పెళ్ళైన వాడితో జర్నీ అంటూ ట్విస్ట్ ఇచ్చిన రతిక రోజ్... ఇది ఇంకో షేడ్, జాగ్రత్త అంటున్న జనాలు!

బిగ్ బాస్ తెలుగు 7లో అత్యంత నెగిటివిటీ మూటగట్టుకున్న కంటెస్టెంట్స్ లో రతిక రోజ్ ఒకరు. ఈమె ప్రవర్తన జనాలకు విసుగుపుట్టించింది. ముఖ్యంగా పల్లవి ప్రశాంత్ తో రతిక రోజ్ ప్రవర్తించిన తీరు విమర్శలపాలైంది. మొదట్లో అతనితో సన్నిహితంగా ఉంది. 
 

పల్లవి ప్రశాంత్ నువ్వంటే నాకు ఇష్టం అంటూ అతన్ని గెలికింది. ఇద్దరికీ మధ్య లవ్ ట్రాక్ నడుస్తుందేమో అనుకున్నారంతా. అనూహ్యంగా రెండో వారం అందరితో కలిసి పల్లవి ప్రశాంత్ ని టార్గెట్ చేసింది. హౌస్లోకి వచ్చి నువ్వు ఏం పీకావ్ అంటూ ఫైర్ అయ్యింది. 

రాహుల్ సిప్లిగంజ్ తో ప్రేమ వ్యవహారం తెరపైకి తెచ్చింది. తన పీఆర్ లు రాహుల్ తో రతిక రోజ్ సన్నిహితంగా ఉన్న ఫోటోలు బయటపెట్టారు. దీనిపై రాహుల్ మండిపడ్డాడు. ఒకరిని వాడుకుని ప్రయోజనం పొందాలని చూస్తుందంటూ పరోక్షంగా చురకలు అంటించాడు. 

రతికతో పల్లవి ప్రశాంత్ ఆమెతో డిస్టెన్స్ మైంటైన్ చేశాడు. అనంతరం యావర్ ని లైన్లో పెట్టింది. ఆమెలోని డిఫరెంట్ షేడ్స్ చూసిన ఆడియన్స్ 4వ వారమే ఇంటికి పంపేశారు. అనూహ్యంగా ఆమెకు సెకండ్ ఛాన్స్ వచ్చింది. ఆమె సెకండ్ ఇన్నింగ్స్ కూడా గొప్పగా సాగలేదు. 

12వ వారం రతిక రోజ్ ఎలిమినేట్ అయ్యింది. బయటకు వచ్చాక రతిక రోజ్ పెద్దగా కనిపించలేదు. కొన్నాళ్ళు మాత్రం గోవాలో ఎంజాయ్ చేసింది. సడన్ గా బిగ్ బాస్ రన్నర్ అమర్ దీప్ తో కనిపించింది. అతని గురించి ఆసక్తికర కామెంట్స్ చేసింది. 

కొన్నిసార్లు కొందరు ఫ్రెండ్స్ చాలా విలువైనవారు. మా జర్నీ మొదలైంది. మరిన్ని తీరాలు చేరాలి అంటూ రాసుకొచ్చింది. పెళ్ళైన అమర్ దీప్ గురించి రతిక రోజ్ చేసిన కామెంట్స్ వైరల్ అవుతున్నాయి. అమ్మడు బుద్ది అంత మంచిది కాదు, అమర్ జాగ్రత్తగా ఉండాలని కొందరు సలహా ఇస్తున్నారు.