విజయ్ దేవరకొండకు చెప్పకుండా ఏం చేయను... ఓపెన్ అయిన రష్మిక, దీన్ని ప్రేమ కాక ఏమంటారు?

విజయ్ దేవరకొండతో రష్మిక మందానకు మంచి అనుబంధం ఉంది. విజయ్ దేవరకొండ ఫ్యామిలీలో ఒక మెంబర్ గా రష్మిక మెలుగుతోంది. విజయ్ దేవరకొండ ఇంట్లో జరిగే చిన్న చిన్న వేడుకలకు కూడా రష్మిక హాజరవుతుంది. హైదరాబాద్ వస్తే విజయ్ దేవరకొండ ఇంట్లోనే ఉంటుంది. 

విజయ్ దేవరకొండ-రష్మిక ఏకాంతంగా రెండుసార్లు మాల్దీవ్స్ వెకేషన్ కి వెళ్లారు. ఈ విషయాన్ని రష్మిక ఒప్పుకుంది కూడా. ఫ్రెండ్ తో టూర్ కి వెళితే తప్పేంటని సమాధానం చెప్పింది. అలాగే ముంబైలో అనేక పర్యాయాలు డిన్నర్ నైట్స్ కి వెళుతూ జంటగా కనిపించారు. 

విజయ్ దేవరకొండ-రష్మిక తాము ప్రేమికులమని ఒప్పుకోరు. ఈ వార్తలను అనేక సందర్భాల్లో ఖండించారు. ఫిబ్రవరిలో నిశ్చితార్థం, త్వరలో పెళ్లి అని కథనాలు వెలువడ్డాయి. విజయ్ దేవరకొండ ఖండించారు. మీడియా నాకు ప్రతీసారి పెళ్లి చేస్తూనే ఉంటుంది. నాపై ఇలాంటి పుకార్లు కొత్తేమీ కాదని కొట్టిపారేశారు. 

తాజాగా రష్మిక మందాన విజయ్ దేవరకొండను ఉద్దేశిస్తూ చేసిన కామెంట్స్ మరోసారి ఎఫైర్ రూమర్స్ రాజేశాయి. విజయ్ దేవరకొండ తన లైఫ్ లో ఎంతటి కీ రోల్ ప్లే చేస్తున్నాడో ఆమె చెప్పుకొచ్చింది. 

నేను కష్టపడి పైకి వచ్చాను. అయితే నేను చేసే ప్రతిపనిలో విజయ్ దేవరకొండ సహకారం ఉంది. ఒక పని చేయబోయే ముందు విజయ్ దేవరకొండ సలహా తీసుకుంటాను. ఆయన మంచి చెడులు వివరిస్తాడు. వ్యక్తిగతంగా నాకు జీవితంలో అందరికంటే ఎక్కువ సపోర్ట్ చేసిన వ్యక్తి విజయ్ దేవరకొండ... అని రష్మిక అన్నారు. 

వారి మధ్య ఎంతటి అనుబంధం ఉందో చెప్పేందుకు ఈ వ్యాఖ్యలే నిదర్శనం. కాబట్టి వీరు బయటకు స్నేహితులం మాత్రమే అని చెప్పుకుంటున్నప్పటికీ ప్రేమికులే అనే సందేహాలు కలుగుతున్నాయి. 

రష్మిక టాలీవుడ్ కి వచ్చిన తొలినాళ్లలో విజయ్ దేవరకొండకు జంటగా గీత గోవిందం మూవీ చేసింది. ఈ చిత్రం బ్లాక్ బస్టర్ హిట్. డియర్ కామ్రేడ్ మూవీ మరోసారి జతకట్టారు. ఈ చిత్రం మాత్రం ఆశించిన ఫలితం ఇవ్వలేదు. మళ్ళీ వీరి కాంబోలో మూవీ రాలేదు.