సీఎం కేసీఆర్ని కలిసిన `ధళపతి` విజయ్.. టాలీవుడ్లో హాట్ టాపిక్.. ఫోటోలు వైరల్
కోలీవుడ్ హీరో, `ధళపతి` విజయ్ తెలంగాణ సీఎం కేసీఆర్ని కలిశారు. హైదరాబాద్లోని ప్రగతి భవన్లో ఆయన సీఎం కేసీఆర్ని కలవడం విశేషం. సీఎంకి పుష్ప గుచ్ఛం ఇచ్చారు. అనంతరం కేసీఆర్ .. విజయ్ని శాలువాతో సత్కరించారు. అయితే కోలీవుడ్ హీరో, సీఎం కేసీఆర్ని కలవడం ఇప్పుడు ప్రాధాన్యత సంతరించుకుంది.
Vijay met CM KCR
కోలీవుడ్ హీరో, ధళపతి విజయ్ తెలంగాణ సీఎం కేసీఆర్ని కలిశారు. హైదరాబాద్లోని ప్రగతి భవన్లో ఆయన సీఎం కేసీఆర్ని కలవడం విశేషం. సీఎంకి పుష్ప గుచ్ఛం ఇచ్చారు. అనంతరం కేసీఆర్ .. విజయ్ని శాలువాతో సత్కరించారు. అయితే కోలీవుడ్ హీరో, సీఎం కేసీఆర్ని కలవడం ఇప్పుడు ప్రాధాన్యత సంతరించుకుంది.
`ధళపతి` విజయ్ ప్రస్తుతం తెలుగు డైరెక్టర్ వంశీపైడిపల్లి దర్శకత్వంలో `విజయ్ 66` పేరుతో రూపొందుతున్న చిత్రంలో నటిస్తున్నారు. రష్మిక మందన్నా కథానాయికగా నటిస్తున్న చిత్రమిది. ప్రస్తుతం విజయ్, వంశీపైడిపల్లి చిత్రం హైదరాబాద్లో చిత్రీకరణ జరుపుకుంటోంది. తెలుగు, తమిళంలో ఈ సినిమాని రూపొందిస్తున్నారు. పాన్ ఇండియా మూవీగా రిలీజ్ చేయాలని భావిస్తున్నారు.
ఈ సినిమాని దిల్రాజు నిర్మిస్తుండటం విశేషం. ఈ సినిమా చిత్రీకరణ హైదరాబాద్లో జరుపుకుంటోన్న నేపథ్యంలో మర్యాద పూర్వకంగా విజయ్.. సీఎం కేసీఆర్ని కలిసినట్టు తెలుస్తుంది. ఈ సందర్భంగా హైదరాబాద్ షూటింగ్లకు చాలా అనుకూలంగా ఉందని, తెలంగాణ ప్రభుత్వం సినిమా షూటింగ్ల విషయంలో చాలా సహకారం అందిస్తుందని ఆయన చెప్పినట్టు సమాచారం.
అదే సమయంలో సినిమాల గురించి కేసీఆర్ కూడా విజయ్ని అడిగి తెలుసుకున్నట్టు, దీంతోపాటు సౌత్ సినిమా అభివృద్ధి, తమిళనాడు రాజకీయాలు వంటి అంశాలపై వీరి మధ్య చర్చ జరిగినట్టు టాక్. మరి ఇందులో నిజమెంతా అనేది తెలియాల్సి ఉంది.
అయితే వంశీపైడిపల్లి, ఎంపీ సంతోష్ కుమార్కి మధ్య మంచి సంబంధాలున్నాయి. ఆ పరిచయంతోనే సీఎం కేసీఆర్ని, విజయ్ని కలిసేలా చేశారని సమాచారం. ఈ ఇద్దరి మీటింగ్లో సంతోష్ కుమార్ కీలక పాత్ర పోషించినట్టు టాక్.
దర్శకుడు వంశీపైడిపల్లి, అలాగే నిర్మాత దిల్రాజు తెలంగాణే కావడంతో ఈ విజయ్ని, సీఎం కేసీఆర్తో కలవడం ఈజీ అయ్యిందని టాక్. అయితే తమిళనాడులో విజయ్ రాజకీయాల్లోకి రాబోతున్నట్టు కొన్నాళ్లుగా ప్రచారం జరుగుతుంది. కానీ ప్రస్తుతం ఆ సాంకేతాలేవీ కనిపించడం లేదు. కానీ విజయ్, కేసీఆర్ కలయిక ప్రాధాన్యత సంతరించుకుంది.
ఇక వంశీపైడిపల్లి దర్శకత్వంలో రూపొందుతున్న చిత్రంతో విజయ్ తెలుగులోకి ఎంట్రీ ఇస్తుండటం విశేషం. ఈ సినిమాపై తెలుగు నాట భారీ అంచనాలు నెలకొన్నాయి.