Bigg Boss Telugu 6: ఈసారి బిగ్ బాస్ విన్నర్ ఎంత గెలుచుకుంటాడో తెలుసా..? ఆ యాభై లక్షలతో పాటు!

వరల్డ్ బిగ్గెస్ట్ రియాలిటీ షోగా ఉంది బిగ్ బాస్. బుల్లితెర ప్రేక్షకుల హాట్ ఫేవరేట్ షో అయిన బిగ్ బాస్ కి చాలా ప్రత్యేకతలు ఉన్నాయి. నాలుగు గోడల మధ్య కంటెస్టెంట్స్ మానసికంగా, శారీరకంగా శ్రమించాల్సి ఉంటుంది. కోపం, ఏడుపు, నిస్సహాయతను ఎదుర్కోవాలి. అవమానాలు, విమర్శలు చాలా కామన్. వందకు పైగా దినాలు బాహ్యప్రపంచానికి, అయినవారికి, ఆప్తులకు దూరంగా బ్రతకడం అంత సులభమేమీ కాదు. 
 

ఫైనల్ వరకు ఉన్న కంటెస్టెంట్స్ సామాన్యులు కారు. అక్కడకు రావాలంటే శ్రమ, పట్టుదల, ప్రణాళిక, వ్యూహం కావాలి. వాటితో ఆడియన్స్ ని ఆకట్టుకోవాలి. బిగ్ బాస్ షో ఇంత క్లిష్టమైంది కాబట్టే విన్నర్ కి పెద్ద మొత్తంలో ముట్ట చెబుతారు. 
 

ఇక బిగ్ బాస్ తెలుగు 6 మరో వారం రోజుల్లో ముగియనుంది. వచ్చే ఆదివారం అనగా డిసెంబర్ 18న గ్రాండ్ ఫినాలే జరగనుంది. హోస్ట్ నాగార్జునతో పాటు స్పెషల్ గెస్ట్ విన్నర్ ని ప్రకటించనున్నారు. ప్రస్తుతం హౌస్లో రేవంత్, రోహిత్, ఆదిరెడ్డి, శ్రీహాన్, ఇనయా, శ్రీసత్య, కీర్తి ఉన్నారు. 
 

రేవంత్, శ్రీహాన్, కీర్తి ఫైనల్ కి చేరారు. మిగిలిన నలుగురు కంటెస్టెంట్స్ లో ఒకరు ఎలిమినేట్ కానున్నారు. ఈసారి ఆరుగురు సభ్యులు ఫైనల్ కి వెళ్లనున్నారని తెలుస్తుంది. ఇనయా ఎలిమినేట్ అయినట్లు సమాచారం అందుతుంది. 
 

మరి బిగ్ బాస్ సీజన్ 6 విన్నర్ ఎంత గెలుచుకోనున్నాడనేది చూద్దాం... అధికారికంగా బిగ్ బాస్ షో ప్రైజ్ మనీ రూ. 50 లక్షలు. ఇది విన్నర్ సొంతం అవుతుంది. దీంతో పాటు మరో రెండు విలువైన బహుమతులు విజేతకు దక్కుతాయి. సువర్ణభూమి ఇన్ఫ్రా తరఫునుండి ఒక ఫ్లాట్ లభిస్తుంది. దీని విలువ రూ. 25 లక్షలు. అలాగే మారుతి సుజుకి బ్రీజా కార్ గెలుచుకుంటాడు. 
 

ప్రైజ్ మనీ యాభై లక్షలకు ఈ రెండు బహుమతులు కలిపితే విన్నర్ దాదాపు రూ. 85 లక్షల విలువైన ప్రైజెస్ గెలుచుకున్నట్లు అవుతుంది. ఇంత భారీ మొత్తం అందుకునే ఆ లక్కీ ఫెలో ఎవరో చూడాలి. కాగా శివ బాలాజీ, కౌశల్, రాహుల్ సిప్లిగంజ్, అభిజీత్, సన్నీ గత సీజన్స్ విన్నర్స్ గా ఉన్నారు.