- Home
- Entertainment
- Venkatesh: సెట్ లో చెప్పుతో కొట్టుకున్న వెంకటేష్.. ఎందుకో తెలిస్తే బాబు బంగారం అనాల్సిందే!
Venkatesh: సెట్ లో చెప్పుతో కొట్టుకున్న వెంకటేష్.. ఎందుకో తెలిస్తే బాబు బంగారం అనాల్సిందే!
Venkatesh: ఫ్యామిలీ ఆడియన్స్ మనసు గెలుచుకున్న హీరోల్లో వెంకటేష్ ఒకరు. తన సహజమైన నటన, కామెడీ టైమింగ్తో ప్రత్యేక గుర్తింపు తెచ్చుకున్నారు. ఎన్నో సూపర్ హిట్ చిత్రాలతో ప్రేక్షకులను మెప్పించిన ఆయన, ఓసారి సెట్ లో చెప్పుతో కొట్టుకున్నారట. ఎందుకో తెలుసా?
సెట్ లో చెప్పుతో కొట్టుకున్న వెంకటేష్!
సాధారణంగా సినిమాల్లో హీరోలు గొప్ప గొప్ప పనులు చేస్తుంటారు.. కానీ నిజ జీవితంలో కూడా అదే విలువలు చూపించే వాళ్లు చాలా అరుదు. అలాంటి అరుదైన వ్యక్తుల్లో ముందుంటారు వెంకటేష్. ఆయన ప్రవర్తన, సింప్లిసిటీ, తోటి నటులపై ఆయన చూపించే గౌరవం ఎవరినైనా ఫిదా చేస్తుంది. వెంకటేష్ తో జరిగిన చిన్న విషయాన్ని నటుడు వశిష్ఠ నిరంజన్ సింహా ఓ ఇంటర్వ్యూలో పంచుకున్నారు.
షూటింగ్ టైంలో..
హీరో వెంకటేష్ నటించిన నారప్ప సినిమాలో వశిష్ఠ ఎన్ సింహా ఒక క్యారెక్టర్ చేశారు. ఆ సినిమాలో ఒక సీన్లో వశిష్ఠ ఎన్ సింహాను వెంకటేష్ చెప్పుతో కొట్టాల్సి ఉంటుంది. సాధారణంగా ఇలాంటి సీన్లు షూట్ చేసే సమయంలో డమ్మీ యాక్షన్ లేదా కెమెరా ట్రిక్స్ వాడుతుంటారు. కానీ వెంకటేష్ మాత్రం అందుకు భిన్నంగా ఆలోచించారట.
తనపైనే ట్రై చేసిన వెంకటేష్
సీన్ కి అంతా రెడీ చేశాక.. తనకు ఇచ్చిన చెప్పుతో తనని తాను కొట్టుకున్నారట వెంకటేష్. దెబ్బ గట్టిగా తగులుతుందేమో అని వెంకటేష్ తనపై తానే ట్రై చేసి చూశారట. నిజంగా నొప్పి లేదని కన్ఫర్మ్ అయిన తర్వాతే ఆ సీన్ చేయడానికి ఒప్పుకున్నారట. దెబ్బ తగలదని తెలిసినా... వశిష్ఠతో నేను చిన్నగానే కొడతాను. నేను మ్యానేజ్ చేస్తాను. మీరు ఇబ్బంది పడకండి అంటూ చాలా సపోర్టివ్ గా మాట్లాడరంటా వెంకటేష్.
బాబు బంగారం అంటున్న ఫ్యాన్స్
ఒక హీరో అలా చేయడం తనని ఎంతో కదిలించిందని నటుడు వశిష్ఠ నిరంజన్ సింహా ఇంటర్వ్యూలో చెప్పారు. ఆ సీన్ తర్వాత ఆయనపై మరింత గౌరవం పెరిగిందని వశిష్ఠ చెప్పుకొచ్చారు. వశిష్ఠ నిరంజన్ సింహా.. నారప్ప, కేజీఎఫ్, ఓదెల రైల్వే స్టేషన్ వంటి చిత్రాలతో తెలుగు ప్రేక్షకులను మెప్పించిన విషయం తెలిసిందే. అయితే నటుడు వశిష్ఠ, హీరో వెంకటేష్ గురించి చెప్పిన ఈ వీడియో చూసిన చాలామంది అభిమానులు.. మా వెంకటేష్ బాబు బంగారం అంటూ కామెంట్స్ చేస్తున్నారు.
