ఆయన టచ్ చేయడానికి ఇష్టపడలేదు, చంపకుండా అందుకే వదిలేశారు, పనిమనిషి పెంచింది.. రేణు దేశాయ్ షాకింగ్ కామెంట్స్ 

బద్రి మూవీ రేణు దేశాయ్ జీవితాన్ని మార్చేసింది. మోడల్ అయిన రేణు దేశాయ్ ఆ చిత్రంతో హీరోయిన్ గా మారింది. దర్శకుడు పూరి జగన్నాధ్ ఆమెను సిల్వర్ స్క్రీన్ కి పరిచయం చేశాడు. అమీషా పటేల్ మరొక హీరోయిన్. ట్రయాంగిల్ లవ్ డ్రామా బద్రి సూపర్ హిట్ కొట్టింది. బద్రి సెట్స్ లో పవన్ కళ్యాణ్-రేణు దేశాయ్ మధ్య ప్రేమ చిగురించింది. 

జానీ సినిమా కోసం మరోసారి జతకట్టారు రేణు దేశాయ్-పవన్ కళ్యాణ్. జానీ నిరాశపరిచింది. అప్పటికే వీరిద్దరూ రిలేషన్ లో ఉన్నారు. అకీరా, ఆద్యలు పుట్టాక మనస్పర్థలతో విడిపోయారు. తనకు తెలియకుండా అన్నా లెజినోవాతో రిలేషన్ పెట్టుకుని, పవన్ కళ్యాణ్ పిల్లల్ని కూడా కన్నాడని రేణు దేశాయ్ ఆరోపించడం సంచలన పరిణామం. 

విడాకులు తీసుకున్నాక రేణు దేశాయ్ పిల్లలతో పాటు పూణేలో సెటిల్ అయ్యింది. అకీరా, ఆద్య పెద్దయ్యాక మకాం హైదరాబాద్ కి మార్చింది. పవన్ కళ్యాణ్ తో ఆమె స్నేహం కొనసాగుతుంది. పిల్లలు అకీరా, ఆద్య మెగా ఫ్యామిలీలో మమేకం అయ్యారు. పండగలు, వేడుకల్లో ఆద్య, అకీరా కూడా పాల్గొంటారు. రేణు దేశాయ్ మాత్రం పవన్ కళ్యాణ్ ఫ్యామిలీకి దూరంగా ఉంటారు. 

తరచుగా పవన్ కళ్యాణ్ ఫ్యాన్స్ తో రేణు దేశాయ్ కి సోషల్ మీడియా వార్స్ చోటు చేసుకుంటాయి. ట్రోల్స్  తట్టుకోలేక ఆమె ఫేస్ బుక్, ట్విట్టర్ అకౌంట్స్ వదిలేశారు. సోషల్ సర్వీస్ కోసం ఇంస్టాగ్రామ్ మాత్రం ఉపయోగిస్తున్నారు. తాజా ఇంటర్వ్యూలో రేణు దేశాయ్ గతంలో ఎన్నడూ చెప్పని కొన్ని కీలక విషయాలు పంచుకుని ఎమోషనల్ అయ్యింది.

రేణు దేశాయ్ మాట్లాడుతూ... మగ పిల్లాడు పుడతాడని మా తల్లిదండ్రులు మొదటి నుండి నమ్మకం పెట్టుకున్నారు. నేను పుట్టేసరికి తీవ్ర నిరాశకు గురయ్యారు. మా నాన్న నన్ను చూసేందుకు, తాకేందుకు కూడా ఇష్టపడలేదు. చాలా మంది పేరెంట్స్ అమ్మాయి పుడితే చంపేస్తున్నారు. మా పేరెంట్స్ చదుకున్నవారు కావడంతో నన్ను చంపలేదు.

మా ఇంట్లో పనిమనిషి నన్ను ప్రేమగా పెంచింది. తల్లిదండ్రులు ఉండి కూడా వారి ప్రేమకు నోచుకోకపోవడం దురదృష్టకరం. విడాకుల కంటే కూడా పుట్టింటి వారు ఆదరించకపోవడం బాధించింది. నాలా నా పిల్లల జీవితం నాశనం కాకూడదని, నిశ్చితార్థం క్యాన్సిల్ చేసుకున్నాను, అని అన్నారు. నటిగా రేణు దేశాయ్ సెకండ్ ఇన్నింగ్స్ స్టార్ట్ చేసిన సంగతి తెలిసిందే..