'డెవిల్' నా సినిమానే, కేవలం ఇగో వల్లే తొలగించారు.. బహిరంగ లేఖతో డైరెక్టర్ నవీన్ మేడారం సంచలనం
నందమూరి కళ్యాణ్ రామ్ నటించిన లేటెస్ట్ మూవీ డెవిల్ చిత్రం మరో రెండు రోజుల్లో అంటే డిసెంబర్ 29న గ్రాండ్ రిలీజ్ కి సిద్ధం అవుతోంది. సంయుక్త మీనన్ ఈ చిత్రంలో హీరోయిన్ గా నటించింది. బ్రిటిష్ కాలంలో సాగే పీరియాడిక్ కథతో ఈ చిత్రాన్ని తెరకెక్కించారు.
నందమూరి కళ్యాణ్ రామ్ నటించిన లేటెస్ట్ మూవీ డెవిల్ చిత్రం మరో రెండు రోజుల్లో అంటే డిసెంబర్ 29న గ్రాండ్ రిలీజ్ కి సిద్ధం అవుతోంది. సంయుక్త మీనన్ ఈ చిత్రంలో హీరోయిన్ గా నటించింది. బ్రిటిష్ కాలంలో సాగే పీరియాడిక్ కథతో ఈ చిత్రాన్ని తెరకెక్కించారు. ట్రైలర్ కి కూడా సూపర్ రెస్పాన్స్ వచ్చింది. అయితే ఈ చిత్రం షూటింగ్ పూర్తయ్యే సమయానికి వివాదం తెరపైకి వచ్చింది.
![article_image2](https://static-ai.asianetnews.com/images/01hhc8rzrj8vp6c4fp8jn0yf3t/devil-jpg_300x433xt.jpg)
టైటిల్ కార్డ్స్, పోస్టర్స్ లో దర్శకుడు నవీన్ పేరు మాయమైపోయింది. నిర్మాత అభిషేక్ నామానే దర్శకుడిగా తన పేరు వేసుకున్నారు. చిత్రీకరణ సమయంలో నవీన్ కి, అభిషేక్ నామా కి మధ్య జరిగిన గొడవలే దీనికి కారణం అని తెలుస్తోంది. రిలీజ్ టైం దగ్గర పడే కొద్దీ నవీన్ ని పూర్తిగా ఈ ప్రాజెక్ట్ నుంచి తొలగించారు. ట్రైలర్ రిలీజ్ ఈవెంట్, ప్రెస్ మీట్స్, ఇంటర్వ్యూలలో ఎక్కడా నవీన్ కనిపించలేదు.
అభిషేక్ దర్శకుడిగా ఈ చిత్రాన్ని టేకోవర్ చేసుకుని ముందుకు వచ్చారు. అయితే తెరవెనుక ఏం జరిగింది.. అభిషేక్, నవీన్ మధ్య గొడవలకు కారణాలు ఏంటి అనే ప్రశ్నలకు పూర్తిగా సమాధానం లభించడం లేదు. అయితే రిలీజ్ కి రెండు రోజులే సమయం ఉన్న తరుణంలో దర్శకుడు నవీన్ మేడారం బహిరంగ లేఖతో సంచలన వ్యాఖ్యలు చేసారు. దీనితో రిలీజ్ కి ముందు డెవిల్ వివాదం మరోసారి హాట్ టాపిక్ గా మారింది.
నవీన్ తన బహిరంగ లేఖలో ఈ విధంగా పేర్కొన్నారు. డెవిల్ చిత్రాన్ని తీర్చి దిద్దడానికి నేను మూడేళ్లకు పైగా కష్టపడ్డాను. మొదట కాన్సెప్ట్ ఆ తర్వాత స్క్రిప్ట్, కాస్ట్యూమ్స్ ఎంపిక చేసుకోవడం, లొకేషన్స్, సెట్స్ ఇలా ప్రతి అంశంలో నా ప్రమేయం ఉంది. డెవిల్ చిత్రాన్ని మొత్తం నేను 105 రోజుల పాటు వైజాగ్, కరైకుడి, హైదరాబాద్ లాంటి లొకేషన్స్ లో చిత్రీకరించాను. కేవలం చిన్న ప్యాచ్ వర్క్ మాత్రం నేను చేయలేదు. డెవిల్ పూర్తిగా నా క్రియేషన్.
నాకు డెవిల్ కేవలం ఒక ప్రాజెక్టు కాదు.. అది నా బేబీతో సమానం. ఎవరు ఒప్పుకున్నా ఒప్పుకోకపోయినా డెవిల్ చిత్రం నవీన్ మేడారం అనే పేరుగల నా దర్శకత్వంలో తెరకెక్కిన చిత్రం. ఇన్ని రోజులపాటు నేను ఓపికతో సైలెంట్ గా ఉన్నాను. నా మౌనాన్ని కొందరు చేతకాని తనంగా భావించారు. ఇప్పుడు చెబుతున్నా డెవిల్ చిత్రం తెరకెక్కించే సమయంలో నేను ఎలాంటి తప్పు చేయలేదు.
ఈ రోజు నేను ఎదురుకొంటున్న ఈ సమస్య, వివాదం కేవలం కొందరు తీసుకున్న తప్పుడు నిర్ణయాలు, ఇగో వల్లే వచ్చింది. అయితే నేను ఎవరి మీదా ఎలాంటి లీగల్ యాక్షన్ తీసుకోవడం లేదు. ఏది ఏమైనా నేను సృష్టించి చిత్రీకరించిన డెవిల్ చిత్రానికి డైరెక్టర్ గా నాకు క్రెడిట్స్ ఇవ్వడకపోవడం చాలా బాధగా ఉంది. కానీ డెవిల్ చిత్రం వల్ల నాకు వచ్చిన అనుభవం, ప్రతిభ, కాన్ఫిడెన్స్ నాతోనే ఉంటాయి.
ప్రస్తుతం నా ఫోకస్ మొత్తం నా కెరీర్ పైనే ఉంటుంది. తిరిగి స్ట్రాంగ్ గా కం బ్యాక్ అవుతా. ఈ చిత్రం కోసం తన 100 శాతం డెడికేషన్ చూపించిన కళ్యాణ్ రామ్ సర్ కి నా కృతజ్ఞతలు. నాకు సపోర్ట్ చేసిన వారందరికీ ధన్యవాదాలు. డెవిల్ చిత్రం తప్పకుండా బ్లాక్ బస్టర్ అవుతుంది. డిసెంబర్ 29న ప్రతి ఒక్కరూ డెవిల్ చిత్రాన్ని థియేటర్స్ లో చూడండి. ప్రస్తుతం నేను ఒక కొత్త చిత్రానికి సైన్ చేశాను. త్వరలో ఆ వివరాలతో మీ ముందుకు వస్తా.. థాంక్యూ అంటూ నవీన్ మేడారం ఎమోషనల్ లెటర్ రాశారు.