చమ్మక్ చంద్ర జబర్దస్త్ వైఫ్ సత్య రీఎంట్రీ... తెరపైకి పలు ఊహాగానాలు!

జబర్దస్త్ లో లేడీ కమెడియన్స్ చాలా తక్కువ మంది ఉన్నారు. వారిలో శ్రీసత్య ఒకరు. బాగా పాపులారిటీ తెచ్చుకున్న జబర్దస్త్ లేడీ కమెడియన్ ఆమె. అలాగే ట్రెండ్ సెట్టర్ కూడా. సత్య ఎంట్రీ వరకు అబ్బాయిలే లేడీ గెటప్స్ వేసేవారు. అయితే సత్య ఆ రోల్స్ కోసం ప్రత్యేకంగా దిగారు. 
 

చమ్మక్ చంద్ర తన టీమ్ ద్వారా సత్యను పరిచయం చేశాడు. చమ్మక్ చంద్ర స్కిట్స్ దాదాపు అన్నీ ఫ్యామిలీ డ్రామాలే. మొగుడు పెళ్ళాల గిల్లికజ్జాల మీద స్కిట్స్ చేసేవాడు. తన స్కిట్స్ లోని లేడీ క్యారెక్టర్స్ కోసం సత్యను తెచ్చుకున్నాడు. ఆమె సూపర్ గా సక్సెస్ అయ్యారు. మంచి కామెడీ టైమింగ్ ఉన్న సత్య చమ్మక్ చంద్ర స్కిట్స్ కి ప్లస్ అయ్యింది. 

అయితే జడ్జి నాగబాబు 2019 చివర్లో జబర్దస్త్ నుండి వెళ్లిపోయారు. విబేధాల కారణంగా ఆయన షో నుండి తప్పుకున్నారు. పోతూపోతూ తనతో పాటు జబర్దస్త్ డైరెక్టర్స్ తో పాటు కొందరు టీమ్ లీడర్స్ ని తీసుకుపోయాడు. వారిలో చమ్మక్ చంద్ర, కిరాక్ ఆర్పీ ఉన్నారు. జబర్దస్త్ కి పోటీగా నాగబాబు స్టార్ట్ చేసిన 'అదిరింది' షోకి చంద్ర వెళ్ళాడు. 

చంద్ర శిష్యురాలిగా పేరు తెచ్చుకున్న సత్య కూడా జబర్దస్త్ మానేసింది. జబర్దస్త్ కి నన్ను తీసుకొచ్చింది చంద్రగారు. ఆయన లేని చోట నేను ఉండలేకపోయాను. అందుకే జబర్దస్త్ మానేశానని గతంలో ఓ ఇంటర్వ్యూలో సత్య చెప్పారు. కొన్నాళ్ళు సాగిన 'అదిరింది' షోలో సత్య చేసినట్లు ఉన్నారు. అదిరింది సక్సెస్ కాకపోవడంతో ఆపేశారు. 
 

తర్వాత సత్య అసలు బుల్లితెరపై కనిపించలేదు. సడన్ గా ఆమె జబర్దస్త్ లో ప్రత్యక్షమయ్యారు. ఎక్స్ట్రా జబర్దస్త్ లేటెస్ట్ ఎపిసోడ్ లో తాగుబోతు రమేష్ టీమ్ లో సత్య చేశారు. దీంతో ఆమె రీఎంట్రీ ఇచ్చారని తెలుస్తోంది. సత్య రీ ఎంట్రీ నేపథ్యంలో ఆమె అభిమానులు సంతోషం వ్యక్తం చేస్తున్నారు. 
 

అదే సమయంలో సత్య రీఎంట్రీకి కారణం ఏమిటనే ఊహాగానాలు మొదలయ్యాయి. చమ్మక్ చంద్రతో విబేధాలు తలెత్తడం కారణంగానే మరలా జబర్దస్త్ కి వచ్చారని అంటున్నారు. కాగా సత్య-చంద్ర మధ్య ఎఫైర్ ఉండనే ప్రచారం కూడా జరిగింది. ఈ వార్తలకు సత్య ఒక ఇంటర్వ్యూలో సమాధానం చెప్పారు. 
 

మా మధ్య కేవలం గురు శిష్యుల సంబంధం మాత్రమే ఉంది. మా పేరెంట్స్ దృష్టికి కూడా ఈ రూమర్స్ వెళ్లాయి. నువ్వేమిటో మాకు తెలుసు. ఇవేవీ పట్టించుకోకుండా ముందుకు వెళ్లాలని ప్రోత్సహించారు . మా టీమ్ సభ్యుల ముందు ఒకటి రెండు సార్లు ఈ రూమర్స్ గురించి చంద్ర, నేను మాట్లాడుకొని నవ్వుకున్నాం... అని సత్య వెల్లడించారు.