అమ్మ చేతిలో చావు దెబ్బలు తిన్న హీరో ఎవరో తెలుసా? ఇప్పుడు ఏకంగా పాన్‌ ఇండియా స్టార్‌

ఓ టాలీవుడ్‌ స్టార్‌ హీరో చిన్నప్పుడు చాలా అల్లరిగా ఉండేవారు. దీంతో అమ్మచేతిలో చావు దెబ్బలు తిన్నాడట. ఆ హీరోనే ఈ విషయాన్ని బయటపెట్టడం విశేషం.  

అమ్మ చేతిలో దెబ్బలు తినడం కామన్‌. చిన్నప్పుడు కొంటె పనులు చేసినప్పుడు పేరెంట్స్ కొడుతుంటారు. అయితే ఓ హీరో మాత్రం తన అమ్మ చేతిలో చావు దెబ్బలు తిన్నాడు.

ఆయన ఏదైనా కొంటె పని చేసినా తల్లి శివతాండవం చేసేదట. అమ్మకి కోపం వచ్చిందంటే తనకు చుక్కలే అని, మామూలుగా కొట్టేది కాదని ఆ హీరోనే తెలిపారు. మరి ఆ పాన్‌ ఇండియా హీరో ఎవరు? ఆ కథేంటో చూద్దాం. 

ntr

అమ్మ చేతిలో చావు దెబ్బలు తిన్న హీరో ఎవరో కాదు ఎన్టీఆర్‌. ఆయన చాలా అల్లరి అంటుంటారు. సినిమా సెట్‌లోనూ ఆయన ఉంటే సందడిగా ఉంటుందని, ఎప్పుడూ గలగల మాట్లాడుతుంటాడు, నవ్విస్తూ, ఆటపట్టిస్తూ ఉంటాడని ఆయనతో పని చేసిన దర్శకులు చెబుతుంటారు. రాజమౌళి లాంటి వాళ్లు ఇంకా బాగా చెబుతారు. ఆయన ఎంతటి అల్లరివాడో చాలా సార్లు చెప్పారు. 

ఎన్టీఆర్‌ చిన్నప్పుడు చాలా అల్లరిగా ఉండేవాడట. తనని గుడ్‌ బాయ్‌ అని పిలిపించుకోవడం అస్సలు ఇష్టం ఉండేది కాదట. స్కూల్‌లో, క్రికెట్‌ ఆడేటప్పుడు, ఫ్రెండ్స్ తో గొడవలు పడేవాడట. సినిమాలు, షికార్లు అంటూ తిరిగేవాడట.

కాలు ఒక్క చోట నిలబడేది కాదట. తారక్‌ అల్లరిని చూసి అమ్మ శాలిని యమ కొట్టుడు కొట్టేదట. `ఆడవాళ్లు సున్నితంగా ఉంటారని అంటారు. కానీ మా అమ్మ నాపై శివతాండవం ఆడేద`ని ఓ ఇంటర్వ్యూలో తెలిపారు ఎన్టీఆర్‌. 

ntr, shalini

అల్లరి చేస్తే మామూలుగా కొట్టేది కాదట. చేతికి ఏది దొరికితే దానితోనే బడిత పూజ చేసేదట. ఓ సారి అమ్మని బాగా విసిగించడంతో బెల్టు తీసుకుని తెగేదాకి కొట్టిందట. అయినా కోపం తగ్గలేదని, హ్యాంగర్‌ పట్టుకుని బాధిందట. ఆ దెబ్బలు తట్టుకోలేక గోడ దూకి పక్కనే ఉన్న గుళ్లో దాక్కున్నాడట. గుళ్లో నుంచి బయటకు వచ్చేదాక ఎదురుచూసి మళ్లీకొట్టిందట. 

ntr

అయితే తన అల్లరి పనులకు ఎంత కోప్పడుతుందో, ఆ తర్వాత అంతే కూల్‌ అవుతుందని, దెబ్బలకు మందు రాస్తూ భోరున ఏడ్చేదట. తానంటే అమ్మకి ప్రాణం అని, తాను ఎక్కడ పక్కదారి పడతానేమో అనే భయంతో అలా చేసేదని చెప్పారు ఎన్టీఆర్‌.

తన విషయంలో ఎప్పుడూ గారాబం చేసేది కాదని, వాస్తవంలో ఎలా బతకాలో అమ్మనే నేర్పిందని, తనకు అమ్మే మొదటి గురువు అని తెలిపాడు ఎన్టీఆర్‌. `జీవితంలో ఏదో ఒకటి చెయ్‌, నిరూపించుకో, లేదంటే మనుగడ కష్టం` అని చెప్పేదట. అమ్మ తనకు అమ్మ మాత్రమే కాదని, తన బలం, బలగం అన్నీ తనే అని ఎమోషనల్‌ కామెంట్స్ చేశారు ఎన్టీఆర్‌.