బిగ్‌ బాస్‌ హౌజ్‌లో బిగ్‌ ట్విస్ట్.. ఎలిమినేట్‌ అయిన కంటెస్టెంట్లు రీఎంట్రీ, ఎందుకంటే?

బిగ్‌ బాస్‌ తెలుగు 8లో మరో ట్విస్ట్ చోటు చేసుకోబోతుంది. ఈ సారి మరో సర్‌ప్రైజ్‌ ఇవ్వబోతున్నారు బిగ్‌ బాస్‌. ఇప్పటికే ఎలిమినేట్‌ అయిన కంటెస్టెంట్లు రీఎంట్రీ ఇవ్వబోతున్నారట.   

బిగ్‌ బాస్‌ తెలుగు 8 విజయవంతంగా పదకొండు వారాలు పూర్తి అయ్యాయి. ఈ ఆదివారం ఎపిసోడ్‌లో ఈ వారం ఎవరు ఎలిమినేట్‌ కాబోతున్నారనేది తేలనుంది. ఇదిలా ఉంటే ఈ సీజన్‌ బిగ్‌ బాస్‌ అంతా ట్విస్ట్ లు, టర్న్ లు తీసుకుంటున్న విషయం తెలిసిందే. ఈ సారి మరో ట్విస్ట్ ఇవ్వబోతున్నారు. ఇప్పటికే ఎలిమినేట్‌ అయిన కంటెస్టెంట్లని మరోసారి హౌజ్‌లోకి తీసుకురాబోతున్నారట. 

ఈ సారి బిగ్‌ బాస్‌ తెలుగు 8 సీజన్‌కి సంబంధించి పెద్దగా ఆదరణ లేదనే కామెంట్‌ వినిపిస్తుంది. ఆసక్తికరంగా లేదని, చాలా సప్పగా సాగుతుందని, నామినేషన్‌లో తిట్టుకోవడం తప్పితే ఆ తర్వాత అంత కిక్‌ ఇవ్వడం లేదనే కామెంట్‌ ఉంది. ఓ రకంగా నెగటివ్‌ కామెంట్స్ ఎక్కువగా వినిపిస్తుంది. ఇప్పటికే హౌజ్‌లోకి వెళ్లి వచ్చిన వాళ్లు, మాజీ కంటెస్టెంట్లు సైతం అసంతృప్తి వ్యక్తం చేస్తున్నారు. 

ఈ నేపథ్యంలో షోపై ఆసక్తిని పెంచే ప్రయత్నం చేస్తుంది టీమ్‌. ఈ మేరకు ఇప్పటికే ఎలిమినేట్‌ అయిన కంటెస్టెంట్లని మరోసారి హౌజ్‌లోకి తీసుకురాబోతుంది. అయితే అది వైల్డ్ కార్డ్ ద్వారా కాదు. కేవలం నామినేషన్‌కే పరిమితం చేస్తుంది. నామినేషన్‌ ప్రక్రియని ఈ సారి కొత్తగా చేయాలని ట్రై చేస్తున్నారు. నామినేషన్‌ని మాజీ కంటెస్టెంట్ల చేత చేయించబోతున్నారు. వారే నామినేట్‌ చేయబోతున్నారట. అందుకోసం ఇప్పటికే ఎలిమినేట్‌ అయిన సోనియా, మెహబూబ్‌, నయని పావని, హరితేజ, శేఖర్‌ బాషా, ఆదిత్య ఓం, నాగ మణికంఠ, కిర్రాక్‌ సీత, నైనిక వంటి వారంతా మళ్లీ రాబోతున్నారట. 

photo-star maa big boss telugu 8 promo

ఇప్పటి వరకు హౌజ్‌ మేట్స్ ఇతర కంటెస్టెంట్లలో ఎవరు హౌజ్‌లో ఉండటానికి అనర్హులో చెబుతుంటారు. అందుకు కారణాలు చెబుతారు. ఎక్కువ ఓట్లు పడ్డవాళ్లు నామినేట్‌ అవుతారు. అయితే ఈ సారి హౌజ్‌ని వీడిన కంటెస్టెంట్లు మళ్లీ హౌజ్‌లోకి వచ్చి నామినేట్‌ చేస్తారట. వాళ్ల ఆట తీరుని చెప్పబోతున్నారని, ఎందుకు ఎలిమినేట్‌ కావాలో చెప్పనున్నారట. ఇదొక కొత్త ప్రయోగం చేయబోతున్నారని తెలుస్తుంది. సోమవారం ఎపిసోడ్‌లో ఇది జరగబోతుందని సమాచారం. మరి ఇందులో నిజం ఎంత అనేది తెలియాల్సి ఉంది. 

 ఈ వారం నామినేషన్‌లో యష్మి, గౌతమ్‌, పృథ్వీరాజ్‌, తేజ, అవినాష్‌, విష్ణు ప్రియా ఉన్నారు. వీరిలో ఇప్పటికే పృథ్వీరాజ్‌, గౌతమ్‌ సేవ్‌ అయ్యారు. ప్రస్తుతం నామినేషన్‌లో యష్మి, విష్ణు ప్రియా, తేజ, అవినాష్‌ ఉన్నారు. వీరిలో ఎవరు ఎలిమినేట్‌ కాబోతున్నారనేది ఆసక్తికరంగా మారింది. అవినాష్‌, తేజలలో ఒకరు ఎలిమినేట్‌ కాబోతున్నారని సమాచారం.