లెజెండరీ నటి రేఖకి వేధింపులు తప్పలేదు.. ఆ నటుడు బలవంతంగా ముద్దు పెట్టాడట
బాలీవుడ్‌ రొమాంటిక్‌ హీరోయిన్ రేఖ. బాలీవుడ్‌ని దాదాపు నాలుగు దశాబ్దాల పాటు శాషించిన హీరోయిన్. రొమాంటిక్‌ చిత్రాలకు కేరాఫ్‌గా నిలిచిన ఈ అందాల నటి కెరీర్‌ ప్రారంభంలో వేధింపులు ఎదుర్కొందట.
తమిళ అగ్ర కథానాయకుడు జెమినీ గణేషన్‌, పుష్పవల్లిల ముద్దుల తనయగా బాలనటిగా తెలుగు సినిమాలతో తెరంగేట్రం చేసిన రేఖ అనతి కాలంలోనే స్టార్‌ హీరోయిన్ రేంజ్‌కి ఎదిగింది. 1970, 80లో బాలీవుడ్‌ని ఓ ఊపు ఊపేసింది. అమితాబ్‌ బచ్చన్‌ వంటి అగ్ర హీరోలందరితోనూ రొమాన్స్ చేసింది.
కెరీర్‌ ప్రారంభంలో రేఖకి కూడా వేధింపులు తప్పలేదట. తాను 15ఏళ్ళ వయసులో ఉన్నప్పుడు ముప్పై ఏళ్ల బెంగాలీ నటుడు బిస్వాజీత్‌ తనని బలవంతంగా ముద్దుపెట్టాడట. తాజాగా ఈ విషయం బయటపడింది.
1969లో `అంజనా సఫర్‌` చిత్ర షూటింగ్‌ జరుగుతుంది. ఇందులో బిస్వాజీత్‌, రేఖ హీరోహీరోయిన్లుగా నటించారు. షూటింగ్‌ జరుగుతున్న టైమ్‌లో బిస్వాజీత్‌.. రేఖని ఏకంగా ఐదు నిమిషాల పాటు ముద్దు పెట్టాడట.
తాజాగా రైటర్ యాసీర్‌ ఉస్మాన్‌ .. రేఖపై రాసిన `రేఖః ది అన్‌టోల్డ్ స్టోరీ` పుస్తకంలో రాసుకొచ్చారు. ఆ సమయంలో రేఖ కళ్ళు మూసుకుని కన్నీళ్ళు పెట్టుకుందట. చిత్ర బృందం దాన్ని ఆపకపోగా, పైగా కెమెరాని క్లోజ్‌లో పెట్టి ఈలలు వేశారట.
ఇంకా ఆ పుస్తకంలోని విశేషాలు చూస్తే, ముంబయిలోని మెహబూబ్‌ స్టూడియోలో `అంజనా సఫర్‌` షూటింగ్‌ జరుగుతోంది. అది ఫస్ట్ షెడ్యూల్‌. చిత్ర దర్శకుడు రాజా నవాతే, మరో దర్శకుడు కుల్‌జీత్‌ పాల్‌, హీరో బిస్వాజీత్‌ ఓ ప్లానింగ్‌ ప్రకారం ఇలా చేయాలని నిర్ణయించుకున్నారట.
దర్శకుడు యాక్షన్‌ చెప్పగానే బిస్వాజీత్‌ ఇలా ముద్దుతో రెచ్చిపోయాడట. కానీ తాను ఎలాంటి అభ్యంతరం చెప్పకుండా కట్‌ చెప్పేంత వరకు అలానే ఉండిపోయిందట. ఓ రకంగా నిస్సాయతగా ఉండిపోయిందట. ఆ ఘటన రేఖని షాక్‌కి గురి చేసిందట.
ఆ సమయంలో రేఖ.. హీరో బిస్వాజీత్‌ని నిందించినప్పటికీ, ఆ ప్లాన్‌ మొత్తం దర్శకుడిదే అని చెప్పి తప్పించుకున్నారట. సినిమా కోసమే ఇలా చేశామని తప్పించుకున్నారని తెలిసింది. అసలు విషయం తెలిసి రేఖా ఖంగుతిన్నది. మొత్తానికి ఓ లెజెండ్‌ కూతురైనా వైధింపులు తప్పలేదని చెప్పొచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
