కేరళలో సుమకు కోట్ల ఆస్తులు, లగ్జరీ ఇల్లు, స్టార్ హీరోలను మించి స్టార్ యాంకర్ ఆస్తి, ట్విస్ట్ ఏంటంటే..?

టాలీవుడ్ లో స్టార్ యాంకర్ గా దాదాపు 20 ఏళ్ళకు పైగా కొనసాగుతోంది సుమ. స్టార్ హీరోయిన్లను మించిన స్టార్ డమ్ ఆమెది. తెలుగింటి మలయాళీ కోడలికి  కేరళలో ఎంత ఆస్తి ఉందో తెలిస్తే షాక్ అవుతారు.  

యాంకర్ సుమ గురించి ప్రత్యేకంగా చెప్పనక్కర్లేదు. సుమ దాదాపు ఈ జనరేషన్ వారందరికి చిన్నతనం నుంచే తెలిసిన యాంకర్. దాదాపు 25 నుంచి 30 ఏళ్లుగా  యాంకరింగ్ రంగంలో తనదైన మార్క్ వేసింది సుమ. ఫిల్మ్ ఇండస్రీలో మాత్రం 30 ఏళ్లకు పైగానే  కొనసాగుతుంది సుమ. ఆమె ఫీల్డ్ లో ఉండగానే పదుల సంఖ్యలో యాంకర్స్ వచ్చారు. స్టార్ డమ్ అనుభవించారు.. రిటైర్ అయ్యి పెళ్ళిళ్లు చేసుకున్నారు. కొంత మంది అసలే కనుమరుగు అయ్యారు. 

అయినా సరే సుమ డిమాండ్ మాత్రం ఏమాత్రం తగ్గలేదు. యాంకరింగ్ లో స్టార్లు సూపర్ స్టార్లు మెగాస్టార్లు.. ఇలా ఏమున్నా అవన్నీ సుమకే వర్తిస్తాయి ఎందుకుంటే ఇప్పటికీ పెద్ద ఈవెంట్ ఏదైనా సరే సుమను వెతుక్కుంటూ వెళ్ళాల్సిందే. పేపర్ చూడకుండా.. స్పాంటినియస్ గా స్పందిస్తూ.. స్థాయిని బట్టి స్టార్లపై కూడా కాస్త అటు ఇటుగా ఫీల్ అవ్వకుండా పంచులు వేస్తూ.. అద్భుతంగా హోస్టింగ్ చేస్తుంది సుమ. 

ఆ కార్యక్రమానికి నిండుదనాన్ని. అద్భుతమైన విజయాన్ని అందించడంతో సుమ పాత్రే ఎక్కువ. అయితే నటుడిగా రాజీవ్ కనకాలకు పెద్దగా ఆఫర్లు లేకపోయినా.. సుమ ఈవేంట్లు మాత్రం మూడు పువ్వులు ఆరు కాయలు అన్నట్టుగా కొనసాగుతుంది. అయితే సుమకు ఇప్పటికే 50 ఏళ్లు వచ్చేస్తున్నాయి. అయినా కూడా ఏమాత్రం తగ్గేది లేదంటోంది. ఇంకో పదేళ్లు యాంకరింగ్ లో నేను స్టార్ ను అంటోంది. 

అయితే సుమకు సంబంధించిన పలు రూమర్లు చక్కర్లు కొడుతూ వచ్చాయి. ఈక్రమంలో సుమకు సబంధించిన ఓ విషయం ప్రస్తుతం వైరల్ అవుతోంది. ఇంతకీ విషయం ఏంటంటే.. సుమ ఆస్తులకు సబంధించిన విషయం వైరల్ అవుతోంది. యాంకర్ గా ఇక్కడ కోట్లు కూడబెట్టిందట సుమ. స్టార్ యాంకర్ గా ఆమె ఈవెంట్ కు 5 లక్షలకు పైగానే తీసుకున్న రోజులు ఉన్నాయట. ఈలెక్కన ఆమె ఆస్తులు కోట్లలో ఉంటాయంటున్నారు. 

అయితే ఇక్కడ కంటే ముందే ఆమెకు కేరళలో  కూడా కోట్ల ఆస్తలు ఉన్నట్టు. అక్కడ కోటలాంటి ఇల్లు కూడా కట్టినట్టు వార్తలు వస్తున్నాయి. కేరళలో రూ.278 కోట్లతో స్టార్ యాంకర్ సుమ ఒక లగ్జరీ ఇల్లు కట్టుకున్నట్లు ఒక వీడియో సోషల్ మీడియాలో వైరల్ గా మారింది. అందులో ఒక పెద్ద లగ్జరీ హౌస్ ను చూపిస్తూ.. వెనుక ఒక అమ్మాయి వాయిస్ సుమ గురించి చెప్పుకుంటూ వస్తుంది. 278 కోట్ల ఇల్లు.. 500 సీసీ కెమెరాలు..పదిమంది సెక్యూరిటీ గార్డులు  అంటూ.. సోషల్ మీడియా కోడై కూసింది. దాంతో ఈ విషయంలో సుమ స్పందించింది. 

Anchor Suma

ఆమె ఏమన్నారంటే ఎవర్రా మీరంతా .. నేనెప్పుడు కట్టానురా ఇంత పెద్ద ఇల్లు. నేను కేరళలో ఎలాంటి ఇల్లు కట్టించలేదు. ఇదంతా ఫేక్. 2018 లో 278 కోట్లతో కట్టానని ఈ వీడియోలో ఉంది. అసలు రూ.278 కోట్లలో ఎన్ని సున్నాలు ఉంటాయమ్మా.. ఏమనుకుంటున్నావమ్మా నువ్వు? నేనేమైనా అంబానీ ఫ్యామిలీ అనుకుంటున్నావా.? 500 సీసీ టీవీ కెమెరాలు అంట.. ఇదేమైనా నమ్మోచ్చా? సాధారణంగా ఒక హౌస్ లో 5 రూమ్ లు ఉంటే.. ఒక్కో రూమ్ లో 5 కెమెరాలు పెట్టినా 25 మాత్రమే వస్తాయి. అలాంటిది 500 కెమెరాలు ఎక్కడ పెడతారండి? అదేమైనా బిగ్ బాస్ హౌస్ నా?’

‘ఇక్కడ మీరు గమనించాల్సిన విషయం ఏమిటంటే? ఇలాంటి ఫేక్ వీడియోస్ లో ముఖ్యంగా నేను కనిపించకుండా.. నా ఫొటోస్ ను కోలాడ్ చేసి.. ఎక్కడో థాయ్ ల్యాండ్ లోనో, గోవాలోనో ఉన్న ఇళ్లను పెట్టి ఎడిట్ చేసి వాయిస్ ఓవర్ తో క్రియేట్ చేస్తారు. ఇలాంటి వీడియోలన్నీ ఫేక్. మేము సెలబ్రిటీస్.. మా అంతట మేమే వచ్చి మాట్లాడితే తప్ప ఇలాంటి వార్తలను నమ్మకండి. ఇక ఇప్పుడు AI కూడా వచ్చింది. ఇప్పుడు మా పెదాలు చూసి నిజంగా మేమే మాట్లాడుతున్నామా అని నిర్దారించుకోండి” అంటూ క్లారిటీ సుమ. ప్రస్తుతం ఈ వీడియో నెట్టింట వైరల్ గా మారింది.