Shekar Basha: శేఖర్ బాషాపై భారీ కుట్ర.. దుమారం రేపుతున్న ఆడియో రికార్డ్
Shekar Basha: బిగ్ బాస్ ఫేమ్ శేఖర్ బాషాపై పెద్ద కుట్ర జరిగింది. ఆ కుట్ర చేస్తున్న ఆడియో రికార్డు బయటకు వచ్చింది. ఆ వీడియో లింక్ ఇక్కడ చూండిండి. Link:ఆర్టీవీ టెలికాస్ట్ చేసిన వీడియో లింక్. ఈ ఆడియో రికార్డు ప్రకారం ఏం జరిగిందనేది చూస్తే.
Shekar Basha
Shekar Basha: బిగ్ బాస్ షో ద్వారా బాగా గుర్తింపు తెచ్చుకున్నాడు శేఖర్ బాషా. బిగ్ బాస్ తెలుగు 8 లో ఆయన కంటెస్టెంట్గా పాల్గొన్న విషయం తెలిసిందే. అంతకు ఆర్జేగా కెరీర్ స్టార్ట్ చేసిన ఆయన రాజ్ తరుణ్, లావణ్య వివాదంలో వైరల్గా మారారు. ఆయన రాజ్ తరుణ్ వైపు నిలిచిన విషయం తెలిసిందే. లావణ్యతో కలిసి టీవీ డిబేట్లో కూడా పాల్గొని హంగామా చేశారు. ఆయన్ని లావణ్య లైవ్లో కూడా కొట్టే ప్రయత్నం చేసింది.
రాజ్ తరుణ్ తనని మోసం చేశాడని లావణ్య ఆరోపిస్తుంది. తనని పెళ్లి చేసుకుని మోసం చేశాడని ఆరోపిస్తూ కేసులు కూడా పెట్టింది. వీరి కేసు కోర్ట్ లో ఉంది. తాను ఎలాంటి తప్పు చేయలేదని రాజ తరుణ్ అంటున్నారు. అయితే ఇటీవల యూట్యూబర్ మస్తాన్ సాయిపై కేసు నమోదు చేసింది లావణ్య. తనని వేధించాడని, అత్యాచారానికి పాల్పడ్డాడని ఆరోపించింది. అదే సమయంలో నగ్న వీడియోల లీకేజ్ కేసులో మస్తాన్ సాయిని పోలీసులు అరెస్ట్ చేశారు.
ఈ వివాదం హాట్ టాపిక్గా మారిన నేపథ్యంలో ఇప్పుడు ఒక ఆడియో టేపు దుమారం రేపుతుంది. శేఖర్ బాషాని చంపేసేందుకు జరిగిన కుట్ర బయటకు వచ్చింది. లావణ్య స్నేహితురాలు పడాల లక్ష్మి ఈ కుట్ర చేస్తున్న ఆడియో రికార్డులు ఇప్పుడు దుమారం రేపుతుంది. ఈ ఆడియో రికార్డులో శేఖర్ బాషా వేసేద్దామంటూ పడాల లక్ష్మి. చింటు అనే అతనితో ఫోన్లో మాట్లాడుతున్న ఆడియో రికార్డు బయటకు వచ్చింది.
శేఖర్ బాషాని 24 గంటలు రిక్కీ నిర్వహిస్తే దొరికిపోతాడని, ఆయన ఎక్కువగా సమాధివద్దకు వెళ్తుంటాడని, అక్కడే అతన్ని కొట్టి కొట్టి కొట్టి పడేయాలని, కొట్టి వదిలేసే మనపై రివేంజ్ తీర్చుకుంటాడని, లేపేస్తే ఏ గొడవ ఉండదని, మన చేతికి మట్టి అంటకుండా ప్లాన్ చేయాలని, కట్టె విరగొద్దు, పాము చావాలి, అలా ప్లాన్ చేయాలని తెలిపింది.
అదే ఇలాకాలో వాళ్ల అన్నయ్య నిన్ను ఇలా చంపుతా, అలా చంపుతా అనే రికార్డు ఉంది. మనం చేసి వాళ్లపైకి తోసేద్దాం. శేఖర్ బాషాని కొట్టారనేది అన్విక మీదకు వెళ్తుందని, అతన్ని కొట్టించండి, నేను కూడా వ్యభిచారం కేసు పెడతాను అని చెప్పింది లక్ష్మి.
కొట్టించి చంపేశాక ఓ వ్యక్తిని ముందు పెట్టి తానే కొట్టించాను, అతను నా చెల్లిని చంపేశాడు, ఆమెపేరే మౌనికా అని చెప్పిందామని పడాల లక్ష్మి చింటుకి చెప్పడం గమనార్హం. ఈ కేసులో మహా అయితే ఎఫ్ఐఆర్ అవుతుంది. అరెస్ట్ కాకుండా తప్పించుకుంటాం. ఆ కేసుని విచారించే ఎస్ఐ, సీఐని తాను మ్యానేజ్ చేస్తానని, ఆయనతో తాను మాట్లాడతానని తెలిపింది లక్ష్మి.
ఇదంతా ఈజీ కాదు, తాను కొట్టి చంపడానికి నేనేమైనా హీరోనా, సూపర్ మ్యాన్నా అంటూ, తన వల్ల కాదని చెప్పాడు చింటు. అయితే తాను కొట్టించి క్లోజ్ చేస్తాను, నాకు బడ్జెట్ ఇప్పిస్తారా అంటూ అడిగింది పడాల లక్ష్మి. వాన్ని కొట్టే కొట్టుడికి విజ్ఞాన్ గాడు, దాసరిగాడు రివర్స్ చెప్పేలా చేస్తామని చెప్పింది.
ఇక చివరగా లక్ష్మి మనం ఏదైనా చేయాలనుకుంటే ఎవరితోనూ చెప్పొద్దు, నేను ఎవరితోనూ చెప్పను అని అనడం గమనార్హం. ప్రస్తుతం ఈ ఆడియో నెట్టింట దుమారం రేపుతుంది.
Note: `ఆర్టీవీ` దీన్ని టెలికాస్ట్ చేసింది. ఈ వార్తని ఏషియా నెట్ ధృవీకరించడం లేదు.