- Home
- Entertainment
- Chiranjeevi: సురేఖతో పెళ్లికి చిరంజీవికి ఎన్నిరోజులు సెలవు ఇచ్చారో తెలుసా? మెగాస్టార్ ఫన్నీ లవ్ స్టోరీ..
Chiranjeevi: సురేఖతో పెళ్లికి చిరంజీవికి ఎన్నిరోజులు సెలవు ఇచ్చారో తెలుసా? మెగాస్టార్ ఫన్నీ లవ్ స్టోరీ..
Chiranjeevi:నాలుగు దశాబ్ధాలు అన్యోన్య దాంపత్యంతో అందరికి ఆదర్శంగా నిలుస్తున్నారు మెగాస్టార్ చిరంజీవి, సురేఖ. వీరిద్దరి పెళ్లికి సంబంధించి ఏదో ఒక వార్తు ఎప్పుడు వైరల్ అవుతూ ఉంటుంది. ఈక్రమంలో చిరంజీవి పెళ్లి టైమ్ లో పడిన ఇబ్బందుల గురించి మీకు తెలుసా?
45 ఏళ్ళ అన్యోన్య జీవితం..
మెగాస్టార్ చిరంజీవిలో పట్టుదల, ఏదో సాధిస్తాడన్న నమ్మకం, ముఖ్యంగా మంచి వ్యక్తిత్వం ఉంది అన్న కారంగా తన కూతురు సురేఖను ఇచ్చి పెళ్లి చేశారు అల్లు రామలింగయ్య. చిరంజీవి కూడా ఆ నమ్మకాన్ని ఇప్పటికీ నిలబెడుతూనే ఉన్నాడు. 45 ఏళ్లుగా ఎన్నో కష్టనష్టాలను, సంతోషాలను పంచుకుంటూ, మెగా ఫ్యామిలీని అందరికి ఆదర్శంగా తీర్చిదిదారు చిరంజీవి, సురేఖ. 1మెగాస్టార్ చిరంజీవి కెరీర్ బిగినింగ్ లోనే పెళ్లి చేసుకొని సెటిల్ అయ్యారు. 980 ఫిబ్రవరి 20న వీరిద్దరి పెళ్లి జరిగింది. వీరి ప్రేమకు గుర్తుగా రామ్ చరణ్, సుష్మిత, శ్రీజ ముగ్గురు సంతానం కలిగారు. కొడుకు, కోడలు, కూతురు అల్లుడు, మనవరాళ్లు, మనవడు, తముళ్లు, వారి పిల్లలు ఇలా మెగా ఫ్యామిలీ టాలీవుడ్ లో చాలా పెద్దది. సౌత్ కపూర్స్ ఫ్యామిలీ అన్న పేరు కూడా వచ్చింది.
చిరంజీవి పెళ్లి కథ..
మెగాస్టార్ చిరంజీవి తన పెళ్లి కథను చాలా ఫన్నీగా చెపుతు నవ్విస్తుంటారు. '' బలికి మేకను తీసుకెళ్తున్నట్టుగా తయరు చేసిన పెళ్లి పీటల మీద కూర్చోబెట్టారని ఆయన సరదాగా అంటుంటారు. మనవూరి పాండవులు సినిమా టైమ్ నుంచి చిరంజీవిని ఓ కంట కనిపెడుతూ వచ్చారు అల్లు రామలింగయ్య.. ఆతర్వాత చాలా సినిమాలు కలిసి చేశారు. చిరంజీవికి సబంధించి ప్రతీ విషయం ఆయన నోట్ చేసుకున్నారు. కానీ అప్పుడు మెగాస్టార్ కు అల్లు రామలింగయ్య మనసులో ఏముందో తెలియదు. ''అల్లు అరవింద్, నిర్మాత జయకృష్ణ, అల్లు రామలింగయ్య.. వీరంతా కలిసి కూర్చొని ఈ కుర్రాడిని ఎలా నొక్కేద్దామా అని ఆలోచించారు. ఇవన్నీ అప్పటి దాకా నాకు తెలియదు.. జయకృష్ణ వచ్చి నా దగ్గర పెళ్లి ప్రస్తావన తీసుకొచ్చారని చిరంజీవి ఓ సందర్భంలో చెప్పుకోచ్చారు.
సురేఖను చూడగానే చిరంజీవికి ఏమనిపించిందంటే?
చిరంజీవి మాట్లాడుతూ.. '' జయకృష్ణ పెళ్లి ప్రస్తావన తీసుకొచ్చినప్పుడు.. ఇప్పుడిప్పుడే సెటిల్ అవుతున్నాను అప్పుడే పెళ్లేంటి అని అన్నాను. నేను మంచివాడినని ఎంక్వైరీ చేసి.. నచ్చి.. ఎక్కడ చేయిజారిపోతానా అని వదిలిపెట్టకుండా తిరిగారు. మా నాన్న దగ్గరకు వెళ్లి.. కుర్రాడు మంచివాడు... కమల్ హాసన్ లా స్టార్ అవుతాడు.. అమ్మాయిలు వెంటపడుతున్నారు. ఇప్పుడే పెళ్లి చేసేయాలి అని చెప్పి, ఆయన ద్వారా నన్ను పెళ్లికి ఒప్పించారు. సురేఖను చూడటానికి వెళ్లి ఆమె చేతి కాఫీ తాగిన తరువాత నేను ఊ అనుకుండా ఉండలేకపోయాను. ఏం మందు పెట్టిందో ఏమో.. నోట్లో వేలు పెడితే కొరకదు అని చెప్పారు.. కానీ ఆతరువాత నా పీక కొరకడానికి వచ్చింది''. అని మెగాస్టార్ ఫన్నీగా అన్నారు.
పెళ్లి కోసం చిరంజీవి తిప్పలు...
చిరంజీవి మాట్లాడుతూ.. '' సురేఖతో పెళ్లికి నన్న మెడలో దండేసి గొర్రె పొట్టేలుని బలికి తీసుకెళ్లినట్లు నన్ను తీసుకెళ్లారు. పెళ్లికి నాకు పెద్దగా టైమ్ కూడా ఇవ్వలేదు. అప్పుడు నేను చాలాబిజీగా ఉన్నాను. నా నిర్మాతలు నాకు అస్సలు టైమ్ ఇవ్వలేదు. షూటింగ్ జోరుగా సాగుతుంది. పెద్ద పెద్ద ఆర్టిస్ట్ ల డేట్స్ దొరకడం కష్టం. అప్పట్లో ఆయన నటిస్తున్న తాతయ్య ప్రేమలీలలు సినిమా షూటింగ్ జరుగుతుండటంతో.. పెళ్లి చేసుకుంటాను అంటే ఆ సినిమా నిర్మాత ఎం ఎస్ రెడ్డిగారు నాకు సెలవులు ఇవ్వనన్నారు. ‘’ అని చిరంజీవి చెప్పుకొచ్చారు.
పెళ్లికి మూడే రోజులు సెలవు..
మెగాస్టార్ మాట్లాడుతూ.. ‘’ పెళ్లి కోసం సెలవు అడిగితే.. ఒక్క రోజు అయితే ఓకే అన్నారు. కానీ ఎక్కడో షూటింగ్ జరుగుతంది. అక్కడి నుంచి హైదరాబాద్ వచ్చి పెళ్లి చేసుకుని ఎలా వెళ్తాను.. అని బ్రతిమలాడితే మూడే ముడు రోజులు పెళ్లి సెలవులు ఇచ్చారు. ఒక రోజు పెళ్లికొడుకుని చేయడం, మరో రోజు పెళ్లి.. మూడో రోజు అదేదో ఉంటుందిగా'' అని చెప్పి చిరంజీవి అందరిని నవ్వించారు. అల్లు రామలింగయ్య శతదినోత్సవ కార్యక్రమం రోజు మెగాస్టార్ ఈ విషయాలను వెల్లడించారు.
