వ్యాపారం చేస్తూ.. గట్టిగా సంపాదిస్తున్న టాప్ 5 సినిమా సెలబ్రిటీలు

సినిమా రంగం అంటే కేవలం గ్లామర్ మాత్రమే కాదు, బాలీవుడ్ కొంతమంది సంపన్న వ్యాపారవేత్తలకు నిలయంగా ఉంది, వారు సినిమా రంగం లోనే కాదు.. బయటకు వచ్చి ఇతర రంగాలలో కూడా  గణనీయమైన ప్రభావాన్ని చూపారు.

మీరు ఇష్టపడే అనేక మంది సెలబ్రిటీలు తమ కీర్తిని మరియు నైపుణ్యాలను స్టార్ డమ్ ను  ఉపయోగించి వ్యాపారాలను సక్సెస్ పుల్ గా రన్ చేస్తున్నారు. తమ స్టార్ డమ్ తో వ్యాపార రంగంలోకి అడుగుపెట్టారు. ఈ బాలీవుడ్ ప్రముఖులు ఎలా సంపదను కూడబెట్టుకున్నారో మరియు తమను తాము సంపన్న వ్యాపారవేత్తలుగా ఎలా మారారు అనేది చూద్దాం. 

భారతదేశంలో అత్యంత సంపన్న నటుడు, షారుఖ్ ఖాన్ బాలీవుడ్‌లో "కింగ్ ఖాన్"గా ప్రశంసలు అందుకుంటున్నాడు. అంతే కాదు  వ్యాపారం తో పాటు  సినిమా రెండింటిలోనూ విజయం సాధించాడు. 

అతను రెడ్ చిల్లీస్ ఎంటర్‌టైన్‌మెంట్‌లో సహ యజమాని, ఇది ఓం శాంతి ఓం, చెన్నై ఎక్స్‌ప్రెస్, జవాన్ మరియు డార్లింగ్స్ సహా అనేక విజయవంతమైన చిత్రాలకు పనిచేసిన ప్రసిద్ధ నిర్మాణ సంస్థ.

ఇక షారుఖ్ ఐపీఎల్ 2024 విజేతలుగా నిలిచిన కోల్‌కతా నైట్ రైడర్స్ (కెకెఆర్) టీమ్ కు యజమాని కూడా. ఇలా రకరకాల బిజినెస్ లలో అతను ఇన్వెస్ట్ చేసి ఉన్నాడు. 

దీపికా పదుకొణె వ్యూహాత్మకంగా అనేక స్టార్టప్ వ్యాపారాలలో పెట్టుబడులు పెట్టారు. ఆమె కంపెనీ, కా ఎంటర్‌ప్రైజెస్, బ్లూస్మార్ట్, ఫర్లెన్కో మరియు ఎపిగామియా వంటి వ్యాపారాలకు మద్దతు ఇచ్చి తన సంపాదనలో చాలా భాగం పెట్టుబడి పెట్టినట్టు తెలుస్తోంది. 

బాలీవుడ్ కండల వీరుడు సల్మాన్ ఖాన్ కూడా  వ్యాపారాతో బాగా సంపాదిస్తున్నాడు.  భజరంగీ భాయ్‌జాన్, సుల్తాన్, టైగర్ జిందా హై వంటి సినిమాలతో విజయయాత్రలు చేసిన సల్మాన్  తన పేరు భాయ్ జాన్‌తో ప్రసిద్ధి చెందాడు.

 సల్మాన్ ఖాన్, ప్రముఖ వ్యాపారవేత్త. అతను బీయింగ్ హ్యూమన్ అనే గార్మెంట్ బిజినెస్ చేస్తున్నాడు. అంతే కాదు  పేదవారికి వారి ఆరోగ్య సంరక్షణ ,విద్యలో సహాయపడే  విధంగా ఓ ఛారిటీ ఫౌండేషన్  ను కూడా రన్ చేస్తున్నారు. వీటితో పాటు  సినిమాలు నిర్మించడానికి  ఖాన్ ప్రొడక్షనర్ హౌస్ కూడా ఉంది. 

 బాలీవుడ్ డ్రీమ్ హీరో హృతిక్ రోషన్.  అందమైన హాజెల్-గ్రీన్ కళ్ళు, ఎత్తైన కటౌట్ ,పొడవాటి జుట్టుతో, హృతిక్ రోషన్ రోమన్ శిల్పంతో పోలుస్తారు అభిమానులు. ఎన్నో అద్భుతమైన సినిమాలు చేశారు హృతిక్.

.అందమైన టోన్డ్ బాడీతో అమ్మాయిల మనసులో కలల రాకుమారుడిగా మారిన హృతిక్.. అటు  వ్యాపార ప్రపంచంలో కూడా బాగా పేరు తెచ్చుకున్నాడు. ఈ స్టార్ హీరో  HRX యొక్క సహ వ్యవస్థాపకుడు, ఇది బూట్లు, బట్టలు . శిక్షణా పరికరాలను విక్రయించే ఫిట్‌నెస్ సంస్థ. ః

హృతిక్ వ్యాయామం పట్ల ఉన్న అంకితభావం కారణంగా ఆరోగ్య ఔత్సాహికులు HRXని ఇష్టపడతారు. ఇక అనేక రకాల ప్రాడెక్స్ కు హృతిక్ బ్రాండ్ అంబాసిడర్ గా ఉన్నారు. 

ప్రియాంక చోప్రా గురించి ప్రత్యేకంగా చెప్పనక్కర్లేదు.  ఆమె ఇండియన్ సినిమాల నుంచి హాలీవుడ్ కు వెళ్లింది. అక్కడే సెటిల్ అయ్యింది. ఇక ఆమె సినిమాల నుంచి ఎంత సంపాదించిందో వ్యాపారాల నుంచి కూడా అంతకంటే ఎక్కవే సంపాదిస్తోంది. 

ప్రియాంక   నిర్మాణ సంస్థ అయిన పర్పుల్ పెబుల్ పిక్చర్స్‌లో పార్ట్నర్, అంతే కాదు  ఆమె ప్రసిద్ధ డేటింగ్ యాప్ బంబుల్‌లో పెట్టుబడులు పెట్టింది. అదనంగా, ప్రియాంక హెయిర్‌కేర్ కంపెనీ అనామలీని ప్రారంభించింది. ఆమె విజయవంతమైన నటనా వృత్తితో పాటు, ఆమె అనేక వ్యాపార ప్రయత్నాలు వినోద రంగంలో కూడా స్టార్ గా  వెలుగొందుతోంది.