అది నా బ్యాడ్ టైమ్.. ఆ మూవీ రవితేజకి సెట్ కాలేదు, నేను చేసుంటే స్టార్ హీరో అయ్యేవాడిని.. శివాజీ కామెంట్స్

టాలీవుడ్ లో హీరోగా, క్యారెక్టర్ ఆర్టిస్ట్ గా రాణించిన శివాజీ ఇటీవల బిగ్ బాస్ సీజన్ 7లో అలరించాడు. టాప్ 3 గా నిలిచి తృటిలో టైటిల్ మిస్సయ్యాడు. బిగ్ బాస్ హౌస్ లోపల శివాజీ తనకంటూ ఒక గ్యాంగ్ మైంటైన్ చేశాడు. అమర్ దీప్, శోభా శెట్టి, ప్రియాంక ఇలా టివి సెలెబ్రిటీలు ఒక గ్రూప్ గా ఉంది గేమ్ ఆడుతుండడంతో శివాజీ వాళ్ళని ఎదుర్కొనేందుకు తాను కూడా గ్రూప్ ఫామ్ చేశాడు. 

శివాజీ, పల్లవి ప్రశాంత్, యావర్ వీళ్ళు ముగ్గురూ హౌస్ లో ఒక బ్యాచ్ లాగా కలసి మెలసి ఉన్నారు. శివాజీ పల్లవి ప్రశాంత్ కి మంచి సపోర్ట్ ఇచ్చిన సంగతి తెలిసిందే. పల్లవి ప్రశాంత్ బిగ్ బాస్ 7 విజేతగా నిలిచాడు. ఇదిలా ఉండగా రీసెంట్ ఇంటర్వ్యూలో శివాజీ మాట్లాడుతూ తన ఫిలిం కెరీర్ గురించి అనేక ఆసక్తికర విషయాలు వివరించారు. 

తాను  క్యారెక్టర్ ఆర్టిస్ట్ గా చేసినా, హీరోలకి డబ్బింగ్ చెప్పినా ఆ చిత్రాలన్నీ దాదాపుగా విజయం సాధించాయి అని శివాజీ అన్నారు. కానీ హీరోగా తాను మరో స్థాయికి వెళ్లలేకపోయానని అన్నారు. నాకు మిస్సమ్మ లాంటి హిట్స్ వచ్చాక నా ఆటోగ్రాఫ్ చిత్రంలో నటించే ఛాన్స్ వచ్చింది. కానీ అది నా బబ్యాడ్ టైం అనుకుంటా. ఆ మూవీ రవితేజ చేతుల్లోకి వెళ్ళింది. 

నా ఇమేజ్ కి కరెక్ట్ గా ఉండే సినిమా అది. రవితేజ కి అంతగా సెట్ కాలేదు. ఎందుకంటే రవితేజ అప్పటికే మాస్ హీరోగా ఉన్నారు. ఆ సినిమా నా చేజారినందుకు ఎప్పుడూ బాధపడుతుంటా. అదేవిధంగా జెనీలియా, రాజా నటించిన మిస్టర్ మేధావి చిత్రం కూడా నేను చేయాల్సిన కథే. 

కానీ చివరి నిమిషంలో ఆ మూవీ రాజాకి వెళ్ళింది. ఆ సినిమా నేను చేసి ఉంటే ఈ రోజు స్టార్ హీరోగా ఉండేవాడిని. అంత అద్భుతమైన కథ అది. కానీ రాజాని హీరోగా ఎంచుకున్న తర్వాత స్క్రిప్ట్ లో చాలా మార్పులు చేశారు. కథ కూడా మార్చారు. అందువల్ల ఆ మూవీ ఆడలేదు అని శివాజీ అన్నారు. 

నేను నితిన్, ఉదయ్ కిరణ్ లాంటి హీరోలందరికీ డబ్బింగ్ చెప్పా. చివరకి ఎంపీ మార్గని భరత్ నటించిన చిత్రానికి కూడా డబ్బింగ్ నేనే చెప్పా అని శివాజీ అన్నారు. పవన్ కళ్యాణ్ గారితో ఖుషి చిత్రం చేశా. అది బ్లాక్ బస్టర్. అలాగే జల్సాలో కూడా నటించా. అది కూడా హిట్. నేను కొన్ని చిత్ర పాత్రలు చేయడం కూడా నా కెరీర్ కి మైనస్ ఏమో అని శివాజీ అన్నారు.