ఆ వయసులోనే ప్రేమలో పడ్డ ప్రభాస్, ఇక పెళ్లి ఆలోచన లేదా? డార్లింగ్ అప్పుడే హింట్ ఇచ్చాడు!

ప్రభాస్ పెళ్లి ఎందుకు చేసుకోవడం లేదనే సందేహం అందరిలో ఉంది. తన ఫస్ట్ లవ్ ఎవరో తెలియజేసిన ప్రభాస్, పెళ్లి విషయంలో తన ఆలోచన ఏమిటో చెప్పకనే చెప్పాడు.   

ప్రభాస్ ఇటీవల 45వ పుట్టిన రోజు జరుపుకున్నాడు. ప్రభాస్ ఈ పాటికే వివాహం చేసుకుని ఇద్దరు పిల్లలకు తండ్రి కావాల్సింది. ప్రభాస్ తోటి హీరోలు మహేష్ బాబు, ఎన్టీఆర్, అల్లు అర్జున్, రామ్ చరణ్ సకాలంలో పెళ్లి చేసుకుని వారసులను కన్నారు. ప్రభాస్ మాత్రం ఆ ఊసు ఎత్తడం లేదు. 

ప్రభాస్ అసలు పెళ్లి చేసుకుంటాడా లేదా? అనే సందేహం అందరిలో ఉంది. వరుస ప్రాజెక్ట్స్ తో బిజీగా ఉన్న ప్రభాస్, పెళ్లి దిశగా ఆలోచన చేస్తున్నారనిపించడం లేదు. గత ఏడాది ఆదిపురుష్, సలార్ చిత్రాలతో బాక్సాఫీస్ వద్ద సందడి చేశాడు ప్రభాస్. తాజాగా కల్కి తో వసూళ్ల వర్షం కురిపించాడు. కల్కి వరల్డ్ వైడ్ రూ. 1100 కోట్లకు పైగా వసూళ్ళు రాబట్టింది. 

ప్రభాస్ అప్ కమింగ్ చిత్రాల జాబితా పెద్దదే. సందీప్ రెడ్డి వంగతో స్పిరిట్ చేయాల్సి ఉంది. మారుతీ దర్శకత్వంలో చేస్తున్న రాజా సాబ్ షూటింగ్ జరుపుకుంటుంది. సలార్ 2 తో పాటు దర్శకుడు హను రాఘవపూడితో ఒక చిత్రానికి ప్రభాస్ కమిట్ అయ్యాడు. కాబట్టి రానున్న మూడు నాలుగేళ్లలో ప్రభాస్ షెడ్యూల్ ఫుల్ బిజీ. మరి పెళ్లి చేసుకునే తీరిక ఎక్కడ?

ప్రభాస్ గతంలో పెళ్లి పై స్పందించారు. దానికి సమయం రావాలని అన్నారు. అన్ స్టాపబుల్ షోలో బాలయ్య గట్టిగా నిలదీస్తే... అమ్మాయి దొరకడం లేదు. సల్మాన్ ఖాన్ పెళ్లి తర్వాతే నా పెళ్లి అని సిల్లీ సమాధానాలు చెప్పి తప్పుకున్నాడు. మరోవైపు ప్రభాస్ పెద్దమ్మ శ్యామలాదేవి ప్రభాస్ వివాహం మీద గట్టి విశ్వాసంతో ఉన్నారు.

కానీ ప్రభాస్ కి పెళ్లి ఆలోచన లేదని గతంలో జరిగిన ఓ సంఘటన గుర్తు చేసుకుంటే అర్థం అవుతుంది. మిర్చి మూవీ ప్రమోషన్స్ లో భాగంగా ప్రభాస్ కొందరు అమ్మాయిలతో చిట్ చాట్ ప్రోగ్రాం లో పాల్గొన్నారు. ఈ క్రమంలో యంగ్ గర్ల్స్ ఆయన్ని రొమాంటిక్ ప్రశ్నలతో ఇబ్బంది పెట్టారు. 

ఓ అమ్మాయి.. మిర్చి మూవీలో మిమ్మల్ని అనుష్క ఎత్తుకుంటుంది. నిజంగానే పైకి ఎత్తిందా? అని అడిగింది. అవును నిజంగానే పైకి నన్ను లేపింది. అయితే ఒక స్టూల్ వేశారు. దానిపై నేను నిల్చున్నాను. పైకి లేపాక స్టూల్ తీసేశారు.. అని సమాధానం చెప్పాడు. 

మరో అమ్మాయి.. మీరు అమ్మాయిల హృదయాలను బ్రేక్ చేసే రోజు ఎప్పుడు? అని అడిగింది. అంటే మీ వివాహం ఎప్పుడని అడిగింది. నాకు అమ్మాయిల హార్ట్ బ్రేక్ చేయడం ఇష్టం ఉండదు. అందుకే ఎప్పటికీ చేయను, అని ప్రభాస్ అన్నారు. అంటే నాకు పెళ్లి ఆలోచన లేదని, ఎప్పటికీ చేసుకోనని పరోక్షంగా చెప్పాడు. 

ఈ కార్యక్రమంలో ప్రభాస్ తన ఫస్ట్ లవ్ ఎవరో కూడా చెప్పాడు ప్రభాస్. స్కూల్ డేస్ లో ఒక టీచర్ ని చూసి చాలా ఇష్టపడ్డాడట. చెన్నైలో డాన్ బాస్కో స్కూల్లో చదువుకునే రోజుల్లో ఒక టీచర్ ప్రభాస్ కి తెగ నచ్చేసిందట. ఆమె ఫేస్ ఇప్పటికీ ఆయన మదిలో మెదులాడుతుందట.  తనే ప్రభాస్ ఫస్ట్ లవ్ అట. 

మరోవైపు అనుష్క శెట్టి, కృతి సనన్ వంటి హీరోయిన్స్ తో ప్రభాస్ ఎఫైర్ రూమర్స్ ఫేస్ చేశాడు. బాహుబలి 2 విడుదల తర్వాత అనుష్క, ప్రభాస్ వివాహం చేసుకుంటారనే ప్రచారం జరిగింది. అలాగే ఆదిపురుష్ విడుదల సమయంలో కృతి సనన్-ప్రభాస్ రిలేషన్ లో ఉన్నారంటూ కథనాలు వెలువడ్డాయి. అవన్నీ పుకార్లుగానే మిగిలిపోయాయి.