నైట్ మొత్తం హీరోయిన్ ని విసిగించాడు, ఈ ఆఫర్ వద్దు అంటూ షూటింగ్ నుంచి జంప్.. బన్నీ కలగజేసుకుని..

డైరెక్టర్లు, నటీనటుల మధ్య చాలా సార్లు విభేదాలు తెరపైకి వస్తుంటాయి. ఆర్టిస్టులు, డైరెక్టర్ మధ్య సఖ్యత లేకుంటే ఏ సినిమా కూడా ముందుకు సాగదు.

Actress Genelia

డైరెక్టర్లు, నటీనటుల మధ్య చాలా సార్లు విభేదాలు తెరపైకి వస్తుంటాయి. ఆర్టిస్టులు, డైరెక్టర్ మధ్య సఖ్యత లేకుంటే ఏ సినిమా కూడా ముందుకు సాగదు. సరైన అవుట్ పుట్ రాదు. కొందరు దర్శకులు షాట్ తాము అనుకున్నట్లు వచ్చే వరకు ఆర్టిస్టులని వదిలిపెట్టరు. ఎన్ని టేకులైనా చేయిస్తూనే ఉంటారు. అయితే ఒక క్రేజీ హీరోయిన్ డైరెక్టర్ వల్ల విసిగిపోయింది. 

చివరికి ఆ చిత్ర ఆఫర్ ని కూడా వదులుకోవడానికి సిద్దపడింది. షూటింగ్ నుంచి వెళ్ళిపోయింది. ఆ హీరోయిన్ ఎవరు ? దర్శకుడు ఎవరు ? ఆ సంఘటన ఏంటో ఇప్పుడు వివరాల్లో తెలుసుకుందాం. బొమ్మరిల్లు భాస్కర్ తన తొలి చిత్రంతోనే ఇండస్ట్రీలో సంచలనం సృష్టించారు. బొమ్మరిల్లు చిత్రం ఆల్ టైం క్లాసిక్ మూవీస్ లో ఒకటిగా నిలిచింది. ఈ చిత్రంలో సిద్దార్థ్, జెనీలియా జంటగా నటించారు. 

షూటింగ్ ఫస్ట్ డే రోజునే బొమ్మరిల్లు భాస్కర్.. జెనీలియాకు చుక్కలు చూపించారట. ఈ విషయం ఇద్దరి మధ్య వివాదానికి దారితీసింది. సిద్దార్థ్, జెనీలియా నైట్ టైంలో ఐస్ క్రీమ్ తినే సన్నివేశాన్ని ఫస్ట్ షూట్ చేశారట. ఈ వివాదం గురించి బొమ్మరిల్లు భాస్కర్ స్వయంగా చెప్పారు. నైట్ ఎఫెక్ట్ కోసం రాత్రి 9 గంటలకు షూటింగ్ మొదలు పెట్టాం. జెనీలియా.. సిద్దార్థ్ ని ఐస్ క్రీమ్ తింటావా అనే డైలాగ్ జెనీలియా చెప్పాలి. 

బొమ్మరిల్లు - 8.2

ఆ డైలాగ్ ని జెనీలియా.. డైరెక్టర్ బొమ్మరిల్లు భాస్కర్ అనుకుంటున్నట్లుగా చెప్పలేకపోతోందట. ఎక్స్ ప్రెషన్ ఆయన అనుకున్నట్లు రావడం లేదు. దీనితో తెల్లవారు జాము వరకు 35 టేక్స్ ని తీశారట. కేవలం ఒక్క డైలాగ్ కోసమే ఇదంతా. దీనితో జెనీలియా కోపం కట్టలు తెంచుకుంది. ఈ డైరెక్టర్ బాగా ఓవర్ చేస్తున్నాడు. ఏంటి నేను రెండు డైలాగులు కూడా చెప్పలేనా.. ఈ ఆఫర్ నాకు వద్దు అంటూ షూటింగ్ నుంచి వెళ్లిపోయిందట. 

ఆ సమయంలో జెనీలియా అల్లు అర్జున్ తో హ్యాపీ అనే చిత్రంలో కూడా నటిస్తోంది. దీనితో అల్లు అర్జున్ తన సినిమా కాకపోయినా బొమ్మరిల్లు షూటింగ్ కి వచ్చారట. వివాదం గురించి తెలుసుకుని జెనీలియాకు అల్లు అర్జున్ నచ్చజెప్పారట. ఆయన మంచి డైరెక్టర్.. ఒక్క రోజులో ఆయన మంచి వాడు కాదు అనే అభిప్రాయానికి రాకు.. ఈ సినిమా చెయ్ అని కన్విన్స్ చేశారట.  దీనితో జెనీలియా తిరిగి బొమ్మరిల్లు షూటింగ్ లో పాల్గొంది. 

షూటింగ్ జరిగేకొద్దీ దర్శకుడితో ఆమెకి మంచి సఖ్యత ఏర్పడిందట. ఆ తర్వాత జెనీలియా స్వయంగా వచ్చి భాస్కర్ కి సారీ చెప్పిందట. బొమ్మరిల్లు చిత్రం జెనీలియా కెరీర్ లోనే బిగ్గెస్ట్ హిట్ గా నిలిచింది. ఆ తర్వాత భాస్కర్ అల్లు అర్జున్ తో పరుగు అనే చిత్రం తెరకెక్కించారు.