మహేశ్ బాబు గురించి ఈ ఫ్యాక్ట్స్ మీకు తెలుసా? ఎవరూ ఊహించి ఉండరు..
సూపర్ స్టార్ మహేశ్ బాబు అంటే ఒక్క తెలుగు రాష్ట్రాల్లోనే కాకుండా దేశవ్యాప్తంగా ఇష్టపడేవారు కోట్లల్లో ఉంటారు. ఆయన నటన, వ్యక్తిత్వం గురించి ప్రత్యేకంగా చెప్పనక్కర్లేదు. ఆయన తాజాగా నటించిన చిత్రం ‘సర్కారు వారి పాట’ రేపు గ్రాండ్ గా రిలీజ్ కానుంది. ఈ సందర్భంగా ఆయన గురించి కొన్ని ఇంట్రెస్టింగ్ ఫ్యాక్ట్స్ తెలుసుకుందాం.
మహేశ్ బాబు 1975 ఆగస్టు 9న జన్మించారు. ఆయన స్వగ్రామం ఏపీలో గుంటూరు జిల్లాలోని బూర్రిపాలెం. చాలా కాలం కిందనే తమిళనాడుకు వెళ్లారు. మహేశ్ కు నలుగురు తోబుట్టువులు ఉన్నారు. రమేశ్ బాబు, పద్మావతి, మంజుల, ప్రియదర్శిని. ఆయన సూలింగ్, కాలేజ్ చైన్నైలో జరిగింది. తమిళ స్టార్ హీరో విజయ్, మహేశ్ ఇద్దరూ క్లోజ్ ఫ్రెండ్స్. చాలా కాలం ఒకే కాలేజీలో కలిసి చదువుకున్నారు.
నాలుగేండ్లలో మహేశ్ బాబు చైల్డ్ ఆర్టిస్ట్ గా సినీ రంగ ప్రవేశం చేశారు. తొలుత ప్రముఖ దర్శకుడు దాసరి నారాయణ రావు డైరెక్టర్ చేసిన ‘నీడ’ అనే చిత్రంలో నటించారు. ఈ చిత్రం 1979లో రిలీజ్ అయ్యింది. ఆ తర్వాత ‘పోరాటం, శంఖారావం, బజార్ రౌడీ, ముగ్గురు కొడుకులు, గూఢాచారి 117, కొడుకు దిద్దిన కాపురం, అన్నా తమ్ముడు, బాలచంద్రుడు’ చిత్రాల్లో చైల్డ్ ఆర్టిస్ట్ గా నటించారు. ఈ చిత్రాల్లో ఎక్కువగా ఆయన తండ్రితోనే కలిసి నటించడం విశేషం.
మహేశ్ బాబు తన విద్యాభ్యాసం మొత్తం చైన్నైలోనే పూర్తి చేశారు. సెయింట్ బెడెస్ ఆంగ్లో ఇండియన్ హైయర్ సెకండరీ స్కూల్ లో స్కూలింగ్, సెకండరీ ఎడ్యూకేషన్ కంప్లీట్ చేశారు. ఆ తర్వాత లయోలా కాలేజీలో కామర్స్ కోర్సులో బ్యాచిలర్ డిగ్రీ పూర్తి చేసి పట్టా పొందారు. అయితే తను మొదటి నుంచి ఇంగ్లీష్ మీడియంలోనే చదువుకున్నాడు. కొంతకాలం వరకు మహేశ్ బాబుకు తెలుగు సరిగా అర్థమయ్యేది కాదట. ఆ తర్వాత తెలుగు మాట్లాడటం, అర్థం చేసుకోవడం నేర్చుకున్నాడు. కానీ తెలుగులో రాయడం కష్టమైన పనేనంట.
బ్యాచిలర్ పట్టా పొందిన తర్వాత కేవలం నాలుగు నెలలే యాక్టింగ్ స్కూల్ లో శిక్షణ పొందారు. విశాఖపట్నంలో సత్యానంద్ దగ్గర ట్రైయిన్ అయ్యారు. చైల్డ్ ఆర్టిస్ట్ తర్వాత హీరోగా తొమ్మిదేండ్లకు తిరిగి కెమెరా ముందుకు వచ్చారు. తన తొలిచిత్రం ‘రాజకుమారుడు’తో తెలుగు ప్రేక్షకులను మళ్లీ పలకరించాడు. ఈ చిత్రాన్ని కే రాఘవేంద్రరావు డైరెక్ట్ చేశారు. అప్పట్లో ఈ చిత్రం 100 రోజులు ఆడి రికార్డ్ క్రియేట్ చేసింది.
మహేశ్ బాబు ఇప్పటి వరకు 27 చిత్రాల్లో నటించారు. వాటిలో ఒకటి రెండు మినహా అన్న చిత్రాలు బాక్సాఫీసు వద్ద కాసుల వర్షం కురిపించింది. అయితే ఒక్కడే తెలుగు యాక్టర్ గా ఎనిమిది ‘నంది అవార్డు’లను పొందారు. ‘రాజకుమారుడు, మురారి, టక్కరి దొంగ, అర్జున్, నిజం, అతడు, దూకుడు, శ్రీమంతుడు’ చిత్రాల్లోని నటనకు అవార్డులను ప్రదానం చేశారు. అదేవిధంగా ఐదు చిత్రాలకు నేరేటర్ గా వర్క్ చేశారు.
మహేశ్ బాబుకు తెలుగు ఇండస్ట్రీలో చాలా దగ్గరగా ఉండే వ్యక్తి పవర్ స్టార్ పవన్ కళ్యాణ్ (Pawan Kalyan). అప్పట్లో తను నటించిన ఓ సినిమా ఇష్యూలోనూ మహేశ్ బాబుకు పవన్ మద్దతుగా నిలిచారు. ఆ తర్వాత ‘జల్సా’ సినిమాలో మహేశ్ బాబు పవన్ కళ్యాణ్ కు వాయిస్ ఓవర్ ఇచ్చారు. ఇప్పటికీ ఆ సీన్ అంటే ఆడియెన్స్ ఇష్టపడుతారు.
ఇప్పటి వరకు మహేశ్ బాబు 1000 మంది చిన్నారులకు హార్ట్ సర్జరీ చేయించారు. గుండె సంబంధిత వ్యాధితో బాధపడుతున్న వారికి చికిత్స అందించేందుకు తన వార్షియ ఆదాయంలో 30 శాతం చారిటీలకు, ఫిలాంథ్రపిక్ యాక్టివిస్ట్ లకు ఖర్చు చేస్తున్నారు. చిన్నారుల చికిత్స కోసం ఇటీవల హైదరాబాద్ లోని రేయిన్ బో ఆస్పత్రితోనూ అసోసియేట్ అయిన విషయం తెలిసిందే.
2012లోనే టాప్ 100 ఫోర్బ్స్ ఇండియన్ సెలబ్రేటీ జాబితాలో మహేశ్ బాబు 31వ స్థానంలో ఉన్నారు. అప్పటికే మహేశ్ బాబు వార్షిక ఆదాయం రూ.422.5 మిలియన్స్ గా నివేదిక వెల్లడించింది. ఆ తర్వాత 2019 వరకు వచ్చిన జాబితాల్లో మహేశ్ బాబుకు 37వ ర్యాంక్, 33వ ర్యాంక్, 54వ ర్యాంక్ ను ఇచ్చింది ఆ సంస్థ.