Vikram Fitness: 60 ఏళ్ల కుర్రాడు, యంగ్ హీరోలను మించిన ఫిట్‌నెస్.. విక్రమ్ సీక్రెట్ ఇదే

 స్టార్ హీరో చియాన్ విక్రమ్  60వ పుట్టినరోజు జరుపుకున్నారు. కానీ ఆయన లుక్, ఫిట్‌నెస్, స్టైల్ చూస్తే కాలేజీ కుర్రాడిలా కనిపిస్తారు. ఇంతకీ అరవై ఏళ్ల వయసులోనూ విక్రమ్ ఇంత ఫిట్‌గా ఉండటానికి కారణమేంటి? ఆయన ఫిట్‌నెస్ రహస్యం ఏంటో తెలుసా? 

Image Credit : Asianet News

కుర్రాడిలా మెరిసిపోతున్న విక్రమ్..

సౌత్ స్టార్ హీరో చియాన్ విక్రమ్ కు 60 ఏళ్లు నిండాయి. . కానీ ఆయన ఫిట్‌నెస్, స్టైల్, లుక్ చూస్తే.. ఆయన వయసు 60 ఏళ్లంటే ఎవరూ నమ్మలేరు.ఇంతలా ఫిట్ నెస్ ను ఆయన ఎలా మెయింటేన్ చేస్తున్నాడు.

Image Credit : Instagram

60 సినిమాల హీరో

విక్రమ్ 1990లో వచ్చిన 'ఎన్ కాదల్ కణ్మణి' సినిమాతో హీరోగా ప్రయాణం మొదలుపెట్టారు. గతేడాది వచ్చిన 'వీర ధీర శూరన్' వరకు దాదాపు 60 సినిమాల్లో హీరోగా నటించారు. ప్రస్తుతం ఆయన చేతిలో మరో మూడు సినిమాలున్నాయి. ఈ వయసులోనూ యాక్షన్ సీన్లు చేస్తూ ఇంత ఫిట్‌గా ఎలా ఉన్నారని అభిమానులు ఆశ్చర్యపోతున్నారు.

Image Credit : Instagram

మిస్టర్ పర్ఫెక్ట్ విక్రమ్

విక్రమ్ ఫిట్‌నెస్ విషయంలో చాలా శ్రద్ధ తీసుకుంటారు. ఆయన ఎప్పుడూ మంచి ఫిజిక్‌తో ఉంటారు. ప్రతి సినిమాలోని పాత్రకు తగ్గట్టుగా బరువు పెరగడం, తగ్గడం చేస్తుంటారు. అందుకే ఆయన్ని మిస్టర్ పర్ఫెక్షనిస్ట్ అంటారు. సోషల్ మీడియాలో విక్రమ్ ఫొటోలు చూసి అమ్మాయిలు ఫిదా అవుతుంటారు.

Image Credit : Instagram

పాత్రకు తగ్గట్టు వర్కౌట్

విక్రమ్ ఎప్పుడూ ఒకేరకమైన వర్కౌట్ చేయరు. తన పాత్రకు అనుగుణంగా వర్కౌట్ ప్లాన్‌ను మార్చుకుంటారు. ముఖ్యంగా ఆయనకు ప్లైయోమెట్రిక్ వర్కౌట్స్ అంటే ఇష్టం. ఈ వర్కౌట్ శరీర బలాన్ని పెంచుతుంది. పాత్ర డిమాండ్‌ను బట్టి హెవీ వెయిట్స్, జిమ్ చేస్తూ సరైన ఆహారం తీసుకుంటారు.

Image Credit : Asianet News

ఎలాంటి ఆహారం తీసుకుంటారు?

ఫిట్‌నెస్ కేవలం వ్యాయామంపైనే కాకుండా, తీసుకునే ఆహారంపై కూడా ఆధారపడి ఉంటుందని విక్రమ్ నమ్ముతారు. బరువు తగ్గడానికి ఆయన ఫైబర్ ఎక్కువగా ఉండే కూరగాయలు, పండ్లు తింటారు. కార్బోహైడ్రేట్లు తగ్గించి, గుడ్డులోని తెల్లసొన, చేపలు, చికెన్ వంటి ప్రొటీన్లు ఎక్కువగా ఉండే ఆహారం తీసుకుంటారు. అందుకే ఆయన అంత ఫిట్‌గా ఉంటారు.

Image Credit : Instagram

మరణం అంచులదాకా వెళ్లి బతికిన హీరో

విక్రమ్ డెడికేషన్ వెనుక ఒక స్ఫూర్తిదాయకమైన కథ ఉంది. కాలేజీ రోజుల్లో జరిగిన ఘోర ప్రమాదంలో ఆయన తీవ్రంగా గాయపడ్డారు. డాక్టర్లు ఇక నడవలేరని చెప్పారు. కానీ, విక్రమ్ పట్టుదలతో, కఠోర శ్రమతో మళ్లీ నడవడమే కాదు, ఈ రోజు సూపర్ స్టార్‌గా నిలిచారు.