- Home
- Entertainment
- Kara OTT Release: ఓటీటీలోకి ధనుష్ 'కర'.. దీని లైఫ్టైమ్ కలెక్షన్ల వివరాలు తెలిస్తే షాక్ అవ్వాల్సిందే
Kara OTT Release: ఓటీటీలోకి ధనుష్ 'కర'.. దీని లైఫ్టైమ్ కలెక్షన్ల వివరాలు తెలిస్తే షాక్ అవ్వాల్సిందే
Kara OTT Release: ధనుష్ హీరోగా నటించిన 'కర' సినిమా థియేటర్లలో పెద్దగా ఆడలేదు. ఇప్పుడు ఈ సినిమా ఓటీటీలో రిలీజ్కు సిద్ధమైంది. మరి దీనికి ఫైనల్గా ఎన్ని కోట్లు వచ్చాయనేది చూస్తే.
ధనుష్ `కర` లైఫ్టైమ్ కలెక్షన్లు
'కార' సినిమాకు జీవీ ప్రకాష్ కుమార్ సంగీతం అందించారు. భారీ అంచనాలతో విడుదలైన ఈ సినిమా, నెమ్మదిగా సాగే కథనం వల్ల ప్రేక్షకులను ఆకట్టుకోలేకపోయింది. దీంతో వచ్చిన వారంలోనే థియేటర్ల నుంచి ఎత్తేయాల్సి వచ్చింది. ధనుష్ కెరీర్లో 'కర' ఒక ఫ్లాప్ చిత్రంగా నిలిచింది. ఈ సినిమా రూ.100 కోట్లకు పైగా వసూలు చేస్తుందని అందరూ ఊహించారు. కానీ, Sacnilk లెక్కల ప్రకారం ప్రపంచవ్యాప్తంగా కేవలం రూ.53.63 కోట్లు మాత్రమే వసూలు చేసింది.
కర మూవీ వసూళ్ల వివరాలు
భాషల వారీగా చూస్తే, తమిళంలో ఈ సినిమా రూ.29.57 కోట్లు వసూలు చేసింది. ఆ తర్వాత తెలుగులో రూ.7.98 కోట్లు రాబట్టింది. కర్ణాటకలో రూ.3.14 కోట్లు, కేరళలో 61 లక్షలు, ఇతర రాష్ట్రాల్లో 28 లక్షలు వసూలు చేసింది. దీంతో 'కర' సినిమా భారతదేశంలో మొత్తం రూ.43.13 కోట్లు కలెక్ట్ చేసింది. ఇది కాకుండా, విదేశాల్లో రూ.10.50 కోట్లు వసూలు చేసినట్లు సమాచారం. థియేటర్లలో పెద్దగా ఆకట్టుకోని ఈ సినిమా ఇప్పుడు ఓటీటీలో రాబోతుంది.
కర మూవీ ఓటీటీ రిలీజ్ అప్ డేట్
'కర' సినిమా మే 28న నెట్ఫ్లిక్స్ ఓటీటీ ప్లాట్ఫామ్లో స్ట్రీమింగ్ కానుందని అధికారికంగా ప్రకటించారు. ఈ సినిమాను తమిళంతో పాటు తెలుగు, కన్నడ, మలయాళ భాషల్లోనూ విడుదల చేయనున్నారు. థియేటర్లలో ఫ్లాప్ అయినప్పటికీ, ఓటీటీలో 'కర'కు మంచి ఆదరణ లభిస్తుందని అంచనా వేస్తున్నారు. ఈ సినిమా ఓటీటీ హక్కులను నెట్ఫ్లిక్స్ సంస్థ రూ.50 కోట్లకు కొనుగోలు చేసినట్లు తెలుస్తోంది. థియేటర్లో ఆడని ఈ మూవీ ఓటీటీలో అయినా ఆదరణ పొందుతుందా అనేది చూడాలి.
