మీరు ఎంత బురదచల్లినా నేను తగ్గను, నన్ను గెలికారు నేనేంటో చూపిస్తూ... అనసూయ డైరెక్ట్ వార్నింగ్!

అనసూయ ఈ వివాదాన్ని వదిలేసే సూచనలు కనిపించడం లేదు. ఆమె మరొక సంచలన పోస్ట్ పెట్టారు. అనసూయ లేటెస్ట్ పోస్ట్ మరింత ఘాటుగా ఉంది.  

హీరో విజయ్ దేవరకొండపై అనసూయ పోరాటం ఆగేలా లేదు. ఆమె వివాదాన్ని అంతకంతకూ పెంచుకుంటూ పోతున్నారు. ఈ విషయంలో ఆమె విమర్శలు ఎదుర్కొంటున్నప్పటికీ తాను తగ్గేది లేదంటుంది. తాజాగా ఘాటైన వ్యాఖ్యలు చేశారు. ఇంస్టాగ్రామ్ స్టేటస్ లో అనసూయ సుదీర్ఘ హెచ్చరిక సందేశం పోస్ట్ చేశారు. 

Anasuya Bharadwaj

అనసూయ పోస్ట్ పరిశీలిస్తే... నువ్వు చేసిన తప్పు తెలుసుకునే వరకు నేను ఇలా చేస్తూనే ఉంటాను. దీని వలన నేను మరింత వ్యతిరేకత ఎదుర్కొంటాను. అయినా నేను తగ్గను. నువ్వు చేసిన దాన్నుండి తప్పించుకోలేవు. నాకు న్యాయం, ధర్మం మీద నమ్మకం ఉంది. ఏడ్చి కన్నీళ్లు పెట్టుకొని సింపతీ పొందడానికి నేను మోసగత్తెను కాదు. నేను అలా చేయను. మీరు ఎంత క్రిందకు లాగినా, బురదచల్లినా నేను ఈ పోరాటం ఆపను. 

ఈ వివాదంలో ఎవరు తప్పో ఎవరు ఒప్పో తెలుసుకునే రోజు వస్తుంది. నాకు నమ్మకం ఉంది. ఎస్ నేను అటెన్షన్ కోరుకుంటున్నాను. కానీ మీరు అనుకుంటున్నట్లు కాదు. నా వర్క్, టాలెంట్ నాకు అటెన్షన్ తెచ్చిపెడతాయి. దానికి నేను అర్హురాలిని. అటెన్షన్ కోరుకోవడం నా వృత్తిలో భాగం. అలా అని నాకు పని లేదు, అందుకే అటెన్షన్ కోరుకుంటుందని అనుకోకండి. 

నాలోని అమ్మను టార్గెట్ చేశారు. ఆమె తిరగబడితే ఎలా ఉంటుందో మీకు చూపిస్తాను. డబ్బులు ఇచ్చి ట్రోల్ చేయించడానికి నేనేమీ బలహీనురాలిని కాదు... అని అనసూయ స్ట్రాంగ్ వార్నింగ్ ఇచ్చారు. అనసూయ తాజా పోస్ట్ చూస్తే ఆమె ఈ వివాదంలో వెనక్కి తగ్గే ఆలోచనలో లేరని అర్థం అవుతుంది.

అలాగే అనసూయ రెండు రోజుల క్రితం  ఒక వీడియో బైట్ విడుదల చేశారు. యూట్యూబ్ ఛానల్స్, వెబ్ సైట్స్ మీద ఆమె మండిపడ్డారు. సెలబ్రిటీల మీద వార్తలు రాసి కడుపు నింపుకునే మీకు ధైర్యం ఉంటే, ఉప్పు కారం తింటుంటే నిజాలు రాయండి. నేను నిజం మాట్లాడాను . నా అభిప్రాయం తెలియజేశాను. ఫలానా హీరో ఫ్యాన్స్ అనసూయను వేధించారు, ట్రోల్ చేశారు, వెంటబడ్డారు ఇది కాదు. ఇంకా మీకు దునియా దారి అర్థం కావడం లేదు. పడ్డవాడెప్పుడు చెడ్డవాడు కాదు. అన్నవాడి నోరే కంపు. చేతకాని వాళ్ళు అదుపు తప్పారు. ఇది మీరు పెట్టాల్సిన థంబ్ నెయిల్. బెటర్ లక్ నెక్స్ట్ టైం, అంటూ వీడియో ఎండ్ చేశారు. 

అనసూయ-విజయ్ దేవరకొండల వివాదం ఇప్పటిది కాదు. అర్జున్ రెడ్డి చిత్రం నుండి కొనసాగుతుంది. కొన్నాళ్లు అనసూయ విజయ్ దేవరకొండ మీద ఎలాంటి కామెంట్స్ చేయలేదు. లైగర్ ప్లాప్ టాక్ తెచ్చుకోగా అనసూయ పరోక్షంగా ఓ ట్వీట్ చేశారు. అమ్మను తిట్టిన వాళ్లకు ఇలాంటి ఫలితాలే వస్తాయని దేవరకొండను టార్గెట్ చేసింది.

కొద్ది రోజుల క్రితం విజయ్ దేవరకొండ బర్త్ డే కానుకగా ఖుషి చిత్ర పోస్టర్స్ విడుదల చేశారు. అందులో విజయ్ దేవరకొండ పేరు ముందు "The' అని పెట్టడాన్ని అనసూయ తప్పుబట్టిన విషయం తెలిసిందే. ఖుషి చిత్ర పోస్టర్స్ లో ది విజయ్ దేవరకొండ అని రాసిన నేపథ్యంలో అనసూయ స్పందించారు. పరోక్షంగా సెటైర్స్ వేశారు. దాంతో వివాదం రాజుకుంది. విజయ్ దేవరకొండ ఫ్యాన్స్ ఆమెను ట్రోల్ చేశారు. ఆంటీ అంటూ సోషల్ మీడియా వేదికగా వేధింపులకు దిగారు. వివాదం అలా మొదలై కొనసాగుతుంది.