చిరంజీవికి నటనలో శిక్షణ ఇచ్చిన స్టార్‌ హీరో ఎవరో తెలుసా?, కట్‌ చేస్తే తన సినిమాలోనే సైడ్‌ రోల్‌

16

Chiranjeevi

Chiranjeevi: మెగాస్టార్‌ చిరంజీవి జర్నీ చాలా పెద్దది. దాదాపు ఐదు దశాబ్దాలుగా సాగుతుంది. అయితే చిరంజీవి ఓ కామెడీ హీరో వద్ద నటనలో శిక్షణ తీసుకున్నారు. ఓ సెపరేట్‌ మూమెంట్స్ కి సంబంధించి ట్రైన్‌ అయ్యారు. తనకు శిక్షణ ఇచ్చిన నటుడే ఆ తర్వాత చిరంజీవి సినిమాల్లో సైడ్‌ రోల్స్ చేయడం విశేషం. 

26

చిరంజీవి 1978లో నటుడిగా మారారు. కానీ అంతకు రెండుమూడేళ్ల ముందు నుంచే ఆయన సినిమా ఇండస్ట్రీలోకి వచ్చారు. నటుడిగా ట్రైన్‌ అయ్యాడు. నటనపై ఆసక్తితో మద్రాస్‌ వచ్చిన చిరంజీవి మద్రాస్‌లో ట్రైనింగ్‌ ఇనిస్టిట్యూట్‌లో చేరారు. అందులో శిక్షణ తీసుకుంటున్న సమయంలోనే ఆయనకు `పునాదిరాళ్లు` చిత్రంలో నటించే అవకాశం వచ్చింది. ఆ తర్వాత వెనక్కి తిరిగి చూసుకోవాల్సిన అవసరం లేదు. 

36

Rajendra Prasad

అయితే మద్రాస్‌ ఇనిస్టిట్యూట్‌లో ఆయన నటనలో శిక్షణ తీసుకున్నప్పుడు ఓ కామెడీ హీరో శిక్షణ ఇచ్చాడట. ఆయన ఎవరో కాదు రాజేంద్రప్రసాద్‌. అప్పటికీ ఆయన కూడా నటుడు కాలేదు. కాకపోతే చిరంజీవి కంటే మూడేళ్లు సీనియర్‌. మైమ్‌ అండ్‌ మూమెంట్‌లో గోల్డ్ మెడలిస్ట్. ఆ ఇనిస్టిట్యూట్‌లో ఎక్స్ పర్ట్. తాను చేరిన మూడేళ్లకి చిరంజీవి వచ్చారట.

అయితే ఆ సమయంలో దేవదాస్‌ కనకాల టీచర్‌గా అక్కడి నుంచి రిజైన్‌ చేసి హైదరాబాద్‌కి వచ్చాడు. దీంతో ఆ పోస్ట్ ఖాళీగా ఉంది. అందులో తనని క్లాస్‌లు చెప్పాలని అప్పటి ప్రిన్సిపల్‌ పార్థసారథి చెప్పడంతో రాజేంద్రప్రసాద్‌ క్లాస్‌ లు తీసుకున్నాడట. 

46

Chiranjeevi

అలా అప్పుడే ఫ్రెష్‌ గా వచ్చిన చిరంజీవి బ్యాచ్‌కి రాజేంద్రప్రసాద్‌ క్లాస్‌లు తీసుకున్నాడు. మైమ్‌ అండ్‌ మూమెంట్‌ సబ్జెక్ట్ లో చిరంజీవికి క్లాస్‌లు చెప్పానని తెలిపారు రాజేంద్రప్రసాద్‌.

క్లాస్‌లు చెప్పడమంటే యాక్టింగ్‌ ఎలా చేయాలో, ఏ మూమెంట్‌ ఎలా చేయాలో చేసి చూపించడమే, అది తనకు బాగా వచ్చు కాబట్టి రెచ్చిపోయినట్టు తెలిపారు రాజేంద్రప్రసాద్‌. మొదట్లో సరదాగా చెప్పినా, ఆ తర్వాత సీరియస్‌గానే క్లాస్‌లు తీసుకున్నట్టు తెలిపారు. 

56

rajendraprasad

అలా రాజేంద్రప్రసాద్‌ వద్ద మైమ్‌ అండ్‌ మూమెంట్‌లో చిరంజీవి శిక్షణ తీసుకున్నారు. రాజేంద్రప్రసాద్‌ ఇండస్ట్రీకి పరిచయం అయిన ఏడాదికి చిరు ఎంట్రీ ఇచ్చాడు. కానీ ప్రారంభం నుంచే జోరు చూపించాడు చిరు.

తక్కువ సమయంలోనే మాస్‌, కమర్షియల్‌ హీరోగా ఎదిగాడు. కానీ రాజేంద్రప్రసాద్‌ కామెడీ హీరోగా, కామెడీ తరహా పాత్రలతో మెప్పించాడు. ఈ క్రమంలో చిరు సూపర్‌ స్టార్‌గా రాణిస్తున్న సమయంలో ఆయన సినిమాల్లోనే ఫ్రెండ్‌గా, సెకండ్‌ హీరోగా కనిపించారు నటకిరీటి.

66

Chiranjeevi, rajendra prasad

చిరంజీవి హీరోగా వచ్చిన `డాడీ`, `హిట్లర్‌`, `దొంగ`, `ఛాలెంజ్‌`, `రాక్షసుడు` వంటి చిత్రాల్లో రాజేంద్రప్రసాద్‌ కీలక పాత్రల్లో నటించిన విషయం తెలిసిందే. ఓ వైపు హీరోగా తాను సినిమాలు చేస్తూనే ఇలా పెద్ద స్టార్‌ మూవీస్‌లో కీలక పాత్రల్లో నటించి మెప్పించారు. అలరించారు రాజేంద్రప్రసాద్‌.