ఫేడౌట్‌ అవుతున్న బాలయ్య భామలు.. తెలుగులో ఖాళీ అయిపోయిన ప్రగ్యా, సోనాల్, హనీ రోజ్‌, వేదిక
బాలకృష్ణతో ఇటీవల కలిసి నటించిన హీరోయిన్లు ఇప్పుడు కనుమరుగయ్యారు. తెలుగులో ఈ భామలకు ఆఫర్లు లేకపోవడం గమనార్హం. ఓ రకంగా టాలీవుడ్‌లో వాళ్లు ఫేడౌట్‌ అయిపోతున్నారు.
వరుస విజయాలతో ఉన్న నందమూరి బాలకృష్ణ(Balakrishna) చివరగా `రూలర్‌`, `అఖండ`, `వీరసింహారెడ్డి` చిత్రాలతో వచ్చారు. `రూలర్‌` ఆకట్టుకోలేకపోయింది. యావరేజ్‌ రిజల్ట్ ని తెచ్చుకుంది. ఆ తర్వాత `అఖండ`తో సంచలన విజయాన్ని అందుకున్నారు. బాలయ్య ఈజ్‌ బ్యాక్‌ అనిపించుకున్నారు. ఈ ఏడాది ప్రారంభంలో `వీరసింహారెడ్డి`తో ఆ సక్సెస్‌ పరంపరని కంటిన్యూ చేశారు.
బాలకృష్ణ చివరగా `వీరసింహారెడ్డి`(Veera Simha Reddy) చిత్రంలో నటించారు. ఈ సినిమా పెద్ద విజయం సాధించింది. ఇందులో శృతి హాసన్‌ ఓ కథానాయికగా, మలయాళ బ్యూటీ హనీ రోజ్‌ మరో కథానాయికగా నటించింది. సీనియర్‌ బాలయ్యకి జోడీగా చేసింది. హాట్‌ అందాలతో మంత్రముగ్దుల్ని చేసింది. ఈ సినిమాతో ఒక్కసారిగా పాపులర్‌ అయ్యింది హనీరోల్‌. ఆమె చాలా కాలంగా తెలుగులో రాణించాలని ప్రయత్నించినా గుర్తింపు రాలేదు. కానీ `వీరసింహారెడ్డి`తో ఒక్కసారిగా పాపులర్‌ అయ్యింది.
దీంతో ఇకపై హనీ రోస్‌ (Honey Rose)తెలుగులో బిజీ అవుతుందని, సీనియర్‌ హీరోలకు పర్‌ ఫెక్ట్ జోడీ అవుతుందని భావించారు. కానీ ఇప్పటి వరకు ఈ బ్యూటీకి కొత్తగా మరే తెలుగు సినిమా రాకపోవడం గమనార్హం. టాలీవుడ్‌లో ఇక తిరుగులేదనుకుంటే సీన్‌ రివర్స్ అయ్యింది. కేవలం షాపింగ్‌ మాల్స్ ఓపెనింగ్స్ కి తప్ప సినిమా అవకాశాలను నోచుకోవడం లేదు. ఓ రకంగా ఫేడౌట్‌ పరిస్థితిలో ఉంది.
అంతకు ముందు బాలయ్య `అఖండ` చిత్రంతో బ్లాక్‌ బస్టర్‌ సొంతం చేసుకున్నారు. ఇందులో ప్రగ్యా జైశ్వాల్‌ (Pragya Jaiswal) హీరోయిన్. అంతకు ముందు ఫేడౌట్‌ అవుతుందని భావించిన ఈ బ్యూటీకి పిలిచి ఆఫర్‌ ఇచ్చింది. `అఖండ` సంచలన విజయం సాధించడంతో ఇక ప్రగ్యాజైశ్వాల్కి తిరుగు లేదు అని భావించారు. కానీ సీన్‌ రివర్స్ అయ్యింది. ఒక్క ఆఫర్‌ కూడా రావడం లేదు.
`అఖండ` కంటే ముందు బాలయ్య `రూలర్‌` చిత్రంలో నటించారు. ఇందులో సోనాల్ చౌహాన్‌, వేదిక హీరోయిన్లుగా నటించారు. వేదిక చాలా రోజుల తర్వాత తెలుగులోకి రీ ఎంట్రీ ఇచ్చింది. ఈ చిత్రం మామూలుగానే ఆడింది. పెద్ద సక్సెస్‌ కాలేదు. కానీ వేదిక పాత్రకి మంచి పేరే వచ్చింది. ఇక వేదిక(Vedhika) తెలుగులోనూ బిజీ అవుతుందనుకున్నారు. కానీ ఒక్క ఆఫర్‌ కూడా లేదు. దీంతో కన్నడ, మలయాళ చిత్రాలకే పరిమితమయ్యింది.
ఈ సినిమాలోనే సోనాల చౌహాన్‌(Sonal Chauhan) కూడా నటించింది. బాలయ్యతో వరుసగా సినిమాలు చేసింది. `లెజెండ్‌`, `డిక్టేటర్‌` మూవీస్‌లో హీరోయిన్ గా మెరిసింది. కానీ ఈ బ్యూటీకి కూడా కాలం కలిసి రావడం లేదు. తెలుగులో నాగార్జునతో `ది ఘోస్ట్`, వెంకటేష్‌తో `ఎఫ్‌ 3` చిత్రంలో నటించింది. ఇటీవల `ఆదిపురుష్‌`లోనూ మెరిసింది. మండోదరి పాత్రలో నటించింది. కానీ ఈ బ్యూటీకి కొత్తగా ఆఫర్లు లేవు. దీంతో కేవలం ఫోటో షూట్లకే పరిమితమవుతుందీ సెక్సీ బ్యూటీ.
