యష్మితో పెళ్లికి రెడీ అయిన గౌతమ్‌, ఆ కోరిక ఇలా తీర్చుకుంటున్నాడా? తనకు జరిగిన అన్యాయంపై టేస్టీ తేజ కన్నీళ్లు

బిగ్‌ బాస్‌ తెలుగు 8 రియాలిటీ షో ఇంకా మరో ఐదు వారాలే ఉంది. ఇప్పటికే పది వారాలు పూర్తి చేసుకుంది. పదో వారంలో ఇద్దరు ఎలిమినేట్‌ అయిన విషయం తెలిసిందే. అనారోగ్యంతో గంగవ్వ హౌజ్‌ని వీడగా, నామినేషన్‌ ప్రకారం హరితేజ ఎలిమినేట్‌ అయ్యారు. ఇక పదకొండోవారం నామినేషన్ల ప్రక్రియ గట్టిగానే సాగింది. ఈ వారం విష్ణుప్రియా, గౌతమ్‌, పృథ్వీరాజ్‌, తేజ, యష్మి, అవినాష్‌  నామినేషన్‌లో ఉన్నారు. వీరిలో ఎవరు ఎలిమినేట్‌ అవుతారనేది ఆసక్తికరంగా మారింది. ఈ సారి పృథ్వీరాజ్‌ కి ఛాన్స్ ఉందని అంటున్నారు. 

ఇదిలా ఉంటే హౌజ్‌మేట్స్ కి ఎంటర్‌టైన్‌ మెంట్‌ చేసే టాస్క్ ఇచ్చాడు బిగ్‌ బాస్‌. ఏదైనా చేసి ఆడియెన్స్ ని ఎంటర్టైన్‌చేయాలని చెప్పగా, పెళ్లి చూపులు అనే స్కిట్‌ ప్రదర్శించారు. ఇందులో అవినాష్‌, విష్ణు ప్రియా జంటగా నటించగా, వారి అబ్బాయిగా గౌతమ్‌ నటించాడు. అలాగే తేజ, ప్రేరణ జంటగా నటించగా, కూతురిగా రోహిణి, యష్మి, కొడుకుగా పృథ్వీరాజ్‌ నటించారు.  ఇద్దరు కూతుళ్లలో యష్మి పెద్ద అమ్మాయి అని చెప్పడంతో గౌతమ్.. యష్మినే పెళ్లి కూతురు అని భావించాడు. ముచ్చటపడి పెళ్లికి ఒప్పుకున్నారు. మ్యారేజ్‌ తంతు కూడా ప్లాన్‌ చేశారు. ఇది ఆద్యంతం నవ్వులు పూయించింది. అయితే హౌజ్‌లో యష్మికి తన ఇంట్రెస్ట్ ని తెలియజేశాడు గౌతమ్‌. కానీ ఆమె యాక్సెప్ట్ చేయలేదు. దీంతో అప్పట్నుంచి వీరి మధ్య గొడవ నడుస్తూనే ఉంది. అయితే ఆమెపై క్రష్‌ని గౌతమ్‌ ఈ రూపంలో తీర్చుకోవడం విశేషం. 

ఇదిలా ఉంటే మంగళవారం ఎపిసోడ్‌ని ఫన్‌ అండ్‌ ఎంటర్‌టైనర్‌గా మార్చాడు బిగ్‌ బాస్‌. అదే సమయంలో ఫ్యామిలీ వీక్‌గానూ మార్చేశారు. మంగళశారం ఎపిసోడ్‌ లో నబీల్‌ మదర్‌, అలాగే రోహిణి మదర్‌ వచ్చారు.  నబీల్‌పై స్వీట్‌ తినకూడదనే కండీషన్‌ ఉండింది. దాన్ని రద్దు చేశారు బిగ్‌ బాస్‌. నబీల్‌కి వరుసగా స్వీట్లు తినిపించాడు. ఆ తర్వాత సడెన్‌ సర్‌ప్రైజింగ్‌తో ఆయన మదర్‌ని హౌజ్‌లోకి తీసుకొచ్చారు. ఆమెతో కాసేపు అందరు సరదాగా గడిపారు. అనంతరం రోహిణి మదర్‌ వచ్చింది. తన అన్న కొడుకు కూడా వచ్చారు. రోహిణికి సంబంధించి ఎలా ఆడాలో తెలిపింది మదర్‌. అందరిని నమ్మొద్దని చెప్పింది. తన ఆట తానే ఆడాలని వెల్లడించింది. 
 

 అటు నబీల్‌ మదర్‌, ఇటు రోహిణి మదర్‌ రావడంతో కుంగిపోయారు టేస్టీ తేజ. తనకు పేరెంట్స్ రారు అనే విషయాన్ని గుర్తు చేసుకుని కన్నీళ్లు పెట్టుకున్నారు. అమ్మ కోసమే, ఆమెని హౌజ్‌లోకి తీసుకురావాలనేదే ఆయన లక్ష్యంగా హౌజ్ లోకి వచ్చినట్టు చెప్పాడు తేజ. కానీ ఆయనకు ఆ అవకాశం లేదు. ఈ వారం వరస్ట్ పర్‌ఫెర్మెన్స్ విషయంలో తేజ కి ఎక్కువ ఓట్లు పడటంతో ఆయనకు పనీష్‌మెంట్‌ ఇచ్చాడు నాగార్జున. ఫ్యామిలీ వీక్‌ లో పేరెంట్స్ ని కలిసే అవకాశాన్ని కోల్పోయినట్టు తెలిపారు.

దీంతో ఇప్పుడు అందరి పేరెంట్స్ వస్తున్న నేపథ్యంలో తన పేరెంట్స్ రారు అని తలుచుకుని కన్నీళ్లు పెట్టుకున్నాడు తేజ. మీరు ఏదైనా చేయండి, కానీ ఈ విషయంలో క్షమించాలని, తనకు పేరెంట్స్ వచ్చే అవకాశాన్ని కల్పించాలని వేడుకున్నారు. ఈ మేరకు ఒంటరిగా కూర్చొని కన్నీళ్లు పెట్టుకున్నాడు తేజ. అదే సమయంలో తనకు జరిగిన అన్యాయాన్ని తలుచుకుని బాధపడ్డాడు. తనకు ఎవరు ఓట్లు వేశారనేది ఆరా తీసే పనిలో ఉన్నారు తేజ. 

read more: సన్యాసిగా మారిపోతుందేమో అని అనుష్క పేరెంట్స్ లో టెన్షన్‌, యోగా టీచర్‌ స్వీటికి ముందే చెప్పాడా?