శ్రీదేవి హీరోయిన్‌, సూపర్‌హిట్ తండ్రీకొడుకుల జోడి, భారీ బడ్జెట్, అయినా డిజాస్టర్.. ఆ మూవీ ఏంటో తెలుసా?

18

sultanat movie

39 సంవత్సరాల క్రితం వచ్చిన ముకుల్ ఆనంద్ చిత్రం `సల్తనత్‌`ను అర్జున్ హింగోరానీ నిర్మించారు.  పాపులర్‌ బాలీవుడ్ నటులతో నిర్మించిన ఈ చిత్రం బాక్సాఫీస్ వద్ద మొదటి రోజే కుప్పకూలింది.

28

దర్శకుడు ముకుల్ ఆనంద్ చిత్రం `సల్తనత్` 1986లో విడుదలైంది. ఈ చిత్రంలో ధర్మేంద్ర, సన్నీ డియోల్, శ్రీదేవి, జూహీ చావ్లా, అమ్రీష్ పురి, శక్తి కపూర్ ప్రధాన పాత్రల్లో నటించారు. ఈ చిత్రం ద్వారా శశి కపూర్ కుమారుడు కరణ్ కపూర్ అరంగేట్రం చేశారు.

38

`సల్తనత్`.. సన్నీ డియోల్, ధర్మేంద్ర కలిసి నటించిన రెండవ చిత్రం. దీనికి ముందు వీరిద్దరూ సన్నీ చిత్రంలో కనిపించారు. కానీ ఈ చిత్రంలో వీరిద్దరికీ కలిసి ఉన్న సీన్‌ ఒక్కటి కూడా లేదు.  అది అభిమానులను కొంత డిజప్పాయింట్‌ చేసింది. 

48

`సల్తనత్` చిత్రం ద్వారా జూహీ చావ్లా బాలీవుడ్‌లోకి అడుగుపెట్టింది. ఇందులో ఆమె ఓ కీలక పాత్రలో కనిపించింది. ఇది ఆమెకి ఆశించిన ఫలితాన్నివ్వలేదు, కానీ ఆమె మెయిన్‌ హీరోయిన్‌గా నటించిన  `కయామత్ సే కయామత్ తక్` బ్లాక్‌బస్టర్‌గా నిలిచింది. జూహీ చావ్లాకి బ్రేక్‌నిచ్చింది. 

58

`సల్తనత్` చిత్రంలో జరీనా పాత్ర కోసం మొదట అనితా రాజ్‌ను ఎంపిక చేశారు, కానీ తరువాత ఆమెను తొలగించి జూహీ చావ్లాను తీసుకున్నారు. 

68

`సల్తనత్` చిత్రం విడుదలైన తర్వాత దర్శకుడు ముకుల్ ఆనంద్ మీడియాతో మాట్లాడుతూ, ఇది చాలా పెద్ద ఫ్లాప్‌గా నిలుస్తుందని తనకు మొదటి రోజునే తెలిసిపోయిందన్నారు. ఈ సినిమా బడ్జెట్ చాలా పెరిగిపోయిందని, దీనివల్ల చాలా నష్టం వాటిల్లిందని ఆయన అన్నారు.

78

దర్శకుడు ముకుల్ ఆనంద్ సల్తనత్ చిత్రాన్ని 3 కోట్ల బడ్జెట్‌తో రూపొందించారు. ఈ చిత్రం మొదటి రోజు 6 లక్షల రూపాయల బిజినెస్ చేసింది.  మొదటి వారం రూ.40 లక్షలు వసూలు చేసింది. ఓవరాల్‌గా ఇది బాక్సాఫీస్ వద్ద రూ.1.28 కోట్లు వసూలు చేసింది. దీంతో డిజాస్టర్‌గా ప్రకటించారు.

88

నిర్మాత అర్జున్ హింగోరానీ తన ప్రతి సినిమా పేరును `ట్రిపుల్ కె`తో పెట్టడం ద్వారా ప్రసిద్ధి చెందారు. `సల్తనత్` పేరును కూడా ట్రిపుల్ కెతో పెట్టాలని అనుకున్నారు, కానీ దర్శకుడు ముకుల్ ఆనంద్ నిరాకరించారు. ఆ తరువాత హింగోరానీ టైటిల్ ట్రెండ్ బ్రేక్ కాకుండా ఉండేందుకు సల్తనత్ ముందు ‘కార్నామే కమాల్ కే’ అని పెట్టే ప్రతిపాదనను తీసుకువచ్చారు. అయితే, ఈ టైటిల్ సెట్ అవ్వలేదు.  అందరూ చెప్పడంతో సినిమా పేరును `సల్తనత్‌`గా ఉంచారు. కానీ ఇది ఆయనకు చేదు అనుభవాన్ని మిగిల్చింది.