తమిళంలో బ్లాక్ బస్టర్ హిట్ అయిన నాగార్జున సినిమా ఏదో తెలుసా? ధనుష్ ఫేవరెట్ మూవీ కూడా అదే?

తమిళంలో బ్లాక్ బస్టర్ హిట్ అయిన కింగ్ నాగార్జున సినిమా ఏది..? అంతే కాదు సౌత్ స్టార్ హీరో ధనుష్ కు చాలా ఇష్టమైన నాగార్జున సినిమా కూడా అదే అని మీకు తెలుసా?

Image Credit : Kubera team

టాలీవుడ్ ప్రముఖ దర్శకుడు శేఖర్ కమ్ముల దర్శకత్వంలో తెరకెక్కుతున్న పాన్ ఇండియా మూవీ ‘కుబేర. ఇప్పటికే షూటింగ్ కంప్లీట్ చేసుకొని రిలీజ్‌కు రెడీ అవుతోంది ఈ సినిమా. కుబేర సినిమాలో ధనుష్, అక్కినేని నాగార్జున, రష్మిక మందన్న ముఖ్య పాత్రలు పోషించారు. ఇప్పటికే విడుదలైన ప్రమోషనల్ కంటెంట్ ఈ సినిమాపై మంచి హైప్‌ను క్రియేట్ చేస్తోంది.

Image Credit : Google

ప్రమోషన్స్ ను కూడా డిఫరెంట్ గా ప్లాన్ చేస్తున్నారు టీమ్. ఈక్రమంలో రీసెంట్ గా ఓ ఇంటర్వ్యూలో హీరో ధనుష్ ఇంట్రెస్టింగ్ కామెంట్స్ చేశారు. కింగ్ నాగార్జునతో కలిసి నటించడంపై ఆయన చేసిన కామెంట్స్ వైరల్ అవుతున్నాయి. అంతే కాదు నాగార్జున క్రేజ్ గురించి, తమిళనాట హిట్ అయిన నాగ్ సినిమాల గురించి ధనుష్ గుర్తు చేసుకున్నారు.

Image Credit : Google

ధనుష్ మాట్లాడుతూ.. నాగార్జున గారు నటించిన సినిమాలు తమిళనాట ఇప్పటికీ మంచి క్రేజ్‌ను కలిగి ఉన్నాయి. నాకు ఆయన సినిమాలు చాలా ఇష్టం. ముఖ్యంగా ఆయన నటించిన ‘రచ్చగన్’ (తెలుగులో రక్షకుడు) సినిమా నా ఆల్‌టైమ్ ఫేవరెట్” అని ధనుష్ చెప్పారు. తమిళనాడులో రాక్షసుడు సినిమా విపరీతమైన క్రేజ్ తో ఆడింది. గతంలో శివకార్తికేయన్ కూడా నాగార్జున ముందు ఈసినిమా గురించి మాట్లాడారు.

Image Credit : Social Media

అంతేగాకుండా నాగార్జున గారితో స్క్రీన్ షేర్ చేసుకోవడం నిజంగా గొప్ప అనుభవం. ఆయన లాంటి లెజెండరీ స్టార్ పక్కన నటించడం నా అదృష్టంగా భావిస్తున్నాను అని అన్నారు ధనుష్. ధనుష్ చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. నాగార్జునకు తమిళనాట ఉన్న ఫ్యాన్ బేస్‌ను ఈ కామెంట్లు మరింత హైలైట్ చేస్తున్నాయి.

Image Credit : Dhanush comments on Nagarjuna

ఇక శేఖర్ కమ్ముల డైరెక్షన్‌లో తెరకెక్కిన కుబేర సినిమాపై ప్రేక్షకుల్లో భారీ అంచనాలు నెలకొన్నాయి. ప్రస్తుతం పోస్ట్-ప్రొడక్షన్ పనులు చివరి దశలో ఉండగా, త్వరలో ఈ సినిమా రిలీజ్ డేట్ ను ప్రకటించే అవకాశం ఉంది. తెలుగు తమిళంతో పాటుగా కన్నడ, మలయాళ, హిందీ భాషల్లో కూడా ఈసినిమాను రిలీజ్ చేయడానికి ప్లాన్ చేస్తున్నారు.