Bold Movies: చెమటలు పట్టించే సీన్స్ తో.. ఆడియన్స్ ను షాక్‌కు గురిచేసిన బోల్డ్ సినిమాలు ఇవే!

Bold Movies: బాలీవుడ్ ఎప్పటికప్పుడు సెక్సువాలిటీ, సంక్లిష్ట సంబంధాల వంటి సున్నితమైన అంశాలను ధైర్యంగా తెరకెక్కించింది. కొన్ని సినిమాలు వివాదాలకు దారితీశాయి. కొన్ని సినిమాలు మాత్రం ప్రశంసలు అందుకున్నాయి.

Image Credit : X

సరిహద్దులు చెరిపేసిన సినిమాలు

భారతీయ సినిమాలో బాలీవుడ్ ఎప్పటికప్పుడు తన పరిధులను దాటుకుంటూ వచ్చింది. సెక్సువాలిటీ, క్లిష్టమైన సంబంధాలు, కోరికలు, సమాజం వద్దనుకున్న విషయాలను ధైర్యంగా తెరపైకి తెచ్చింది. కొన్ని సినిమాలు తీవ్ర వివాదాలకు కారణమైతే, మరికొన్ని తమ కథ, నటనతో ప్రశంసలు పొందాయి. ప్రేక్షకులను ఆశ్చర్యపరిచిన, తప్పక చూడాల్సిన కొన్ని బోల్డ్ బాలీవుడ్ సినిమాలు ఇవి.

Image Credit : X

ఫైర్ (Fire)

దీపా మెహతా డైరెక్ట్ చేసిన 'ఫైర్' సినిమా ఇది. పెళ్లి చేసుకుని అసంతృప్తిగా ఉన్న ఇద్దరు మహిళల మధ్య స్వలింగ సంపర్క సంబంధాన్ని చూపించిన తొలి భారతీయ మెయిన్‌స్ట్రీమ్ సినిమా ఇదే. షబానా అజ్మీ, నందితా దాస్ ప్రధాన పాత్రల్లో నటించారు. ఈ చిత్రం సంప్రదాయ నిబంధనలను సవాలు చేసి, దేశవ్యాప్తంగా లైంగికత, వ్యక్తిగత స్వేచ్ఛపై చర్చను రేకెత్తించింది.

Image Credit : X

లిప్‌స్టిక్ అండర్ మై బురఖా (Lipstick Under My Burkha)

అలంకృత శ్రీవాస్తవ దర్శకత్వం వహించిన ఈ సినిమా విమర్శకుల ప్రశంసలు పొందింది. వేర్వేరు నేపథ్యాలున్న నలుగురు మహిళల ప్రేమ, కోరికలు, స్వేచ్ఛ అన్వేషణను ఈ సినిమా చూపిస్తుంది. మొదట సెన్సార్ బోర్డు సర్టిఫికెట్ నిరాకరించినా, విడుదలయ్యాక బోల్డ్ ఫెమినిస్ట్ కథనంతో  మంచి పేరు తెచ్చుకుంది.

Image Credit : X

పార్చ్డ్ (Parched)

రాజస్థాన్ గ్రామీణ నేపథ్యంలో సాగే సినిమా 'పార్చ్‌డ్'. గృహ హింస, బాల్య వివాహాలు, లైంగిక అణచివేతను ఎదుర్కొనే నలుగురు మహిళల జీవితాలను ఇది ఆవిష్కరిస్తుంది. రాధికా ఆప్టే, సుర్వీన్ చావ్లా, తన్నిష్ఠా ఛటర్జీ, లెహర్ ఖాన్ నటనతో ఈ సినిమా మహిళా సాధికారతను చాలా ధైర్యంగా చెప్పింది.

Image Credit : X

బి.ఎ. పాస్ (BA Pass)

మోహన్ సిక్కా రాసిన 'ది రైల్వే ఆంటీ' అనే షార్ట్ స్టోరీ ఆధారంగా ఈ సైకలాజికల్ డ్రామాను తెరకెక్కించారు. తనకంటే వయసులో పెద్దదైన పెళ్లయిన మహిళతో ఓ యువకుడు అక్రమ సంబంధం పెట్టుకోవడం ఈ సినిమా కథ. శృంగారభరితమైన అంశాలు, కుట్ర, దోపిడీ వంటి చీకటి కోణాలను ఈ సినిమా ప్రేక్షకులకు చూపించి ఆశ్చర్యపరిచింది.

Image Credit : X

Love Sex Aur Dhokha

దిబాకర్ బెనర్జీ దర్శకత్వం వహించిన ఈ ప్రయోగాత్మక చిత్రం 'ఫౌండ్-ఫుటేజ్' టెక్నిక్‌తో తీశారు. వోయరిజం (దొంగచాటుగా చూడటం), పరువు హత్యలు, MMS స్కాండల్స్, మీడియా సంచలనం వంటి అంశాలను ఇది బయటపెట్టింది. సమాజంలోని వాస్తవ సమస్యలను తీవ్రంగా చూపించడంతో ఇది అప్పట్లో ఓ ప్రత్యేకమైన సినిమాగా నిలిచింది.

Image Credit : X

ది డర్టీ పిక్చర్ (The Dirty Picture)

దక్షిణాది బోల్డ్ నటి సిల్క్ స్మిత జీవితం ఆధారంగా ఈ సినిమా తెరకెక్కింది. ఇందులో విద్యా బాలన్ అద్భుతంగా నటించారు. చిత్ర పరిశ్రమలోని ఫెవరెటిజం,  ప్రమాణాలను ప్రశ్నిస్తూ, ఫేమ్, మహిళల కోరికలు, స్త్రీని ఒక వస్తువుగా చూడటం, స్టార్‌డమ్ కోసం చెల్లించాల్సిన మూల్యం వంటి అంశాలను ఈ సినిమా లోతుగా విశ్లేషించింది.

Image Credit : X

మాతృభూమి - ఎ నేషన్ వితౌట్ ఉమెన్ (Matrubhoomi - A Nation Without Women)

ఆడ భ్రూణ హత్యల కారణంగా మహిళలే లేని భవిష్యత్తు ఎంత భయంకరంగా ఉంటుందో ఊహించి తీసిన సినిమా ఇది. లింగ వివక్ష దారుణమైన పరిణామాలను ఈ డిస్టోపియన్ డ్రామా కళ్లకు కట్టినట్టు చూపించింది. భారతీయ సినిమాలో అత్యంత ధైర్యవంతమైన సామాజిక విమర్శనాత్మక చిత్రాలలో ఇది ఒకటిగా నిలిచిపోయింది.

Image Credit : X

ఏక్ ఛోటీసి లవ్ స్టోరి (Ek Chhotisi Love Story)

మనీషా కొయిరాలా నటించిన ఈ చిత్రం, తనకంటే వయసులో పెద్దదైన పక్కింటి మహిళపై ఓ టీనేజ్ అబ్బాయికి ఉండే వోయరిస్టిక్ (దొంగచాటుగా చూసే) వ్యామోహం చుట్టూ తిరుగుతుంది. ఈ సినిమాలోని అడల్ట్ కంటెంట్, వివాదాస్పద కథాంశం విడుదల సమయంలో పెద్ద చర్చకు దారితీశాయి.

Image Credit : X

కామసూత్ర - ఎ టేల్ ఆఫ్ లవ్ (Kama Sutra - A Tale of Love)

1996లో విడుదలైన ఈ సినిమా 16వ శతాబ్దపు భారతదేశంలో ప్రేమ, కోరిక, అసూయ, అధికారం వంటి అంశాలను చూపించింది. మీరా నాయర్ దర్శకత్వం వహించిన ఈ చిత్రం, శృంగారభరిత సన్నివేశాల కారణంగా వివాదాల్లో చిక్కుకున్నా,  విజువల్స్, నటనతో ప్రపంచవ్యాప్తంగా ప్రశంసలు అందుకుంది.