- Home
- Entertainment
- Ashu Reddy: పెళ్లి పేరుతో చీటింగ్, నాపై తప్పుడు ప్రచారం చేస్తే కఠిన చర్యలు.. అషు రెడ్డి వార్నింగ్
Ashu Reddy: పెళ్లి పేరుతో చీటింగ్, నాపై తప్పుడు ప్రచారం చేస్తే కఠిన చర్యలు.. అషు రెడ్డి వార్నింగ్
అషురెడ్డి పెళ్లి పేరుతో ఎన్నారైని మోసం చేసిందనే ఆరోపణలు వినిపిస్తున్నాయి. ఆమెపై కేసు కూడా నమోదైంది. దీనితో అషురెడ్డి ఈ వివాదంపై పరోక్షంగా స్పందించారు.
Ashu Reddy
నటి అషురెడ్డికి సంబంధించిన పోస్ట్ లు సోషల్ మీడియాలో తెగ వైరల్ అవుతున్నాయి. ఆమెని విమర్శిస్తూ, ఆరోపిస్తూ నెటిజన్లు పోస్ట్ లు పెడుతున్నారు. ఎన్నారై వ్యక్తిని అషు రెడ్డి పెళ్లి పేరుతో మోసం చేసినట్లు ఆరోపణలు మొదలయ్యాయి. అతడి వద్ద భారీ మొత్తంలో డబ్బు తీసుకుని పెళ్లి చేసుకుంటానని నమ్మించినట్లు ప్రచారం జరుగుతోంది.
కేసు నమోదు
దీనితో బాధితుడి తండ్రి సీసీఎస్ పోలీసులకు ఫిర్యాదు చేసి కేసు నమోదు చేసినట్లు కూడా వార్తలు వస్తున్నాయి. ఆ ఎన్నారై వ్యక్తి సాఫ్ట్వేర్ ఇంజినీర్ గా పనిచేస్తున్నారు. అషురెడ్డి అతడిని పెళ్లి చేసుకుంటానని నమ్మించడంతో ఆమె కోసం భారీ మొత్తంలో డబ్బు ఖర్చు చేశారట. డబ్బు, ఫ్లాట్, బంగారం ఇలా మొత్తం 9 కోట్ల వరకు అషు రెడ్డి అతడి నుంచి తీసుకుని మోసం చేసిందట.
పెళ్లి గురించి అడిగితే మాత్రం
కానీ పెళ్లి గురించి అడిగితే మాత్రం తప్పించుకుని తిరుగుతోంది అని, ఆమె కుటుంబ సభ్యులు కూడా ముఖం చాటేయడంతో బాధితుడి తండ్రి పోలీసులకు ఫిర్యాదు చేశారు. దీనితో పోలీసులు కేసు నమోదు చేసుకుని దర్యాప్తు చేస్తున్నారు.
అషు రెడ్డి వార్నింగ్
అయితే ఈ వివాదంపై నేరుగా అషు రెడ్డి స్పందించలేదు. పరోక్షంగా సోషల్ మీడియాలో పోస్ట్ పెట్టింది. తన పేరుతో ఎవరైనా అసత్య ప్రచారం చేస్తే లీగల్ గా యాక్షన్ తీసుకుంటా అంటూ వార్నింగ్ ఇచ్చింది.
టాలీవుడ్ లో గుర్తింపు
అషు రెడ్డి నటిగా, యాంకర్ గా, బిగ్ బాస్ సెలెబ్రిటీగా టాలీవుడ్ లో గుర్తింపు పొందారు. సోషల్ మీడియాలో గ్లామరస్ ఫొటోస్ షేర్ చేస్తూ ఇంకా పాపులర్ అయ్యారు.
