కీర్తి తల్లి మనందరికీ తెలిసిన స్టార్ హీరోయిన్.. డైరెక్టర్ ని ఇంటర్ క్యాస్ట్ మ్యారేజ్ చేసుకున్న ఆమె డిటైల్స్

సౌత్ ఇండియా స్టార్ యాక్ట్రెస్ గా కీర్తి సురేష్ దూసుకుపోతున్నారు. తెలుగు, తమిళ, మళయాళ భాషలతో భారీ చిత్రాలు చేస్తూ... తనకు తిరుగులేదని నిరూపిస్తున్నారు. మహానటి చిత్రంతో జాతీయ అవార్డు కూడా పొందిన Keerthy suresh తల్లి కూడా ఒకప్పటి స్టార్ హీరోయిన్ అని చాలా మందికి తెలియదు. 

80లలో హీరోయిన్ మేనక ఓ సంచలనం. ఆమె సౌత్ లోనే అత్యధిక పారితోషికం తీసుకున్న నటిగా క్రేజ్ సంపాదించారు. మలయాళ, తమిళ భాషల్లో కలిపి వందకు పైగా చిత్రాలలో మేనక నటించారు.తెలుగులో తక్కువ చిత్రాలు చేసిన Menaka అత్యధికంగా మళయాళంలో చిత్రాలు చేయడం జరిగింది.

హీరోయిన్ గా మంచి ఫార్మ్ లో ఉన్న తరుణంలో మేనక ప్రేమలో పడ్డారు. దర్శకుడు, నిర్మాత అయిన జి సురేష్ కుమార్ ని కీర్తి సురేష్ 1987లో ప్రేమ వివాహం చేసుకున్నారు. పెళ్లినాటికి మేనక ఫుల్ స్వింగ్ లో ఉన్నారు. మ్యారేజ్ అనంతరం మేనక సినిమాలకు గుడ్ బై చెప్పారు. 

సురేష్ కుమార్ తో మేనకది ఇంటర్ క్యాస్ట్ మ్యారేజ్. మేనక తమిళ బ్రాహ్మణ ఐయ్యంగార్ ఫ్యామిలీకి చెందిన అమ్మాయి. సురేష్ కుమా మాత్రం మలయాళీ. ఇక వీరికి ఇద్దరు అమ్మాయిలు కాగా, పెద్ద కుమార్తె రేవతి సురేష్, చిన్న కుమార్తె కీర్తి సురేష్. 

తల్లి వారసత్వాన్ని పుణికి పుచ్చుకున్న కీర్తి సురేష్ చైల్డ్ ఆర్టిస్ట్ గా కెరీర్ ప్రారంభించారు. 2000లో ఆమె వెండితెర అరంగేట్రం జరుగగా... పలు చిత్రాలలో చైల్డ్ ఆర్టిస్ట్ గా నటించారు. 2013లో విడుదలైన గీతాంజలి చిత్రంతో పూర్తి స్థాయి యాక్ట్రెస్ గా మారడం జరిగింది.

2018లో విడుదలైన మహానటి కీర్తి సురేష్ కెరీర్ ని మలుపు తిప్పింది. నటి సావిత్రి జీవిత కథ ఆధారంగా తెరకెక్కిన ఈ చిత్రం భారీ విజయాన్ని అందుకుంది. సావిత్రిగా నటించిన కీర్తి సురేష్ కి జాతీయ అవార్డు అందుకుంది. ఆ సినిమా తరువాత కీర్తికి అవకాశాలు వెల్లువెత్తాయి.

తెలుగులో Mahesh babuకి జంటగా సర్కారు వారి పాట చేస్తున్న కీర్తి, నాని కొత్త ప్రాజెక్ట్ దసరా చిత్రంలో హీరోయిన్ గా ఎంపికయ్యారు. అలాగే Chiraneevi కి చెల్లిగా భోళా శంకర్ మూవీలో కీర్తి సురేష్ నటిస్తున్నారు. వీటితో పాటు తమిళ, మలయాళ చిత్రాలు ఆమె చేతిలో ఉన్నాయి. 

అక్టోబర్ 17, 1992లో జన్మించిన కీర్తి నేడు 28వ బర్త్ డే జరుపుకుంటున్నారు. కీర్తి బర్త్ డే నేపథ్యంలో ఫ్యాన్స్, సినీ ప్రముఖులు సోషల్ మీడియా వేదికగా బెస్ట్ విషెష్ తెలియజేస్తున్నారు. ఈ ఏడాది ఆమె కెరీర్ లో మరిన్ని శిఖరాలు అధిరోహించాలని కోరుకుంటున్నారు.