- Home
- Entertainment
- Ram Charan Peddi: హమ్మయ్య, పెద్దిగాడి అవయవాలు సేఫ్.. స్టోరీపై రూమర్స్ అన్నీ పటాపంచలు
Ram Charan Peddi: హమ్మయ్య, పెద్దిగాడి అవయవాలు సేఫ్.. స్టోరీపై రూమర్స్ అన్నీ పటాపంచలు
రాంచరణ్ నటించిన పెద్ది చిత్రం జూన్ 4న రిలీజ్ అవుతోంది. ఈ చిత్రం కథ గురించి అనేక థియరీలు ప్రచారంలో ఉన్నాయి. అయితే ఆ రూమర్స్ అన్నింటినీ బుచ్చిబాబు పటాపంచలు చేశారు.
రాంచరణ్ పెద్ది మూవీ
మెగా పవర్ స్టార్ రాంచరణ్ నటిస్తున్న పెద్ది చిత్రం జూన్ 4న గ్రాండ్ రిలీజ్ కి రెడీ అవుతోంది. దీనితో ప్రమోషన్స్ ఒక రేంజ్ లో సాగుతున్నాయి. ఇటీవల ట్రైలర్ లాంచ్ చేయగా అది యూట్యూబ్ లో రికార్డులు కొల్లగొడుతూ మిలియన్ల కొద్దీ వ్యూస్ సొంతం చేసుకుంటోంది. బుచ్చిబాబు ఈ చిత్రం విలేజ్ బ్యాక్ డ్రాప్ లో స్పోర్ట్స్ యాక్షన్ డ్రామాగా తెరకెక్కిస్తున్నారు.
రాంచరణ్ కాలు కోల్పోతాడా ?
ఈ మూవీలో రాంచరణ్ క్రికెటర్ గా, కుస్తీ వీరుడిగా, రన్నర్ గా కనిపించబోతున్నారు.ఈ చిత్ర కథ గురించి అనేక థియరీలు ప్రచారంలో ఉన్నాయి. ట్రైలర్ రిలీజ్ అయ్యాక ఆ థియరీలు ఇంకా ఎక్కువయ్యాయి. స్టోరీ గురించి వినిపిస్తున్న కొన్ని రూమర్స్ ప్రకారం క్లైమాక్స్ లో రాంచరణ్ కాలు పోతుంది అని ఆ తర్వాత కృత్రిమ లెగ్ తో రాంచరణ్ పారాలంపిక్స్ లో పాల్గొంటాడని ఆ సీన్లు చాలా ఎమోషనల్ గా ఉంటాయి అని ప్రచారం జరిగింది.
క్రాసోవర్ అథ్లెట్
ట్రైలర్ లో రాంచరణ్ క్రికెటర్, కుస్తీకి సంబంధించిన సీన్లు కూడా చూపించారు.ఈ మూవీలో రాంచరణ్ క్రాసోవర్ అథ్లెట్ గా కనిపిస్తున్నారు. కానీ రన్నింగ్ కి సంబంధించిన సీన్స్ చూపించలేదు. దీనితో పెద్దికి కాలు ఉండదు అనే రూమర్స్ ఇంకా ఎక్కువయ్యాయి. బుచ్చిబాబు తొలి చిత్రంలో ఉప్పెనలో కూడానా క్లైమాక్స్ లో హీరో ఓ అవయవం కోల్పోతాడు. పెద్దిలో కూడా బుచ్చిబాబు అదే సెంటిమెంట్ ఫాలో అవుతున్నట్లు వార్తలు వస్తున్నాయి.
ట్విస్ట్ అదిరిపోయేలా ఉంటుంది
అయితే ఈ రూమర్స్ ని బుచ్చిబాబు పటాపంచలు చేశారు. ఓ ఇంటర్వ్యూలో దీని గురించి స్పందిస్తూ.. ఉప్పెన లాగా ఏమీ ఉండదు. అవయవం కోల్పోవడం జరగదు. కానీ ఆ ట్విస్ట్ మాత్రం థ్రిల్ చేసేలా ఉంటుంది అని బుచ్చిబాబు తెలిపారు.
నటీనటులు వీళ్ళే
ఈ మూవీలో రాంచరణ్, జాన్వీ కపూర్ లీడ్ రోల్స్ లో నటిస్తుండగా.. జగపతి బాబు, శివరాజ్ కుమార్, మీర్జాపూర్ ఫేమ్ దివ్యేందు శర్మ కీలక పాత్రల్లో నటిస్తున్నారు. శ్రుతి హాసన్ ఈ మూవీలో ఐటెం సాంగ్ చేస్తోంది.
