Bigg Boss Telugu 6: గీతూ, ఆదిరెడ్డి, నేహా చౌదరి సేఫ్... అనూహ్యంగా డేంజర్ జోన్ లోకి  వెళ్లిన టాప్ కంటెస్టెంట్స్

రెండో రోజు బిగ్ బాస్ హౌస్లో కొన్ని ఆసక్తికర పరిణామాలు చోటు చేసుకున్నాయి. 21 మంది కంటెస్టెంట్స్ నుండి ముగ్గురు కంటెస్టెంట్స్ సేవ్ కాగా.. ముగ్గురు కంటెస్టెంట్స్ నేరుగా ఎలిమినేషన్ కి నామినేట్ అయ్యారు.   

Bigg boss telugu 6

నామినేషన్స్ ప్రక్రియలో భాగంగా బిగ్ బాస్ క్లాస్-మాస్-ట్రాష్ అనే టాస్క్ నిర్వహించాడు. ఈ టాస్క్ లో భాగంగా నేడు కొందరు కంటెస్టెంట్స్ ముఖాముఖీ పోటీకి దిగారు.స్లైడ్ జరా స్లైడ్ జరా టాస్క్ లో సింగర్ రేవంత్ తో అభినయశ్రీ తలపడింది. ఇద్దరూ గెలవడానికి చాలా కష్టపడ్డారు. అయితే రేవంత్ చేతిలో అభినయశ్రీ ఓడిపోయారు. 

అనంతరం రోల్ బేబీ రోల్ టాస్క్ నిర్వహించారు. సభ్యులు చర్చించుకున్న తర్వాత నేహా చౌదరి, ఇనయా సుల్తానా ఒకరితో మరొకరు తలపడ్డారు. పాచికలను పోలిన బాక్సులను నిర్ణీత ప్రదేశంలో పెట్టాల్సి ఉండగా... ఈ టాస్క్ లో నేహా చౌదరి గెలిచారు. ఓడిపోయిన ఇనయ కొంత అసహనం కనబరిచారు. నాకు ఈ గేమ్ లో ఎలాంటి మద్దతు లభించలేదని అన్నారు. ఆమెకు ఆదిరెడ్డి నచ్చజెప్పే ప్రయత్నం చేశాడు. రేవంత్ కలుగజేసుకొని... గెలుపు మన సత్తాపై ఆధారపడి ఉంటుంది. ఇతరుల సప్పోర్ట్ పై కాదన్నాడు. ఇనయ తన కామెంట్స్ వెనక్కి తీసుకుంటాను అన్నారు. 

దీంతో క్లాస్-మాస్-ట్రాష్ టాస్క్ ముగిసినట్లు బిగ్ బాస్ ప్రకటించాడు. టాస్క్ పూర్తయ్యే సమయానికి క్లాస్ లో ఉన్న గీతూ, ఆదిరెడ్డి, నేహా చౌదరి ఎలిమినేషన్ నుండి సేవ్ అయినట్లు వెల్లడించాడు. ఇక ట్రాష్ లో మిగిలిన అభినయశ్రీ, బాల ఆదిత్య, ఇనయ ఎలిమినేషన్ కి నేరుగా నామినేట్ అయినట్లు ప్రకటించారు. 

ఎలిమినేషన్ నుండి తప్పించుకున్నందుకు ఆ ముగ్గురు ఆనందం వ్యక్తం చేశారు.గీతూ, ఆదిరెడ్డి, నేహా చౌదరి  ఓ చోట చేరి ముచ్చటించారు. నిజానికి కష్టపడి ఎలిమినేషన్ నుండి తప్పుకుంది ఒక్క నేహా మాత్రమే, మనం ఇద్దరం ఏం చేయకుండానే సేవ్ అయ్యామని గీతూ అదిరెడ్డిని ఉద్దేశించి అంది. నామినేటైన వాళ్లు అభినయశ్రీ, ఇనయ ముఖంలో కొంత టెన్షన్ కనిపించింది. బాల ఆదిత్య కూల్ గా ఉన్నాడు. 

ఇక టాస్క్స్, ఎలిమినేషన్స్ గురించి మారిన భర్త రోహిత్ తో ఏదో సీరియస్ గా చెబుతుంది. అప్పుడు రోహిత్ అద్దంలో బాడీ చూసుకుంటూ వింటున్నాడు. అది మారిన కు నచ్చలేదు. నేను చెప్పేదైనా విను లేదంటే బాడీ అయినా చూసుకో అంటూ విసుక్కుంది. ఓకే ఇప్పుడు చెప్పని అడగ్గా.. నేను చెప్పనంది. ప్రతి చిన్న విషయానికి ఓవర్ చేయకు, నేను వింటున్నా కదా అన్నాడు. అలా నాకు ఇష్టం ఉండదని మారిన అక్కడి నుండి వెళ్ళిపోయింది. ఇద్దరి మధ్య చిన్న గొడవ జరిగింది.

బిగ్ బాస్ ఎపిసోడ్ 3 ఇలాంటి ఆసక్తికర విషయాలతో ముగిసింది. హౌస్ లో మొత్తం 21 మంది కంటెస్టెంట్స్ ఉండగా కొందరు సేవ్ అయ్యారు. కొందరు డేంజర్ జోన్ లోకి వెళ్లారు. వారిలో ఒకరు వచ్చే వారం ఎలిమినేట్ కానున్నారు. ఫస్ట్ వీక్ ఇంటిని వీడడం చాలా బ్యాడ్ లక్ అనుకోవాలి. మరి ఆ అన్ లక్కీ కంటెస్టెంట్ ఎవరో చూడాలి.