తెలంగాణ రాజకీయాల్లోకి పల్లవి ప్రశాంత్, నేరుగా క్లారిటీ ఇచ్చేసిన రైతుబిడ్డ! ఏ పార్టీకి మద్దతు?

సార్వత్రిక ఎన్నికలకు రోజుల సమయం మాత్రమే ఉంది. ఈ క్రమంలో తన పొలిటికల్ ఎంట్రీ పై క్లారిటీ ఇచ్చాడు బిగ్ బాస్ టైటిల్ విన్నర్ పల్లవి ప్రశాంత్. యువత మేలుకోవాలి అంటూ కీలక వ్యాఖ్యలు చేశాడు.  

పల్లవి ప్రశాంత్ అలియాస్ రైతుబిడ్డ అంటే తెలియనవారుండరు . బిగ్ బాస్ తెలుగు 7తో వెలుగులోకి వచ్చాడు. బిగ్ బాస్ షోకి రాకముందు పల్లవి ప్రశాంత్ కేవలం సోషల్ మీడియా జనాలకు మాత్రమే తెలుసు. ఏకంగా టైటిల్ కొల్లగొట్టి సంచలనానికి తెరలేపాడు. 

పల్లవి ప్రశాంత్ తన ఆటతీరుతో విపరీతంగా అభిమానులను పెంచుకున్నాడు. హౌస్లో ఒదిగి ఉండే పల్లవి ప్రశాంత్ నామినేషన్స్ టైం లో ఫైర్ అయ్యేవాడు. ఇక టాస్క్ లలో చిరుత వేగం ప్రదర్శించేవాడు. ఫిజికల్ టాస్క్ లలో పల్లవి ప్రశాంత్ ని గెలవడం అంత ఈజీ కాదు. 

Pallavi Prashanth

పల్లవి ప్రశాంత్ విజయంలో శివాజీ, ప్రిన్స్ యావర్ సపోర్ట్ ఎంతగానో ఉంది. ముఖ్యంగా శివాజీ అతనికి గురువుగా వ్యవహరించాడు. శివాజీ, పల్లవి ప్రశాంత్, ప్రిన్స్ యావర్ ఒక గ్రూప్. వీరికి స్పై బ్యాచ్ అంటారు. ఇక షో ముగిశాక కూడా పల్లవి ప్రశాంత్, శివాజీ, యావర్ తరచుగా కలుస్తున్నారు. 

ప్రిన్స్ యావర్ నటించిన ఓ సినిమా ప్రమోషనల్ ఈవెంట్ లో శివాజీ, పల్లవి ప్రశాంత్ పాల్గొన్నారు. ఈ సందర్భంగా పల్లవి ప్రశాంత్ పొలిటికల్ ఎంట్రీ పై క్లారిటీ ఇచ్చాడు. పరోక్షంగా రాజకీయాల్లోకి వస్తానని చెప్పేశాడు. 

మీ అందరి సపోర్ట్ వలనే బిగ్ బాస్ టైటిల్ గెలిచాను. మీ సహకారం ఉంటే ఇకపై జీవితంలో కూడా ఏదైనా గెలుస్తాను అని పల్లవి ప్రశాంత్ అన్నాడు. పక్కనే ఉన్న శివాజీ మైక్ తీసుకుని ... తలచుకుంటే వీడు పార్లమెంట్ కి కూడా పోతాడు, అన్నాడు. 

Pallavi Prashanth Arrest

దానికి సమాధానంగా.. బిగ్ బాస్ షోలో మాదిరి రాజకీయాల్లో సపోర్ట్ చేస్తే పార్లమెంట్ కి వెళతాను. యువత మేల్కొనాలి. యువత ముందుకు రావాలి. అప్పుడే సమాజం బాగుపడుతుందని పల్లవి ప్రశాంత్ అన్నాడు. పల్లవి ప్రశాంత్ మాటలు పరిశీలిస్తే జనాలు సపోర్ట్ చేస్తానంటే రాజకీయాల్లోకి రావడానికి సిద్ధం అని చెప్పకనే చెప్పాడు. 

త్వరలో తెలంగాణాలో పార్లమెంట్ ఎన్నికలు జరగనున్నాయి. ఒకవేళ పల్లవి ప్రశాంత్ రాజకీయాల్లోకి వస్తే ఏ పార్టీకి మద్దతు ఇస్తాడు? అనే చర్చ మొదలైంది. బర్రెలక్క వంటి అతిసామాన్యులు రాజకీయాల్లోకి వచ్చినప్పుడు భారీ ఫాలోయింగ్ ఉన్న పల్లవి ప్రశాంత్ రావడంలో తప్పేముందనే మాట వినిపిస్తోంది...