ఎన్టీఆర్, చరణ్ ఫాన్స్ మధ్య మరోసారి చిచ్చు పెట్టిన యాంకర్ సుమ.. ఈ సారి రాజమౌళిని గట్టిగా ఇరికించేసిందిగా..!

`ఆర్‌ఆర్‌ఆర్‌`లో నటించిన ఎన్టీఆర్‌, రామ్‌చరణ్‌ ఇద్దరిలో ఎవరు బెస్ట్ అనేది ప్రారంభం నుంచి అందరిని వెంటాడుతున్న, చర్చనీయాంశంగా మారిన ప్రశ్న. తాజాగా ఇదే ప్రశ్న రాజమౌళికి ఎదురైతే. అవును జక్కన్నని గట్టిగా ఇరికించింది యాంకర్‌ సుమ. మరి రాజమౌళి ఏం చెప్పాడంటే..  

RRR Movie

దర్శకధీరుడు రాజమౌళి రూపొందించిన `ఆర్‌ఆర్‌ఆర్‌` ఎంతటి సంచలనాలు సృష్టించిందో తెలిసిందే. సుమారు 1200కోట్లు వసూలు చేసిందీ చిత్రం. కొమురం భీమ్‌గా ఎన్టీఆర్‌, అల్లూరి సీతారామరాజుగా రామ్‌చరణ్‌ ల అద్భుతమైన నటన, డాన్సులతో అదరగొట్టారు. దీనికితోడు కీరవాణి బ్యాక్‌ గ్రౌండ్‌ స్కోర్‌, యాక్షన్‌ సన్నివేశాలు వెరసి సినిమాకి తిరుగులేని విజయాన్ని అందించాయి. ఈ సినిమా రిలీజ్‌ అయిన ఆరు నెలలవుతున్నా, అంతర్జాతీయంగా దీనిపై ఇంకా చర్చ జరుగుతుండటం విశేషం. 

అంతేకాదు రామ్‌చరణ్‌, ఎన్టీఆర్‌ల నటనపై ప్రశంసలు కురిపిస్తున్నారు. హాలీవుడ్‌ మేకర్స్, యాక్టర్స్ సైతం వారి నటన గురించి ప్రత్యేకంగా మాట్లాడుతున్నారు. అయితే అంతర్జాతీయంగా ఎన్టీఆర్‌కి ప్రశంసలు దక్కుతుండటం విశేషం. ఆయనకు ఆస్కార్‌ అవార్డు పక్కా అంటూ ఆకాశానికి ఎత్తేస్తున్నారు. మొన్న క్యాష్‌ ప్రోగ్రామ్‌లో పాల్గొన్న అన్నపూర్ణమ్మ సైతం సుమ అడిగిన ప్రశ్నకి `ఆర్‌ఆర్‌ఆర్‌`లో ఎన్టీఆర్‌ నటనే తనకు బాగా నచ్చిందని చెప్పింది. 

తాజాగా రాజమౌళికి పెద్ద షాకిచ్చింది యాంకర్‌ సుమ. `ఆర్‌ఆర్‌ఆర్‌`లో ఎన్టీఆర్‌, రామ్‌చరణ్‌లో ఎవరు బాగా చేశారని మీరు అనుకుంటున్నారని ప్రశ్నించడం ఇప్పుడు హాట్‌ టాపిక్‌గా మారింది. ఇంతకి ఎక్కడ.. ఏం జరిగిందంటే.. `బ్రహ్మాస్త్ర` యూనిట్‌ `క్యాష్‌` షోలో పాల్గొంది. హీరోహీరోయిన్లు రణ్‌బీర్‌ కపూర్‌, అలియాభట్‌తోపాటు తెలుగులో ప్రజెంట్‌ చేస్తున్న రాజమౌళి సైతం క్యాష్‌ షోలో పాల్గొన్నారు. 

తాజాగా ఈ షో ప్రోమో విడుదలైంది. ఇప్పటి వరకు తన ఏ సినిమాకి క్యాష్‌ ప్రోగ్రామ్‌కి రాని రాజమౌళి ఈ షోకి రావడం నమ్మలేకపోతున్నానని తన సంతోషాన్ని వ్యక్తం చేసింది యాంకర్‌ సుమ. ఇందులో రణ్‌బీర్‌, అలియాభట్‌, రాజమౌళి లతో ఓ రేంజ్‌లో ఆడుకుంది. తనదైన స్టయిల్‌లో పంచ్‌లతో రెచ్చిపోయింది. ఈ షో ఆద్యంతం వినోదాత్మకంగా సాగింది. కానీ చివర్లో మాత్రం రాజమౌళికి సుమ పెద్ద షాకివ్వడం విశేషం.

ఇందులో `ఆర్‌ఆర్‌ఆర్‌` ఎన్టీఆర్‌, రామ్‌చరణ్‌లలో ఎవరు బాగా యాక్ట్ చేశారని మీరు అనుకుంటున్నారని స్టేజ్‌ పైనే, అందరి ముందు జక్కన్నని ప్రశ్నించింది సుమ. దీంతో ఒక్కసారిగా రాజమౌళి ముఖం మారిపోయింది. ప్రోమో అంతటితోనే కట్‌ చేశారు. మరి జక్కన్న ఏం చెప్పబోతున్నాడనేది ఇప్పుడు ఆసక్తికరంగా మారింది. శనివారం ప్రసారం కాబోయే పూర్తి షోలో రాజమౌళి స్పందన తెలిసే అవకాశం ఉంది. 

అయితే `క్యాష్‌` షో వేదికగా రాజమౌళిని గట్టిగా ఇరికించింది సుమ. ఆయన ఎలా స్పందిస్తారనే దానికోసం ఎన్టీఆర్‌ ఫ్యాన్స్, రామ్‌చరణ్‌ ఫ్యాన్స్ ఆసక్తికరంగా వెయిట్‌ చేస్తున్నారు. అదే సమయంలో మరోసారి ఇద్దరి హీరోల అభిమానుల మధ్య పెద్ద చిచ్చే పెట్టింది సుమ. ఇప్పటికే సినిమా విడుదలైనప్పట్నుంచి మా హీరో బాగా చేశాడంటే మా హీరో బాగా చేశాడని, డాన్సులు, ఎక్స్ ప్రెషన్స్ తో సహా ట్రోల్స్ చేసుకున్నారు తారక్‌, చరణ్‌ ఫ్యాన్స్. ఒకానొక దశలో వీరి మధ్య పెద్ద సోషల్‌ మీడియా వారే జరిగింది. 

అంతేకాదు మా హీరోకి నేషనల్‌ అవార్డు పక్కా అంటే, మా హీరోకి నేషనల్‌ అవార్డు పక్కా అంటూ పోస్టులు పెడుతూ దుమారం రేపారు. ఇద్దరి అభిమానులు తమ ఈగోకి పోయి ఇతర హీరోలపై అక్కసు వెళ్లగక్కారు. కానీ నెమ్మదిగా ఫ్యాన్స్ కూడా సైలెంట్‌ అయిపోయారు. ఇప్పుడు దీనిపై డిస్కషన్‌ ఆగిపోయింది. అంతా మర్చిపోయారనకునే సమయంలో సుమ ఇప్పుడు మరోసారి దాన్ని కదిలించి ఫ్యాన్స్ మధ్య మరోసారి చిచ్చు పెట్టిందని అంటున్నారు నెటిజన్లు. మరి ఈ చిచ్చు ఎలాంటి పరిణామాలకు దారితీస్తుంది, ఇద్దరి అభిమానులు  ఏం చేయబోతున్నారనేది ఆసక్తికరంగా మారింది.