33 ఏళ్ళ అమ్మాయితో 60 ఏళ్ళ ఆశిష్ విద్యార్థి వివాహం.. మొదటి భార్య పోస్ట్ వైరల్

ప్రముఖ విలన్ ఆశిష్ విద్యార్థి ఏకంగా 60 ఏళ్ల వయసులో పెద్ద షాకే ఇచ్చారు. షష్టి పూర్తి వయసులో రెండో వివాహం చేసుకుని అందరిని ఆశ్చర్యంలో ముంచారు. ఆశిష్ విద్యార్థి తెలుగు, తమిళం, హిందీ భాషల్లో నటుడిగా ప్రత్యేకమైన గుర్తింపు సొంతం చేసుకున్నారు. తెలుగులో ఆశిష్ విద్యార్థి గుడుంబా శంకర్, పోకిరి, అదుర్స్, చిరుత, అలా మొదలయింది, నాయక్ లాంటి చిత్రాలతో గుర్తింపు పొందారు. 

ఆశిష్ విద్యార్థి చివరగా రైటర్ పద్మభూషణ్ చిత్రంలో సుహాస్ కి తండ్రిగా నటించారు. గురువారం రోజు ఆశిష్ విద్యార్థి తన ప్రియురాలు రూపాలై బరువాని రెండో వివాహం చేసుకున్నారు. కోల్ కతా లో వీరిద్దరి వివాహం హంగులు ఆర్భాటాలు లేకుండా జరిగింది. వీరిద్దరూ రిజిస్టర్ మ్యారేజ్ చేసుకున్నారు. 

ఇక్కడ షాకిస్తున్న అంశం ఏంటంటే.. ఆశిష్, రూపాలి మధ్య వయసు వ్యత్యాసం. ఆశిష్ విద్యార్థి వయసు 60 ఏళ్ళు కాగా.. రూపాలి వయసు 33 ఏళ్ళు అట. దీనితో నెటిజన్లు కంగుతింటున్నారు. ప్రేమ గుడ్డిది అంటే ఏమో అనుకున్నాం కానీ వీరిద్దరిని చూస్తుంటే నిజమే అనిపిస్తోంది అని ఫన్నీ కామెంట్స్ చేస్తున్నారు. 

అయితే ఆశిష్ విద్యార్థికి రెండు దశాబ్దాల క్రితమే వివాహం జరిగింది. నటి శకుంతల బారువా కుమార్తె రాజోషి బారువాని ఆశిష్ ప్రేమించి వివాహం చేసుకున్నారు. వీరిద్దరికి ఆర్త్ అనే కుమారుడు కూడా ఉన్నాడు. అయితే ఇటీవల ఆశిష్, రాజోషి మధ్య మనస్పర్థలతో విడిపోయారు. ఆ తర్వాత రూపాలి పరిచయం కావడంతో ఆమెతో ప్రేమలో పడ్డాడు ఈ సీనియర్ యాక్టర్. 

ఆశిష్, రూపాలి పెళ్లి జరగడంతో సోషల్ మీడియాలో అతడి మొదటి భార్య రాజోషి ఆసక్తికర పోస్ట్ లు పెట్టింది. జీవితం ఫజిల్ లాంటిది గందరగోళానికి గురవ్వదు అని కామెంట్ పెట్టింది. నిన్ను అర్థం చేసుకునే వాడు నువ్వు బాధపడే పనులు ఎప్పటికి చేయడు. మరో కామెంట్ చేస్తూ నీకున్న గందర గోళాలు అన్నీ తొలగిపోయాయి. ఇంతకాలం నువ్వు స్ట్రాంగ్ గా ఉన్నావు. ఇక అందరి ఆశీర్వాదం తీసుకునే సమయం వచ్చింది అంటూ ఎమోషనల్ కామెంట్స్ చేసింది. 

వీరిద్దరూ దాదాపు 20 ఏళ్ల బంధానికి ముగింపు పలికారు. ఇన్నేళ్ల తర్వాత వీరిద్దరికి విభేదాలు ఎందుకు వచ్చాయో వారికే తెలియాలి అని నెటిజన్లు కామెంట్స్ చేస్తున్నారు.