మహేష్ బాబు కూతురు సితార సింప్లిసిటీ చూశారా... ఏమైనా ఈ స్టార్ కిడ్ చాలా ప్రత్యేకం అబ్బా!

అందంలోనే కాదు గుణాల్లో కూడా తండ్రి మహేష్ బాబు లక్షణాలు పుణికి పుచ్చుకుంది సితార. గోల్డెన్ స్పూన్ తో పుట్టిన సితార చాలా సింపుల్ గా ఉంటుంది.  

Bigg Boss Telugu 7

సితారకు డాన్స్ అంటే మహా ఇష్టం. తరచుగా డాన్స్ వీడియోలు చేసి ఇంస్టాగ్రామ్ లో షేర్ చేస్తుంది. తాజాగా డాన్స్ కాస్ట్యూమ్ లో ఫోటోలకు పోజిచ్చింది. తన మాస్టర్ యాని కూడా అదే తరహా డ్రెస్ ధరించారు. సదరు డ్రెస్ లో సితార చాలా సింపుల్ గా ఉంది. 

మిగతా స్టార్ కిడ్స్ తో పోల్చుకుంటే సితార చాలా ప్రత్యేకం. అమ్మడుకి దయా గుణం కూడా ఎక్కువే. సెలెబ్రిటీ అయినప్పటికీ సామాన్యులతో ఇట్టే కలిసిపోతుంది. పేదలకు సహాయం చేయడంలో ముందుంటుంది. 

పసి ప్రాయంలోనే సితార స్టార్ హోదా అనుభవిస్తుంది. ప్రముఖ జ్యూవెలరీ బ్రాండ్ పీఎంజే యాడ్ షూట్ లో పాల్గొన్నారు. ఈ క్రమంలో న్యూయార్క్ టైం స్క్వేర్ స్ట్రీట్ లో సితార హోర్డింగ్స్ ప్రదర్శించారు. ప్రఖ్యాత టైం స్క్వేర్ స్ట్రీట్ లో సితార ఫోటోలు దర్శనమివ్వడంతో మహేష్ బాబు మురిసిపోయారు.

ఈ యాడ్ కి సితార కోటి రూపాయల రెమ్యూనరేషన్ తీసుకుందట. తన మొదటి సంపాదన ఛారిటీకి డొనేట్ చేసినట్లు సితార వెల్లడించింది. పుట్టినరోజు నాడు పేద బాలికలకు సైకిల్స్ తన సంపాదనతో కొనిపెట్టింది. ఆ బాలికల సమక్షంలో బర్త్ డే జరుపుకుంది. వారితో కాసేపు ముచ్చటించింది. 

ఇక సితార ఘట్టమనేని సోషల్ మీడియాలో చాలా యాక్టివ్.  ఈ స్టార్ కిడ్ లక్షల మంది ఫాలోవర్స్ కలిగి ఉన్నారు. దానికి కారణం ఆమె టాలెంట్ కూడా. సితార తరచుగా డాన్స్ వీడియోలు చేస్తుంటారు. అప్పుడప్పుడు పాటలు పాడుతుంటారు. సోషల్ అవేర్నెస్ వీడియోలు చేస్తుంటారు. కేవలం మహేష్ బాబు కూతురుగానే కాకుండా తనకంటూ ఓ గుర్తింపు తెచ్చుకుంది.

సర్కారు వారి పాట మూవీలో 'పెన్నీ' సాంగ్ ప్రమోషనల్ వీడియోలో సితార నటించిన విషయం తెలిసిందే. పిల్లలను ప్రాణంగా ప్రేమించే మహేష్ వారికి ఇష్టమైన రంగాల్లో ప్రోత్సహిస్తారు అనడంలో సందేహం లేదు. ఒక వేళ సితార నటనను కెరీర్ గా ఎంచుకుంటే ఆయన మద్దతు ఖచ్చితంగా ఉంటుంది. ఇక కొడుకు గౌతమ్ మహేష్ నటవారసుడిగా సిల్వర్ స్క్రీన్ కి పరిచయం కావడం అనివార్యం. చైల్డ్ ఆర్టిస్ట్ గా గౌతమ్ వన్ నేనొక్కడినే చిత్రంలో నటించారు.