Bhanu Chander: బ్లూ ఫిల్మ్ కేసులో భానుచందర్ ను ఇరికించాలని చూస్తే.. కాపాడిన హీరో ఎవరో తెలుసా?

Bhanu Chander: భాను చందర్ తెలుగు,తమిళ భాషల్లో క్లాసిక్ హీరోగా మంచి పేరు సంపాదించుకున్నాడు. కెరీర్ లో ఎన్నో ఒడిదుడుకులు చూసిన భాను చందర్ ను ఓ కేసులో ఇరికించాలని చూస్తే.. కాపాడిన మరో హీరో ఎవరో తెలుసా?

Image Credit : Pinterest

క్లాసిక్ హీరోగా భానుచందర్ కు మంచి గుర్తింపు..

సీనియర్ నటుడు భానుచందర్ తెలుగు, తమిళ సినీ పరిశ్రమల్లో తనకంటూ ప్రత్యేక గుర్తింపు సంపాదించుకున్నారు. హీరోగా, క్యారెక్టర్ ఆర్టిస్ట్‌గా ఎన్నో చిత్రాల్లో నటించి ప్రేక్షకుల అభిమానాన్ని పొందారు. అయితే ఆయన జీవితంలో ఒకసారి జరిగిన సంఘటన అప్పట్లో సినీ వర్గాల్లో చర్చనీయాంశంగా మారింది. ఆ ఘటనలో ఓ ప్రముఖ హీరో చేసిన సహాయం వల్ల భానుచందర్ పెద్ద సమస్య నుంచి బయటపడ్డారు. జైలుకు వెళ్లకుండా తనను కాపాడిన ఆ హీరో ఎవరో ఎవరో కాదు సుమన్.

Image Credit : Asianet News

భాను చందర్ ను జైలుకు వెళ్లకుండా కాపాడిన హీరో..

భాను చందర్ కు ఫిల్మ్ ఇండస్ట్రీలో ఓ ప్రాణ స్నేహితుడు ఉన్నాడు. ఆయన మరెవరో కాదు హీరో సుమన్. టాలీవుడ్ కు సుమన్ ను పరిచయం చేసింది భానుచందరే. వీరి స్నేహం చాలా స్ట్రాంగ్. ఎన్ని సమస్యలు వచ్చినా..ఎంత మంది ఎన్ని అన్నా.. ఈ ఇద్దరు మాత్రం ఒక్క మాటమీదఉంటుంటారు. ఓ సారి సుమన్ ఓ పెద్ద కేసులో ఇరుక్కున్న సంగతి తెలిసిందే. బ్లూ ఫిల్మ్స్ ఆరోపణలతో సుమన్ పై పెద్ద పెద్ద కేసులు పెట్టి జైలుకు పంపడంతో పాటు భాను చందర్ ను కూడా ఈ కేసులో ఇరికించాలని చూశారట. కానీ తెలివిగా భాను చందర్ కు ఈ ఇబ్బందులు ఎదురు కాకుండా సుమన్ కాపాడినట్టు ఇద్దరు హీరోలు పలు ఇంటర్వ్యూలలో వెల్లడించారు.

Image Credit : Asianet News

స్నేహితుడి చేతిలో మోసపోయిన సుమన్..

తెలుగులో హీరోగా మంచి ఫామ్ లో ఉండగా.. సుమన్ కెరీర్ లో ఒక్క సారిగా కుదుపు వచ్చింది. సుమన్‌పై కేసు నమోదు కావడం, అనంతరం జైలుకు వెళ్లడం ఆయన ఫిల్మ్ కెరీర్ పై తీవ్ర ప్రభావం చూపింది. ఈ వ్యవహారం తర్వాత ఆయన సినిమా జీవితం గట్టిగా దెబ్బతింది. తరువాత కాలంలో హీరోగా చాలా సినిమాలు వెనక్కి వెళ్లిపోయాయి. ఆ సినిమాలు చేసి ఉంటే.. ఆయన టైర్ 1 హీరోల లిస్ట్ లోకి వచ్చేవాడని అంటుంటారు. బ్లూ ఫిల్మ్ ఆరోపణలతో పాటు ఆయనపై గుండా యాక్ట్ కూడా పెట్టినట్టు తెలుస్తోంది. ఈ విషయంలో ఓ టాలీవుడ్ స్టార్ హీరో పేరువినిపించగా.. అందులో నిజం లేదని.. ఇదంతా తన స్నేహితుడు దివాకర్ చేసిన పని అని.. అతని చేతిలో తానుమోసపోయానని సుమన్ పలు ఇంటర్వ్యూలలో వెల్లడించారు.

Image Credit : ETV

భాను చందర్ ను కాపాడిన సుమన్..

అయితే ఈ కేసులో సుమన్ కు ప్రాణ స్నేహితుడైన భానుచందర్ ను కూడా ఇరికించాలని ప్రయత్నాలు జరిగాయట. అయితే వాటిని ముందుగానే గుర్తించిన సుమన్ భానుచందర్ ను కాపాడాలని ప్రయత్నించారట. ఎప్పుడైతే తనపై ఈ కేసులు పెట్టారో.. అప్పటినుంచి కొన్నినెలలు పాటు తనకు ఫోన్ చేయొద్దని, తనతో మాట్లాడొద్దని భానుచందర్ స్ట్రిక్ట్ గా వార్నింగ్ ఇచ్చాడటన సుమన్. ఈ విషయాన్ని భాను చందర్ ఓ ఇంటర్వ్యూలో క్లియర్ గా చెప్పారు. తాను జైలుకు వెళ్లకుండా సుమన్ కాపాడాని భాను చందర్ అన్నారు.

Image Credit : our own

సుమన్ స్నేహానికి భానుచందర్ ఫిదా..

భాను చందర్ ఈమధ్య కాలంలో ఇచ్చిన ఓ ఇంటర్వ్యూలో.. సుమన్ గురించి చాలా గొప్పగా చెప్పారు. సుమన్ నా స్నేహితుడు కావడం అదృష్టం. మా బంధం చాలా బలమైనది. ఎప్పుడు నా మంచి కోరకుంటుంటాడు. ఓ సారి నేను కార్ లో వెళ్తుంటే.. సడెన్ గా ఓ కారు స్పీడ్ గా వచ్చి నా కారు ముందు ఆగింది. నేను వెంటనే వెళ్లి ఎవడ్రా నువ్వు.. అంటూ కోపంగా బయటకు వచ్చాను . కారులోంచి సుమన్ బయటు దిగాడు. ఏంట్రా ఇది.. ఈ స్పీడ్ ఏంటి.. ఏమైపోతావు అంటూ అరిచాను. అప్పుడు వెంటనే వాడు నాతో ఓ మాట అన్నాడు. 

నేను కొన్ని ఫేక్ కేసుల్లో ఇరుక్కున్నాను. అందులో నిన్ను కూడా ఇరికించే ప్రమాదం ఉంది. ఇక నుంచి కొన్ని నెలలు నాకు ఫోన్ చేయకు, మాట్లాడుకు, మెసేజ్ చేయకు అని అన్నాడు. అతను ఎంత గొప్ప స్నేహితుడు కాకపోతే ఇలా మాట్లడుతాడు. ఇంకొకరైతే నాఫ్రెండ్ భాను అని చెప్పి కేసులో ఇరికించేవారు. కానీ సుమన్ అలా చేలేదు'' అని భాను చందర్ ఎంతో గొప్పగా చెప్పారు. కానీ సుమన్ ఎం చెప్పినా.. భాను చందర్ మాత్రం బయట ఉండి సుమన్ ను ఎలా రక్షించాలా అని ప్లాన్ చేసేవారట.