన్య ఎఫైర్ నడుపుతున్నాడనే వాదనలు ఉన్నాయి. ఈ రూమర్స్ ని నాగ చైతన్య టీమ్ తో పాటు శోభిత ఖండించారు. సడన్ గా నిశ్చితార్థం జరుపుకుని అందరినీ ఆశ్చర్యానికి గురి చేశారు. ఆగస్టు 8న శోభిత-నాగ చైతన్యల నిశ్చితార్థం వేడుక ముగిసింది. హీరో నాగార్జున అధికారిక ప్రకటన చేశారు.

ఈ వేడుక జరిగి వారం గడవక ముందే సమంత రూపంలో మరొక సెన్సేషన్ తెరపైకి వచ్చింది. సమంత ఓ స్టార్ దర్శకుడితో ఎఫైర్ లో ఉందట. ది ఫ్యామిలీ మ్యాన్ ఫేమ్ రాజ్-సమంత రిలేషన్ లో ఉన్నారని బాలీవుడ్ మీడియా కోడై కూస్తుంది. దర్శక ద్వయం రాజ్ అండ్ డీకే సక్సెఫుల్ గా రాణిస్తున్నారు. వీరిద్దరూ తెరకెక్కించిన ది ఫ్యామిలీ మ్యాన్, ది ఫ్యామిలీ మ్యాన్ 2, ఫర్జీ సిరీస్లు విశేషంగా ఆకట్టుకున్నాయి. 

రాజ్ అండ్ డీకే తెలుగువారే కావడం విశేషం. వీరిద్దరూ చిత్తూరు జిల్లాకు చెందినవారు. రాజ్ నిడిమోరుతో సమంత రిలేషన్ లో ఉన్నారు అనేది లేటెస్ట్ టాక్. ది ఫ్యామిలీ మ్యాన్ 2లో సమంత ఒక ప్రధాన పాత్ర చేసింది. శీలంక తమిళ్ రెబల్ రోల్ లో ఆకట్టుకుంది. ది ఫ్యామిలీ మ్యాన్ సెన్సేషనల్ హిట్ కాగా దానికి కొనసాగింపుగా వచ్చిన ది ఫ్యామిలీ మ్యాన్ 2 సైతం ఆకట్టుకుంది. 
 

రాజ్ అండ్ డీకే దర్శకత్వంలో సమంత హనీ బన్నీ టైటిల్ తో మరొక సిరీస్ చేస్తుంది. ఈ యాక్షన్ సిరీస్ నవంబర్ 7 నుండి అమెజాన్ ప్రైమ్ లో స్ట్రీమ్ కానుంది. రాజ్ తో సమంత చాలా కాలంగా జర్నీ చేస్తుంది. ఈ ప్రొఫెషనల్ జర్నీ ప్రేమకు దారి తీసిందని అంటున్నారు. రాజ్ సైతం ఆల్రెడీ వివాహం చేసుకున్నాడు. అయితే భార్యకు విడాకులు ఇచ్చాడనే టాక్ నడుస్తుంది. 
 

సమంత-రాజ్ తన ఎఫైర్ ని ఎప్పుడైనా బయట పెట్ట వచ్చని అంటున్నారు. నాగ చైతన్య-సమంత మధ్య మనస్పర్థలు తెచ్చిన అంశాల్లో ది ఫ్యామిలీ మ్యాన్ 2 కూడా ఒకటి అంటారు. ఈ సిరీస్లో సమంత బోల్డ్ సీన్స్ చేసింది. తాజాగా రాజ్ తో సమంత రిలేషన్ లో ఉన్నారని కథనాలు వెలువడుతున్నాయి. చూస్తుంటే ఈ వార్తల్లో నిజం లేకపోలేదనే వాదన వినిపిస్తోంది. 
 

సమంత ఇకపై వివాహం చేసుకోరని, ఆమెకు ఆ ఆలోచన లేదని ప్రచారం అవుతుంది. ఆ వార్తలకు భిన్నంగా తాజా ఎఫైర్ రూమర్స్ ఉన్నాయి. ఇకపోతే ఇటీవల ట్రాలాల మూవింగ్ పిక్చర్స్ పేరుతో ఓ నిర్మాణ సంస్థను ఏర్పాటు చేసింది. ఈ బ్యానర్ లో మా ఇంటి బంగారం టైటిల్ తో ఒక మూవీ ప్రకటించింది.