అఖిల్ తో ఒక్కసారైనా ఆ ఛాన్స్ కావాలంటున్న యాంకర్, మరీ అంత మోజు ఎందుకో...?

టాలీవుడ్ లో మోస్ట్ హ్యాండ్సమ్ బ్యాచిలర్ కుర్రాళ్లలో అక్కినేని అఖిల్ కూడా ఉన్నాడు. అఖిల్ సినిమాలు పెద్దగా ఆడకపోయినా.. టాలీవుడ్ లో రొమాంటికి హీరో ఇమేజ్ మాత్రం సాధించాడు. టాలీవుడ్ మన్మథుడు నాగార్జున మాదిరిగా అఖిల్‌కి కూడా అమ్మాయిల ఫ్యాన్ ఫాలోయింగ్ ఎక్కువే. 
 

అఖిల్ ను ఇష్టపడేవారిలో సామాన్యుల‌తో పాటు సెల‌బ్రిటీలు  కూడా ఉన్నారు. కొంత మంది అయితే అఖిల్ పై విపరీతంగా క్రష్ పెంచుకుంటున్నారు. అందులో అందాల యాంకర్ విష్ణు ప్రియా కూడా ఉంది. రీసెంట్ గా అఖిల్ గురించి మాట్లాడిన ఆమె.. ఆయనపై ఉన్న ప్రేమను ఒక్కసారిగా గుమ్మరించేసింది. 

అఖిల్ తో ఒక్క ఛాన్స్ కావాలంటుంది విష్ణు ప్రియా. అంతే కాదు అది కావాలంటూ..  డైరెక్ట‌ర్ ల‌ను రిక్వెస్ట్ చేస్తోందట కూడా. త‌న‌కు అఖిల్ తో జ‌న్మ‌జ‌న్మ‌ల అనుబంధం ఉంద‌ని.. ఆయనంటే ప్రాణమంటోంది...  అఖిల్ తో డ్యాన్స్ చేసే ఒక్క అవ‌కాశం ఇవ్వాలంటూ దర్శకులను వేడుకుంటుందట బ్యూటీ.  తాను అఖిల్ కు వీరాభిమాని అని చెబుతుందట విష్ణు ప్రియా. 

అంతేనా.. అభిమాని అని అనిపించుకోవడమే కాదు.. అఖిల్ సినిమాలు వ‌చ్చినా.. ఆయన  బ‌ర్త్ డే వ‌చ్చినా అత‌డి ఫోటోల‌ను సోషల్ మీడియాలో షేర్ చేస్తూ.. తెగ ప్రేమించేస్తుందట విష్ణు ప్రియా.  మరి  ఫేమస్ యాంకర్ బాధ చూసైనా.. దర్శకులు అఖిల్ తో ఐటమ్ సాంగ్ చేసే అవకాశమన్నా ఇస్తారో లేదో.. చూడాలి. 

రీసెంట్ గా  మోస్ట్ ఎలిజిబుల్ బ్యాచిలర్ మూవీతో ఫస్ట్ కమర్షియల్ హిట్ కొట్టిన అఖిల్‌.. సురేందర్ రెడ్డి డైరెక్షన్ లో  ఏజెంట్‌  సినిమా చేస్తున్నాడు. ఇందులో అఖిల్ లుక్‌ చూస్తే ఈ సినిమా కోసం ఆయన ఎంత కష్టపడ్డాడో అర్థమవుతోంది.టోన్డ్ బాడీతో.. హ్యాండ్సమ్ గా తయారయ్యాడు అఖిల్. ఈ సినిమాలో రా ఏజెంట్ గా రఫ్ అండ్ రగ్డ్ లుక్ లో కనిపించబోతున్నాడు. ఇప్పటికే ఈ సినిమా నుంచి ఆయన లుక్స్ రిలీజ్ అయ్యాయి. అక్కినేని ఫ్యాన్స్ ను ఉర్రూతలూగిస్తున్నారు. సినిమాపై అంచనాలు పెంచుతున్నాయి.  ఇక రిలీజ్ డేట్ కాస్తా వస్తే.. సినిమా ప్రమోషన్స్ కూడా అదరిపోయేలా చేయాలి అనుకుంటున్నారు టీమ్. 

ఈ సినిమాను దసరా కానుకగా ప్రేక్షకుల ముందుకు తీసుకు రానున్నట్టు టాక్ వినిపిస్తోంది. . ముందుగా అనుకున్న సమయానికి సినిమాను రిలీజ్ చేయడానికి కుదరకపోవడంతో గట్టిపోటీ ఉన్నప్పటికీ దసరాను ఎంచుకున్నారట చిత్రయూనిట్. త్వరలోనే ఈ విషయం పై క్లారిటీ రానుంది. ఇక ఈ సినిమాలో కీలకమైన పాత్రలో మమ్ముట్టి కనిపించనున్నాడు. హిపాప్ తమిజా ఈ సినిమాకి సంగీతాన్ని సమకూర్చుతున్నాడు.